Улсын Ерөнхий Прокурорын Газрын Сургалтын төвөөс  “Мөнгө угаах гэмт хэргийг шалгахад анхаарах асуудлууд” сэдэвт сургалтыг 2019 оны 6 сарын 26-наас 28-ны өдрүүдэд Нийслэлийн прокурорын газар болон, Цагдаагийн Ерөнхий газрын Мөрдөн байцаах албанд тус тус зохион байгуулж, төвийн ахлах прокурор Хууль зүйн ухааны доктор Б.Өнөрмаа сургалтыг удирдаж явууллаа.

Уг сургалтад Нийслэлийн прокурорын газрын 25 прокурор, Мөрдөн байцаах албаны Дүн шинжилгээ, хяналт шалгалтын хэлтэс, Захиргаа удирдлагын хэлтэс, Хүнд гэмт хэрэг мөрдөн шалгах хэлтэс, Хулгайлах гэмт хэрэг мөрдөн шалгах хэлтэс, Залилах гэмт хэрэг мөрдөн шалгах хэлтэс, Тусгай субъектын үйлдсэн гэмт хэрэг мөрдөн шалгах хэлтэс, Хүрээлэн буй орчны эсрэг гэмт хэрэг мөрдөн шалгах хэлтсийн нийт 125 албан хаагч оролцсон байна.

Эх сурвалж: ТАГНУУЛЫН ЕРӨНХИЙ ГАЗАР