"ҮАБЗ-ийн зөвлөмжийн дагуу ШЕЗ хуралдаж шийдвэр гаргасан" | News.MN

"ҮАБЗ-ийн зөвлөмжийн дагуу ШЕЗ хуралдаж шийдвэр гаргасан"

"ҮАБЗ-ийн зөвлөмжийн дагуу ШЕЗ хуралдаж шийдвэр гаргасан"

"ҮАБЗ-ийн зөвлөмжийн дагуу ШЕЗ хуралдаж шийдвэр гаргасан"

Шүүхийн ерөнхий зөвлөлийн Гүйцэтгэх нарийн бичгийн дарга О.Амгаланбаатараас цаг үеийн асуудлаар тодруулга авлаа.


-Монгол Улсын Ерөнхийлөгч зарим шүүхийн шүүгч, Ерөнхий шүүгчийн бүрэн эрхийг түдгэлзүүлэх тухай зарлиг гаргалаа. Шүүхийн ерөнхий зөвлөл/ШЕЗ/-ийн саналыг үндэслэсэн гэж зарлигтаа бичсэн байна. Шүүхийн ерөнхий зөвлөл чухам ямар санал гаргасан юм бэ?

-УИХ-аас Шүүгчийн эрх зүйн байдлын тухай хуульд 2019 оны гуравдугаар сарын 27-ны өдөр өдөр нэмэлт өөрчлөлт оруулсан. Уг хуулийн 17 дугаар зүйлийн 17.1.8 дах хэсэгт заасны дагуу Үндэсний аюулгүй байдлын зөвлөлийн зөвлөмж гарсан бол шүүгчийн бүрэн эрхийг түдгэлзүүлэхээр хуульчлан зохицуулсан байдаг.

Үндэсний аюулгүй байдлын зөвлөл өчигдөр /2019.06.26/ хуралдаж нэр бүхий 17 шүүгчийн бүрэн эрхийг түдгэлзүүлэх зөвлөмжийг гарган ШЕЗ-д ирүүлсэн. Улмаар ШЕЗ хуралдаж, уг зөвлөмжийн дагуу дээрх нэр бүхий шүүгчдийн бүрэн эрхийг түдгэлзүүлэх саналыг Монгол Улсын Ерөнхийлөгчид өргөн мэдүүлэхээр тогтож, тогтоол гарган  хүргүүлсэн.

-ШЕЗ-өөс ямар үндэслэлээр дээрх шийдвэрийг гаргасан талаар хариулт өгөөч? 

-Үндэсний аюулгүй байдлын зөвлөлөөс шүүгчийн бүрэн эрхийг түдгэлзүүлэх талаар гаргасан  зөвлөмж болон холбогдох материалыг нууцын зэрэглэлтэйгээр ШЕЗ-д ирүүлсэн. Үүнтэй холбоотойгоор ШЕЗ-ийн хуралдааныг хаалттай горимоор явуулсан. Иймд зөвлөлийн хуралдаан дээр яригдсан асуудал болон шүүгчдийн бүрэн эрхийг түдгэлзүүлэх үндэслэлийн талаар мэдээлэх хуулийн боломж байхгүй байна.

-ШЕЗ-ийн дарга болон зарим гишүүний бүрэн эрхийн хугацаа дууссан. Тэгэхээр зөвлөлийн шийдвэр хүчинтэй юү?

-Одоогоор ШЕЗ-ийн дарга, гишүүдийг чөлөөлсөн тухай Монгол Улсын Ерөнхийлөгчийн зарлиг гараагүй байгаа.

-Улсын Дээд шүүхийн Иргэний хэргийн танхим өнөө өглөө зарлагдсан хурлуудыг цуцалжээ. Бүрэлдэхүүн хүрэхгүй байгаа учраас шүүхийн үйл ажиллагаа тасалдахад хүрлээ. Энэ асуудлыг яаж шийдэх вэ?

-Улсын дээд шүүхийн шүүгчийг томилохдоо эрүү, иргэн, захиргааны шүүгч гэж томилдоггүй. Иймд Улсын дээд шүүхийн Ерөнхий шүүгчийн шийдвэрээр үлдсэн шүүгчдийг танхимуудад хуваарилан хэрэг маргаан хянан шийдвэрлэх ажиллагааг тасралтгүй явуулах боломж байгаа гэж бодож байна. Гэхдээ энэ талаар Улсын дээд шүүхээс тодруулах нь зүйтэй байх.

Харин анхан болон давж заалдах шатны шүүхүүдийн тухайд бүрэн эрхийг түдгэлзүүлсэн шүүгчдэд хуваарилагдсан байсан хэргүүдийг шүүгчдийн зөвлөгөөнөөр бусад шүүгчдэд хуваарилах ажиллагаа хийгдээд явж байна. Шүүн таслах ажиллагаа тасралтгүй явах бололцоотой гэж үзэж байна.

Э.АРИУН

"Болор дуран"-аар шалгав.
Энэ мэдээнд өгөх таны сэтгэгдэл?
4
ХөөрхөнХөөрхөн
2
ТэнэглэлТэнэглэл
1
ХарамсалтайХарамсалтай
0
ЗөвЗөв
0
ХахаХаха
0
ГайхмаарГайхмаар
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-06-27 103.229.121.16

Мишигийн Батсуурийн хуягийг Баттулга еренхийлегчийн зарлиг нэвтэрч чадахгуй бна аадаа? Тийм бол Элбэгдорж,ми Энхболд болонсахал Эрдэнэбилиг гэсэн МАНАН-ы удирдлага гурван Э -нуудийг бар хуу?!Английн 'Кембриджийн 5 ' гэдэг шиг 'Монгол Шудрагын 5'-мэдэгдэл оргуй бегеед их л Эсэргууцэлтэй тулгарч бна гээд Ард тумнээсээ дэмжлэг авна гээд бсн нь ийм л учиртай бжд ээ?!

Avatar

ЗОЧИН 2019-06-27 202.131.247.58

НӨГӨӨ АЛДАГТ 60 ТЭРБУМ, ЭРДЭНЭТИЙН АСУУДЛЫН ГОЛ ХУТГУУР БАТСУУРЬ ЯАСАН БЭ, БАТСУУРЬ АСУУДАЛГҮЙ ШҮҮГЧ ЮМ БОЛ, ШОУ ХИЙГЭЭД БАЙСАН ГИШҮҮДДЭЭ АРГА ХЭМЖЭЭ АВААЧ, ЭСХҮЛ НААД БАТСУУРИЙНХАА АСУУДЛЫГ ШИЙДЭЭЧ ЭЭ.

Avatar

Нүглийн хар тулам ШЕЗ-ийн дарга Лүндэндорж 2019-06-27 78.69.246.210

Шүүхийн Ерөнхий Зөвлөлийн дарга Лүндэндорж гэж хөдөөний малчны оюутан охиныг согтуугаараа машин барьж явж дайрч алсан, эхнэр хүүхэд сольсон нүгэлтэн байгаа цагт Монголын шүүх хэзээ ч өөрчлөгдөхгүй. Муухай нүгэлтэн дээ. Хүү нь гэж хөөрхий амьтан багадаа аавыгаа өөр хүүхэнтэй явалдаад байхаар тэр өрөөнийх нь үүдэнд уйлаад суучихдаг байж билээ. Хуучин эхнэр нь Лүндэндоржийн б**с бөөрний явдлаас болж, мөн охиноо алуулсан малчин өвгөн хаагуур явахаа мэдэхгүй байсаар тэр хэрэг нь өнгөрсөн дөө,.

Avatar

Ард түмэн 2019-06-27 202.131.238.166

Лүндэндорж өөрийн шавь УДШ-ийн Захиргааны танхимыг шүүгч Батсуурийг хамгаалаад авч үлдсэн байна. Мөн Захиргааны хэргийн анхан шатны шүүгч Одмаа бас Батсүүрьтай найз нөхөд Лүндэндоржийн шавь нар. Энэ – Монголион корпейшн" ХХК монголын Зэс ХХК-ийн хэргийг анхан болон хянлтаар шийдвэрлсэн байдаг

Avatar

О.Бат 2019-06-27 202.179.25.178

МАНАН-гийн бусад шүүгч нарыг яаж гэж байна.

Avatar

Зочин 2019-06-27 202.9.43.44

ЕРӨНХИЙЛӨГЧ МААНЬ АЛДАР ШҮҮГЧ НАРАА ХАЙРТАЙ БОЛОХООР ӨӨРӨӨ МАНАН БОЛЖ ХУВИРАВ

Avatar

Иргэн 2019-06-27 202.179.26.108

шүүх эрх мэдлийн үйл ажиллагааг зогсооход хүргэсэн шийдвэр гаргах гэж байхад ийм юм яриад суух даа ичдэггүй юм уу,

гэм бурууг нь тогтоочихсон шүүхийн хүчин төгөлдөр шийдвэр хаа байна вэ

Avatar

Зочин 2019-06-27 202.131.245.243

яргачин тарвагын томилсон тэрбумтан шүүгч нарын шунал дийлдэшгүй юм аа?

NewsMN Гар утасны хувилбар Татах
NEWS.mn

Мэдээллийн эх сурвалж