Ө.Энхтүвшин БНХАУ-ын ӨМӨЗО-ны Тэргүүлэгчийг хүлээн авч уулзав | News.MN

Ө.Энхтүвшин БНХАУ-ын ӨМӨЗО-ны Тэргүүлэгчийг хүлээн авч уулзав

Ө.Энхтүвшин БНХАУ-ын ӨМӨЗО-ны Тэргүүлэгчийг хүлээн авч уулзав

Ө.Энхтүвшин БНХАУ-ын ӨМӨЗО-ны Тэргүүлэгчийг хүлээн авч уулзав

Монгол Улсын Шадар сайд Ө.Энхтүвшин БНХАУ-ын ӨМӨЗО-ны Тэргүүлэгч,  хатагтай Бу Шяолин тэргүүтэй төлөөлөгчдийг хүлээн авч уулзав.

Хоёр улсын харилцаа, хамтын ажиллагаа, тэр дундаа ӨМӨЗО-той худалдаа, эдийн засгийн хамтын ажиллагаа өргөжин хөгжиж байгаад сэтгэл хангалуун байдгаа Шадар сайд илэрхийлэв. 2018 онд 8.4 тэрбум ам.долларт хүрсэн худалдааны эргэлтийн хэмжээг 2020 он гэхэд 10 тэрбум ам.долларт хүргэхэд ӨМӨЗО чухал хувь нэмэр оруулна гэж үздэгээ дурдав.

Монгол Улсын Засгийн газар хөрөнгө оруулалтын орчныг тогтворжуулах, хөрөнгө оруулагчдын итгэлийг сэргээх, хууль ёсны эрх ашгийг нь хамгаалах зэрэгт анхаарч байгааг тэмдэглэв.

Энэ оны зургаадугаар сард гарын үсэг зурсан “Монгол, Хятадын Замын-Үүд, Эрээний эдийн засгийн хамтын ажиллагааны бүс байгуулах тухай Засгийн газар хоорондын хэлэлцээр”-ийг УИХ-аар батлуулах тухай хуулийн төслийг өргөн мэдүүлэх гэж байгааг хэлэв. Цаашид Гашуунсухайт-Ганцмод боомтоор нэвтрүүлж байгаа нүүрсний хэмжээг бууруулахгүй байх, нэмүү өртөг шингэсэн нүүрсний хэмжээг нэмэгдүүлэх санал гаргав. Мөн Шивээхүрэн-Сэхээ боомтоор жилд 25-30 сая тонн нүүрс экспортлох боломж бүрдсэн учир боомтуудын хүчин чадлыг дээд зэргээр ашиглах чиглэлээр хамтран ажиллахыг хүсэв.

Хоёр улсын харилцаа, хамтын ажиллагаа бүх түвшин, бүх салбарт амжилттай хөгжиж байгааг БНХАУ-ын ӨМӨЗО-ны Тэргүүлэгч Бу Шяолин тэмдэглэв. Эрээн, Замын-Үүдийн эдийн засгийн хамтын ажиллагааны бүс байгуулах төслийг үлгэр жишээ бүтээн байгуулалт болгохын төлөө ӨМӨЗО өөрөөс шалтгаалах бүхнээ хийнэ гэдгийг онцлов.

Уулзалтаар худалдаа, эдийн засаг, дэд бүтэц, аялал жуулчлал, боловсрол, хүмүүнлэг, хүнс, хөдөө аж ахуй зэрэг салбар болон хилийн боомтуудын нэвтрүүлэх чадварыг сайжруулах талаар ярилцав гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

"Болор дуран"-аар шалгав.
Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-06-27 43.242.242.59

Айлчлалд амжилт хүсье

Avatar

ЗОЧИН 2019-06-27 202.131.233.190

ӨМӨЗО-ны тэргүүлэгч гэдэг нь ХЯТАД АРД УЛСЫН ДАРГА СИ ЖИН ПИН ГЭДЭГТЭЙ АДИЛ АЛБАН ТУШААЛ, ӨӨРӨӨР ХЭЛБЭЛ ӨМӨЗО-НЫ ДАРГА ГЭСЭН ҮГ, ЭНЭ ЭМЭГТЭЙ ДЭЭХНЭ Үед ӨМӨЗО-НЫ ДАРГА УЛААНХҮҮ ГЭЖ ӨВӨР МОНГОЛ ХҮН БАЙСАН, ТЭР ДАРАА НЬ БЭЭЖИНД ОЧИЖ БХАТИХ-ЫН БАЙНГЫН ХОРООНЫ ОРЛОГЧ ДАРГААР АЖИЛЛАСАН МУНДАГ МОНГОЛ ХҮН БАЙСАН, ТҮҮНИЙ УДАМ БУЮУ АЧ ОХИН АЖ.

Avatar

Зочин 2019-06-27 66.181.178.228

Улаанхүү нь алтан ургийн хүн байсан гэж үнэн үү?

Avatar

зочин 2019-06-27 202.179.31.242

ӨМӨЗО-ны тэргүүлэгч гэдэг нь ямархуу зиндааны албан тушаал юм бол доо??? Мэдэх хүн байна уу?

NewsMN Гар утасны хувилбар Татах
NEWS.mn

Мэдээллийн эх сурвалж