Олон улсын эмэгтэйчүүдийн эрхийг хамгаалах өдрийг тохиолдуулан Хан-Уул дүүргийн Засаг даргын Тамгын газраас “Өргөмжит ээж” алдаршуулах үйл ажиллагааг  2017 оны 3 дугаар сарын 7-ны өдөр дүүргийн Соёлын ордонд зохион байгууллаа. Тус арга хэмжээ нь дүүргийн 16 хорооны  59 ээжийг  “Буянтай ээж”, “Бүтээлч ээж”, “Дархан ээж”, “Өнөр ээж” гэсэн номинацаар  тодруулж өргөмжлөл гардууллаа. Өргөмжит  ээжүүдийн үлгэр дуурайллыг ирээдүйн хүүхэд, залуучуудад өвлүүлэн үлдээх, сурталчлах зорилготой энэхүү үйл ажиллагаанд Нийслэлийн Иргэдийн төлөөлөгчдийн хурлын тэргүүлэгч, Хан-Уул Дүүргийн Засаг дарга Ж.Алдаржавхлан, Засаг даргын орлогч Г.Батсайхан, Засаг даргын зөвлөх Ч.Бат-Оргил, Нийгмийн хөгжлийн хэлтсийн дарга Б.Булган болон бусад албаны хүмүүс оролцож ээжүүддээ баярын мэндчилгээ дэвшүүлж, баяр хүргэлээ.