БНСУ-ын Гванжу хотноо ирэх долдугаар сарын 3-14-ний өдрүүдэд Дэлхийн оюутны спортын “Универсиад” наадам болох билээ. Уг наадамд 5 тивийн 170 орны 12,500 тамирчин, төлөөлөгчид хүрэлцэн ирнэ. Универсиадад тухайн улсын их, дээд сургуулийн өдрийн ангид суралцдаг, 17-28 насны оюутан тамирчид оролцох юм. Наадам спортын 18 төрөлд , 11 өдрийн туршид болж, 272 багц медалийн төлөө оюутан тамирчид хүч чадал, ур чадвараа сорин өрсөлдөнө.

“Универсиад”-ын сагсан бөмбөгийн тэмцээний эрэгтэй 24 баг дөрвөн хэсэгт хуваагдсан. Тус тэмцээнд оролцох манай баг “В” хэсэгт ОХУ, Швед, Канад, Монтенегро, Мексикийн багуудтай багтсан билээ. Манай сагсчид эдгээр өдрүүдэд Хандгайт дахь спортын ордонд бэлтгэлээ хийж байна. Тэд ирэх долдугаар сарын 4-нд Мексикийн багтай эхний тоглолтоо хийх юм.

Тоглолтын хуваарийг танилцуулья:

"В" хэсгийн тоглолтын хуваарь:

• VII.04–нд 14.30 цагаас МЕКСИК -МОНГОЛ (Ёонван спортын ордонд)
• VII.05-нд 20.30 цагаас МОНГОЛ-МОНТЕНЕГРО (Гванжугийн Их сургуулийн спортын ордонд)
• VII.06-нд 14.30 цагаас МОНГОЛ -ОХУ (Гванжугийн Их сургуулийн спортын ордонд)
• VII.08 нд 17.30 цагаас КАНАД-МОНГОЛ (Ёонван спортын ордонд)
• VII.09-нд 12.30 цагаас МОНГОЛ-ШВЕД (Муан спортын ордонд) тус тус тоглох хуваарьтай.

Ч.БОЛОР