АНУ болон Хойд Солонгосын хооронд цөмийн яриа хэлэлцээ бүтэлгүйтсэний дараа хэлэлцээнд зуучлагчийн үүрэг гүйцэтгэж байсан Өмнөд Солонгосын Ерөнхийлөгч Мүн Жэ Ин тоглоомноос хасагдан Хятадын дарга Ши Жиньпин түүнийг орлох болов. Эдгээр гурван улсын удирдагчдын ашиг сонирхол, бие биедээ үзүүлэх нөлөө яалт ч үгүй хоорондоо уялдаа холбоотой.

Ким, Ши, Трамп нарыг “дипломат хайрын гурвалжин” хэмээн нэрлэж байгаагийн учрыг тайлбал:

ШИ ЖИНЬПИН- Магадгүй тэр тоглоомны хамгийн чухал ч байж болох байр суурин дээр байгаа.  Тэр АНУ-аас  тарифаа бууруулахыг хүсч байгаа. Харин Хойд Солонгосоос цөмийн зэвсгээсээ татгалзахыг шаарддаг ч тусламж үзүүлэхээс  ч татгалздаггүй.  Үүнийхээ хариуд худалдааны дайны өрсөлдөгч АНУ-ыг Ким Жон Унаар дарамтлууулдаг байж болох юм.

КИМ ЖОН УН- Түүний хувьд бүх зүйл ойлгомжтой. Тэр цөмийн зэвсгээсээ салчихвал юу болно гэдгийг мэдэж байгаа. Улсынх нь хөгжлийг чөдөрлөж буй олон улсын хориг, дарамт шахалтуудаас гарахыг хүсч байгаа. Гэвч АНУ тийм ч амархан суллахыг хүссэнгүй. Гэхдээ Кимд Хятад хэмээх найдвар бий.

ДОНАЛЬД ТРАМП – Ким, Ши хоёр түүнд худалдааны дайныг төгсгөх, хоригийг цуцлах гэсэн хоёр том шаардлагыг тавьж байгаа. Эсрэгээрээ Трамп тэднээс худалдааны дайнд бууж өгөх, цөмийн зэвсгээсээ бүрэн татгалзахыг шаардаж байна. Энэ бүхнээс харахад Трамп бага ч гэсэн буулт хийхгүйгээр эдгээр бүх төвөргтэй асуудал мөд шийдэгдэхгүй.

Эх сурвалж:CNN