"Хөгжлийн бэрхшээлтэй иргэдэд зориулсан дэд бүтэц шаардлагатай" | News.MN

"Хөгжлийн бэрхшээлтэй иргэдэд зориулсан дэд бүтэц шаардлагатай"

"Хөгжлийн бэрхшээлтэй иргэдэд зориулсан дэд бүтэц шаардлагатай"

"Хөгжлийн бэрхшээлтэй иргэдэд зориулсан дэд бүтэц шаардлагатай"

Улаанбаатар хотноо Ази, Номхон далайн бүсийн хөгжлийн бэрхшээлтэй иргэдийг хамт олонд түшиглэн хөгжүүлэх IV конгресс Ерөнхий сайд У.Хүрэлсүхийн ивээл дор долдугаар сарын 02-03-ны өдрүүдэд зохион байгуулагдана. Тус конгрессын үйл ажиллагаа нь хөгжлийн бэрхшээлтэй иргэдийн хөдөлмөр эрхлэлтэд илүү анхаарал хандуулж буй илэрхийлэл болгож “Эдийн засгийн тогтвортой хөгжилд хөгжлийн бэрхшээлийг тэгш хамруулах, чадавхыг дээшлүүлэх зорилгоор Ази, номхон далайн бүсийн орнуудын 600 гаруй төлөөлөгчид өөрсдийн орны сургамж болон сайн туршлагаа  хэлэлцэх юм.

Энэ талаар Хөдөлмөр, нийгмийн хамгааллын сайд С.Чинзориг мэдээлэл хийлээ. Тэрбээр “Төлөөлөгчдийн 40 хувь нь хөгжлийн бэрхшээлтэй иргэд оролцож хөгжлийн бэрхшээлтэй иргэдийн өмнө тулгамддаг асуудлыг бүс нутгийн хэмжээнд туршлага солилцох тус арга хэмжээний бэлтгэл ажил үндсэндээ хангагдаж дууссан. Ази, Номхон далайн бүсийн хөгжлийн бэрхшээлтэй иргэдийг хамт олонд түшиглэн хөгжүүлэх IV конгресст 43 орны төлөөлөгчид оролцохоо мэдэгдсэн. Уг арга хэмжээний нээлтэд Ерөнхий сайд У.Хүрэлсүх оролцоно. Засгийн газрын зүгээс хөгжлийн бэрхшээлтэй иргэдэд авч хэрэгжүүлж буй бодлого, чиглэлийн талаар үндсэн илтгэл тавина. Мөн УИХ-ын НББСШУ-ны байнгын хорооны дарга хөгжлийн бэрхшээлтэй иргэдийн эрхийг хангах, нийгмийн хамгааллыг нь сайжруулах тал дээр хууль эрхзүйн орчныг боловсронгүй болгох чиглэлээр илтгэл тавьж хэлэлцүүлнэ” гэлээ.
Хөгжлийн бэрхшээлтэй иргэдэд шаардлагатай зөвлөн туслах чиглэлийн үйлчилгээг бусад орнуудын жишигт хүргэж чадахгүй байна гэсэн шүүмжлэл нийгэмд бий. Энэ асуудалд  ХНХ-ын сайд С.Чинзориг хариулахдаа "Хөгжлийн бэрхшээлтэй иргэдэд зөвлөн туслах үйлчилгээнүүд, асаргаа, сувиллын үйлчилгээг ахицтай түвшинд  бий  болгох шаардлага байна. Хоёрдугаарт нийгэм, хамт олонд түшиглэсэн үйлчилгээг бий болгоход бидэнд боломжууд бий. Хууль эрхзүйн орчин бүрдсэн гэж хэлж болно. Хамгийн гол  нь хөрөнгө санхүүгийн асуудал тулгадаг.  Ази, номхон далайн бүсийн орнуудын туршлагаас харахад хөгжлийн бэрхшээлтэй иргэдэд  зориулсан  тусгай, хэрэгцээт сургууль, цэцэрлэг, халамжийн төв байгуулдаг. Энэ жишгийг хэрэгжүүлэх хөрөнгө санхүүг нь шийдвэрлэчихвэл асуудал бага ч гэсэн шийдэгдэнэ. Хөгжлийн бэрхшээлтэй иргэд нийгмийн амьдралд тэгш оролцох нөхцөл боломжийг нь бүрдүүлэх ялангуяа  дэд бүтэц, гэрлэн дохио, гарц зэрэг үйлчилгээний байгууллагуудаар хүндрэлгүй үйлчлүүлэх нөхцөл боломжийг бүрдүүлэх талаар бид олон жил ярьж байгаа боловч дэд бүтэцтэй холбоотой асуудлыг шийдэж чадахгүй байгаа" гэлээ.

Конгрессыг Монгол Улсын Засгийн газар Хөдөлмөр, нийгмийн хамгааллын яам болон Ази-Номхон далайн бүсийн Хөгжлийн бэрхшээлтэй хүнийг хамт олонд түшиглэн хамруулан хөгжүүлэх сүлжээний байгууллагууд болох Дэлхийн эрүүл мэндийн байгууллага (ДЭМБ), НҮБ-ын Ази, Номхон далайн бүс нутгийн Эдийн Засаг-Нийгмийн Комисс (ЭСКАП), Япон улсын ЖАЙКА ОУБ-ын Улаанбаатар хот дахь Хөгжлийн бэрхшээлтэй иргэдийн нийгмийн оролцоог дэмжих төсөл, Леонард Чеширийн хандивын байгууллага, Амичи Ди Раул Фолеро буюу Раул Фолерогийн анд нөхдийн холбоо – Италийн төрийн бус байгууллага (АИФО), CBM, Ази-номхон далайн хөгжлийн бэрхшээлтэй иргэний хөгжлийн төв зэрэг байгууллагуудтай хамтран зохион байгуулах юм. Тус конгресс дөрвөн жил тутамд нэг удаа зохион байгуулагддаг.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-06-28 202.126.88.70

Ёооое одоо л ашгүй нэг юм тоглойд нь орж байгаа юм байна.

Avatar

Xadgalamj Chimedee 2019-06-28 151.80.147.187

У.Хүрэлсүхээс шахаад ч тос байтугай ус ч гарахгүй. Харанхуй бүдүүлэг, боловсролгүй, нахал, өөрөө залуугаасаа нам дагаж дарга нарын б**с долоож явсан ийм л хүн. Дээр нь шударга ёс яриад байхын үнэхээр ичмээр. Улсын данстай "Хадгаламж" банкны 14.0 тэрбум төгрөгөөс хувь завшсан (2007 онд), бүтэхгүй мэргэжлийн хулгайч-хүн өнөөдөр Ерөнхий сайд хийж байна даа. (Төрд сүүлчийн ажлаа).

NewsMN Гар утасны хувилбар Татах
NEWS.mn

Мэдээллийн эх сурвалж