Ө.Энхтүвшин Беларусийн Аж үйлдвэрийн сайдыг хүлээн авч уулзав | News.MN

Ө.Энхтүвшин Беларусийн Аж үйлдвэрийн сайдыг хүлээн авч уулзав

Ө.Энхтүвшин Беларусийн Аж үйлдвэрийн сайдыг хүлээн авч уулзав

Ө.Энхтүвшин Беларусийн Аж үйлдвэрийн сайдыг хүлээн авч уулзав

Монгол Улсын Шадар сайд Ө.Энхтүвшин Бүгд Найрамдах Беларусь Улсын Аж үйлдвэрийн сайд, Беларусь, Монголын Засгийн газар хоорондын комиссын Беларусийн хэсгийн дарга П.В.Утюпин тэргүүтэй төлөөлөгчдийг хүлээн авч уулзав.

Улаанбаатар хотноо болох Засгийн газар хоорондын V хуралдаан харилцаа, хамтын ажиллагааг эдийн засгийн агуулгаар баяжуулахад түлхэц болно гэдэгт эргэлзэхгүй байгаагаа Шадар сайд тэмдэглэв.

Хоёр улс хөдөө аж ахуй, зам, тээвэр, аж үйлдвэр, уул уурхай, барилга зэрэг салбарт хамтран ажиллах боломжтой. Энэ боломжоо бүрэн дүүрэн ашиглах чиглэлээр хүчин чармайлт гаргах нь зүйтэй гэж үздэгээ хэлэв.

Бүгд Найрамдах Беларусь Улсын экспортыг дэмжих хөнгөлөлттэй зээлийн хэлэлцээрт талууд гарын үсэг зурснаар өмнө нь яригдаж байсан зарим төслийн явц ахих нөхцөл бүрдэж байгааг дурдав.

Улсын хэмжээнд үйл ажиллагаа явуулж байгаа Гал түймэр унтраах, аврах ангиудын тусгай зориулалтын автомашин, техник, тоног төхөөрөмжийн хангалтыг 15 орчим хувиар нэмэх төслийг хэрэгжүүлэхийн төлөө байна гэв.

“Монгол Улс, Бүгд Найрамдах Беларусь Улс хоорондын хамтын ажиллагааг 2019-2021 онд хөгжүүлэх замын зураг” баримт бичигт “Беларусийн бүтээгдэхүүн нийлүүлэх төслүүдийг хэрэгжүүлэх”, “Гамшгаас урьдчилан сэргийлэх, хор уршгийг арилгах салбарт хамтран ажиллах тухай Санамж бичиг” байгуулах заалт тусгахаар төлөвлөснийг  хэлэв.

Хэдийгээр хоёр орны худалдааны эргэлт 20 сая ам.доллар ч сүүлийн жилүүдэд мэдэгдэхүйц нэмэгдэж байгааг Аж үйлдвэрийн сайд П.В. Утюпин тэмдэглэв.

Онцгой байдал, хөдөө аж ахуйн салбар болон Улаанбаатар хотын зам засварт шаардлагатай трактор, комбайн, машин, техник, тоног төхөөрөмж, орон сууцнуудад лифт нийлүүлж, Монгол Улсаас бараа бүтээгдэхүүн импортоор авах сонирхолтой байгаагаа илэрхийлэв.

Мөн Монгол Улсын Ерөнхий сайдыг Бүгд Найрамдах Беларусь Улсад хийх айлчлалыг зохион байгуулах, айлчлалын үеэр Монгол Улсын Элчин сайдын яамыг нээхэд дэмжлэг үзүүлэхийг Шадар сайдаас хүсэв гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж