"УИХ-ын гишүүнийг эгүүлэн татах заалтыг нэмж тусгана" | News.MN

"УИХ-ын гишүүнийг эгүүлэн татах заалтыг нэмж тусгана"

"УИХ-ын гишүүнийг эгүүлэн татах заалтыг нэмж тусгана"

"УИХ-ын гишүүнийг эгүүлэн татах заалтыг нэмж тусгана"

УИХ-ын үйл ажиллагаа өнөөдрөөс эхэлж, энэ долоо хоногийн УИХ-ын байнгын хороод, чуулганы хуралдаанаар Үндсэн хуульд нэмэлт, өөрчлөлт оруулах хуулийн төслийн хоёрдугаар хэлэлцүүлгийн хийнэ. Үүнтэй холбоотойгоор УИХ-дахь МАН-ын бүлгийн хуралдаан Төрийн ордонд үргэлжилж байна. Бүлгийн хурлаар хэлэлцэж байгаа асуудал болон хуулийн төслийн талаар МАН-ын бүлгийн дарга Д.Тогтохсүрэнгээс тодрууллаа.


-Үндсэн хуульд нэмэлт, өөрчлөлт оруулах хуулийн төслийн талаар бүлгийн хуралдаанаар гишүүдийн ярьж буй гол саналууд нь юу байна вэ? 

-Бүлгийн хуралдаанаар Үндсэн хуульд нэмэлт, өөрчлөлт оруулах хуулийн төслийн заалт бүрийг нэг бүрчлэн ярьж байна. Гишүүд хөдөө орон нутагт ажлын долоогоос доошгүй хоног ажиллаад ирсэн. Уулзалтын үеэр иргэдийн зүгээс хэлсэн саналуудыг өнгөрөгч баасан гаригт бүлгийн хурлаар ярилцсан. Амралтын өдрүүдэд ажлын хэсэг, дэд хэсгүүд ажиллаж саналуудыг нэгтгэсэн. Одоо бол зарчмын зөрүүтэй саналуудыг ярьж байна. Нэлээн олон талаас нь ярьж байгаа учраас бүлгийн хуралдаан орой хүртэл хуралдана. Нийт дөрвөн бүлэг асуудлаас хоёрыг нь ярилцаж дууслаа. Үдээс хойш үргэлжлүүлэн үлдсэн асуудлыг ярилцана. Хуулийн төслийн 21.4-т УИХ-ын Сонгуулийн тогтолцоо, журмыг хуулиар тогтооно гэсний тогтолцоо гэсэн үгийг хасах саналыг гишүүдийн олонх гаргалаа. Сонгуулийг мажоритар системээр явуулах нь зөв гэдэг байр сууринаас гишүүд асуудалд хандлаа. Хуулийн төслийн бусад заалтуудыг томьёоллын хувьд сайжруулах санал гарч байна.

-АН-ын зөвлөлийн гишүүд Үндсэн хуулийн өөрчлөлтийн хэлэлцүүлгийг хойшлуулахыг шаардаж,  хоёрдугаарт хэлэлцүүлэгт оролцохгүй гэдгээ мэдэгдсэн. Чухал хуулийн төсөл хэлэлцэж байгаа атлаа сөрөг хүчинтэйгээ яагаад ойлголцохгүй байна вэ?

-АН-ын зөвлөлийн гишүүд улс төрийн шалтгаан мөн намынхаа улс төрийн шийдвэрээс асуудалд хандаж байгаа болов уу гэж бодож байна. Үндсэн хуульд нэмэлт, өөрчлөлт оруулах хуулийн төслийг 2014 онд АН-ын гишүүн Н.Батбаяр нарын 47 гишүүний өргөн барьсан хуулийн төсөл. Уг өргөн барьсан хуулийн төслийн бараг 90  хувь нь одоогийн хуулийн төсөлд багтсан төсөл шүү дээ. Улс төрийн шалтгаан байгаа байх гэж бодож байна.

-АН-ын зөвлөлөөс ард иргэд Үндсэн хуулийн нэмэлт, өөрчлөлтийн талаар ямар ч мэдээлэлгүй байна гэж байна. Ард иргэдэд мэдээлэл өгөх ажлыг хийх үү?

-Манай гишүүдийн ихэнх нь Ард нийтийн санал асуулга явуулах ёстой гэсэн байр суурьтай байгаа. Сая тойргоороо ажиллаад мэдээлэл өгсөн. Мөн Ард нийтийн санал асуулга явуулна гэвэл дахиад хоёр сар мэдээлэл өгөх хугацаа байгаа. Ард нийтийн санал асуулга явуулах хамгийн наад талын хугацаа есдүгээр сарын 20-н байгаа. Тэгэхээр мэдээлэл өгөх, тайлбарлах хангалттай хугацаа байгаа гэж бодож байна. Иргэдээс их олон санал ирж байгаа. Орон нутгийн саналуудыг өнгөрсөн баасан гаригт хуралдаж нэлээд цэгцэлсэн. Тухайлбал, сумын хурлыг аймгийн хурлаас сонгохыг буруу гэсэн. Түүнийг цэгцэлсэн. Дүүргийн Засаг дарга сонгох асуудлыг мөн зохицуулалт хийсэн. Аймгийн хурлыг байхгүй болгочихлоо гэж байсныг сэргээсэн. Хотын асуудлыг сэргээж байгаа. Шүүхтэй холбоотой нэлээд олон заалт байсан.

Ард нийтийн санал асуулгаар Үндсэн хуульд нэмэлт, өөрчлөлт оруулж болох эсэхийг шийдвэрлэх тухайд бүлэг ямар байр суурьтай байгаа вэ. Мөн хоёрдугаар хэлэлцүүлгийг хэзээ дуусгахаар төлөвлөж байна вэ?

– Үндсэн хуульд нэмэлт, өөрчлөлт оруулах хуулийн төслийн хоёрдугаар хэлэлцүүлгийг долдугаар сарын 5-ны дотор багтаан хэлэлцэж дуусгахаар төлөвлөж байна. Дэгийн тухай шинэ хуулиар УИХ-ын гишүүний чуулганы хуралдаанд үг хэлж, асуулт асуух  хугацааны хувьд ярвигтай болсон. УИХ-ын гишүүний үг хэлэх хугацаа нь 10 минут, хариулт авах нь 10 минут, асуулт асуух нь мөн 10 минут болсон. Гэхдээ төлөвлөгөөний дагуу энэ сарын 5-ны дотор багтааж хоёрдугаар хэлэлцүүлгийг хийж дуусгахаар ажиллаж байна. Хэрэв энэ хугацаандаа амжвал долдугаар сарын 8,9 нд УИХ-ын чуулган хуралдаад хуулийн төслийг гуравдугаар хэлэлцүүлэгт шилжүүлэх үү, ард нийтээс санал асуулга авах уу гэдгийг УИХ тогтоолоор шийдвэрлэнэ.

-Үндсэн хуульд нэмэлт өөрчлөлт оруулах хуулийн төсөлд иргэдээс хэр санал авсан бол?

-Хөдөө орон нутгаас их санал ирсэн. Өнгөрсөн тав дахь өдөр Их тэнгэрт ажлын хэсэг хуралдаж нэлээд цэгцэлсэн. Тухайлбал, Сумын Засаг даргыг сонгох, дүүргийн Засаг даргыг сонгох асуудалд зохицуулалт хийсэн. Аймгийн ИТХ-ыг байхгүй болголоо гэсэн шүүмжлэл ирсэн. Үүнийг сэргээсэн. Орон нутагт орон нутгийн асуудлыг их ярьсан.  "Давхар дээл"-ийг байхгүй болгох, шүүхийн засаглалын асуудал мөн яригдсан.

Улс төрийн намыг салбарын нам болголоо гэсэн шүүмжлэл байна. Энэ талаар?

-Улс төрийн намыг илүүтэй хариуцлагажуулсан. Санхүүжилтийг ил тод болгож, нэг хүний нам байхыг үгүйсгэсэн.

-Байгалийн баялаг  “Төрийн өмч байна” гэсэн 1992 оны заалтыг  энэ удаагийн нэмэлт өөрчлөлтөөр “Ард түмний өмч байна” гэж өөрчилж  болоогүй юм уу?

-Байгалийн баялаг төрийн өмч байна гэдэг нь 1992 оны Үндсэн хуулийн заалт.  Энэ нь хөндөгдөөгүй заалт. Журмын тухай хуулиар хөндөгдөөгүй заалтыг УИХ хөндөх ёсгүй. Өргөн баригдаагүй учраас, гэхдээ яаж ашиглах уу гэдэг  дээр асуудал ярьж байна.  Энэ чиглэлд ажлын хэсэгт үүрэг өгч дахин томьёоллоор оруулж ирж эцэслэн шийдвэрлэнэ.

-"60 тэрбум", ЖДҮ-д холбогдсон эрх баригчид Үндсэн хуульд өөрчлөлт оруулах нь ёс зүйгүй гэж зарим хүмүүс үзэж байна. Энэ тал дээр ямар байр суурьтай байна вэ?

-Ард иргэдтэй уулзахад энэ талаар ярихгүй байгаа. Зарим улстөрчид зохион байгуулалттай ярьж байна.

-УИХ-ын гишүүнийг эгүүлэн татах талаар ямар заалт тусгасан бэ?

-Энэ асуудлыг иргэдтэй уулзаж байгаа нэлээд ярьж байна. Тиймээс сая бүлгийн хурал дээр шийдвэрлэж,  УИХ-ын гишүүдийг Үндсэн хууль зөрчсөн болон эгүүлэн татах үндэслэлтэй гэж Үндсэн хуулийн цэц үзвэл эгүүлэн татна гэсэн заалт тусгахаар боллоо.

-АН-ын зөвлөл чуулганыг хугацаанд нь завсарлуулах ёстой гэсэн байр суурь илэрхийлж байна?

-Завсарлуулах, үгүйг Их хурал өөрөө шийднэ. Гэхдээ Үндсэн хуулийн өөрчлөлт хэлэлцэж байхад завсарлуулах хэцүү. Өөрөө Дэгийн хуультай. Хоёрдугаар хэлэлцүүлэг явсны дараа л завсарлах уу, ард нийтийн санал асуулга явуулах гэдгийг шийднэ. Үүнээс өмнө завсарлах эрх бидэнд байхгүй.

 

 

 

 

"Болор дуран"-аар шалгав.
Энэ мэдээнд өгөх таны сэтгэгдэл?
7
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

1 2019-07-01 119.40.103.6

Тэр их хурлын гишүүний халдашгүй дархан байдлыг болиулах хэрэгтэй. Энгийн иргэн шиг л болго. Хуулийн өмнө тэгш эрх эдлэх ёстой.

Avatar

Зочин 2019-07-01 119.40.103.6

Д.Тогтохсүрэн бас л худлаа ярилаа. Ерөнхий сайд ч давхар дээлгүй байх ёстой гэдгээр ард түмэн санал өгч байгаа шүү дээ. Учир нь Ерөнхий сайд чинь ХУУЛЬ ТОГТООХ-ГҮЙЦЭТГЭХ эрх мэдлийг давхар гүйцэтгэж болохгүй биз дээ. ҮНДСЭН ХУУЛЬ-д энэ 2 засаглалыг тус тусд нь эрх мэдлийг зааглаад байгаа шүү дээ

Avatar

Bayarsakhan 2019-07-01 39.120.178.53

Canal abax neriidleer gol yumiig ni oorjilox canaa ulsaa bish xubia bodson
Uls torchided bna ceremjtei baix xeregtei togtoltcoo gedeg ugiig oorcshilox canaa jiriin xumuus gargaxgui schuu dee ulsaa bodno gesen yasan be xuuxduudiinxee ireeduig
Bodox xeregtei odoo bidend aldax erx xugatsaa baixgui 30jil dampuurlaa

Avatar

Зочин 2019-07-01 112.72.12.9

ГОЁ

Avatar

Чагнаа 2019-07-01 66.181.185.161

Эргүүлэн татах асуудлыг эхнээс нь суулгалгүй, шаардахаар нэмж оруулна гэдэг чинь боолихойтой болохыг харуулж байна. Дордуулсан долоон заалтаас болж төрийн хямрал эхэлсэнээс биш, Үндсэн хуульд буруу байгаагүй. Гишүүд шунагласаар байгаад ийм заалтыг нэмээ биз дээ. Одоо эхлээд тэр долоогоо цөмий нь, хагас дутуу биш, хүчингүй болго. Энэ удаад үүнээс өөр өөрчлөлт оруулах эрх Та нарт байхгүй

Avatar

Зочин 2019-07-01 66.181.185.161

Эхнээсээ эргүүлж татах асуудлыг оруулалгүй, шаардахаар нэмж оруулна гэдэг чинь угаасаа болохгүй, зөвшөөрөх аргагүй юм болж байгааг харуулж өглөө. Эхлээд л дордуулсан долоон өөрчлөлтөө бүхэлд нь, дутуу хагас биш, хүчингүй болго. Үүнээс чинь болж л төрийн хямрал эхэлсэнээс биш Үндсэн хууль хямралд нөлөөлөөгүй. Гишүүд өөрснөө л шунаж байж хямрал гаргасан шүү дээ. Иэгээд ард олны +70 хувь зөвшөөрсөн гэдэг чинь огт худлаа…

Avatar

Hm 2019-07-01 64.119.20.173

Наадмын үеээр нэг хуйвалдаж шийдвэр гаргадагаа хийх нь дээ. Энэ Ерөнхийлөгч чинь шүүх засаглалыг эрхэндээ оруулчлаа шүү дээ. Нотой ёс зүйгүй гишүүдийг шантажилж байгаад хуулинд өөрчлөлт оруулж байгаад өөрт нь таалагдахгүй үгээр нь байхгүй байгаа шүүгчдийг дураараа өөрчилдөг болчлоо. Одоо ерөнхиылөгч шүүгчид нэг үг хэлэхэд тэрнээс нь зөрөх шүүгч үгүй болох байх даа.

Avatar

зочин 2019-07-01 66.181.176.55

Тэр их хурлын гишүүний халдашгүй дархан байдлыг нэн чаралтай болиуулах хэрэгтэй.Их хуралд гэмт этгээдүүд халдашгүй байдалд орох гэж үхэн хатан зүтгэж ороод байна бизнесийн бүлэглэлүүд ч үхэн хатан зүтгэж ороод ял зэмлэлээс хамгаалуулаад ядаргаа болоод их хуралд гарчихаад гэмт хэрэгч үйлдээд энэ заалтны ард нуугдаад байна.Үүнийг болиулахгүй бол ямарч утга алга болчоод байна.Энгийн иргэн шиг л болго.Их хурлын гишүүд ѳѳрсдѳѳ гэмт хэрэг үйлдэхгүй байх ёстой.Гэмт хэрэгтэн энэ заалтны ард нуугдахгүй

Avatar

Hm 2019-07-01 64.119.20.173

Яг үнэн. Үндсэн хуулийг хуулийн өмнө бүх хүн ижил гэдэг худлаа Болсон. Бүх амитан тэгш эрхтэй. Гахайнууд илүү тэгш эрхтэй гээч л болж байна даа

Avatar

ХН 2019-07-01 202.179.25.36

ПААА … МУНДАГ ЗААЛТ ОРУУЛЖ БАЙГААМ БАЙНА. ГЭЭД ҮНДСЭН ХУУЛИЙГ ӨӨРЧЛӨХ НЭЭ ДЭЭ.

Avatar

ТАХ 2019-07-01 202.179.4.250

ЗҮГЭЭР Л ЧУУЛГАНЫ ХУРАЛДААНЫ ТОДОРХОЙ ХУВЬД СУУГААГҮЙ ГИШНҮҮНИЙГ ХАЛАХ. ТЭГЭЭД СОНГУУЛИАР НЭР ДЭВШЭЭД САНАЛААР АРД НЬ ОРСОН ХҮНИЙГ ГИШҮҮНЭЭР ТОМИЛОХ ЭРХИЙГ УИХ-ЫН ДАРГАД ӨГЧИХ.
НӨХӨН СОНГУУЛЬ ЭНЭ ТЭЭР БӨӨН ЗАРДАЛ ЧИРЭГДЭЛ, ЦАГ ХУГАЦАА ҮРСЭН АСУУДАЛ ҮҮСНЭ.

Avatar

Зочин 2019-07-01 45.117.32.130

Эргүүлж татах зайлшгүй шаардлагатай.Нөхөн сонгууль хийж хөрөнгө зарахгүйгээр эргүүлж татагдсан хүний оронд жагсаалтын 2 т байсан хүнийг шууд оруулдаг болох хэрэгтэй

Avatar

Зочин 2019-07-01 202.9.43.17

Ухсэний чинь Эгуулэн Гэж бас оорсдийгоо пануужин стайлаар хаан
Хун шиг хэлж ярьдаг болох нь Эргуулэн гэж бичнэ жду хулгайч нараа эргуулэн чирч гулдран торийн ордноос гаргана гэж бичнэ

Avatar

зочин 2019-07-01 202.21.117.2

Яагаад ийм урайлгахан болцгоов?

NewsMN Гар утасны хувилбар Татах
NEWS.mn

Мэдээллийн эх сурвалж