Ослын буулт хийсэн “АН-24” онгоцны нисгэгчид амиа алджээ | News.MN

Ослын буулт хийсэн “АН-24” онгоцны нисгэгчид амиа алджээ

Ослын буулт хийсэн “АН-24” онгоцны нисгэгчид амиа алджээ

Ослын буулт хийсэн “АН-24” онгоцны нисгэгчид амиа алджээ

Буриадын өмнөд хэсэгт зорчигч тээврийн “АН-24” онгоц ослын буулт хийж, хоёр хүн амиа алдсан талаар Пүрэв гаригт тус улсын Төрийн тэргүүний хэвлэлийн нарийн бичгийн дарга Алексей Фишев мэдээлснийг ТАСС агентлаг уламжилжээ.

Хэвлэлийн нарийн бичгийн дарга "Нижнеангарскийн нисэх онгоцны буудалд зорчигч тээврийн онгоц ослын буулт хийж, хоёр нисгэгч амиа алдсан ч зорчигчид эсэн мэнд байна. Нийт 42 насанд хүрэгч, нэг хүүхдийг аварсан бөгөөд ослын улмаас долоон хүн бэртсэн" хэмээн мэдээлжээ.

Бүс нутгийн Онцгой байдлын албаны эх сурвалжийн мэдээлснээр, ослын буулт хийх үеэр нислэгийн багийн ахлагч, механикчийн хамт амиа алдсан байна.

"Ангара" агаарын тээврийн компанийн "Ан-24" онгоц Пүрэв гаригийн өглөө Улан-Үдээс Нижнеангарск чиглэлд нисчээ. Онгоц агаарт хөөрсний дараа нэг хөдөлгүүр нь ажиллаагүй тул онгоцны багийнхан буцаж газардахаар шийдсэн байна.

Фишевийн мэдээлснээр, урьдчилсан байдлаар, онгоц нисэх буух зурваас 100 метрийн зайд цэвэрлэх байгууламжийн барилга мөргөсний улмаас осолдсон гэсэн дүгнэлт гарчээ. Ослын газарт галын албаныхан ажиллаж буй аж.

Буриадын Ерөнхийлөгч Алексей Цыденов нөхцөл байдлыг хяналтдаа авч, бүх хүнд шаардлагатай тусламж үзүүлэхийг үүрэгдсэн талаар хэвлэлийн төлөөлөгч нэмж хэлжээ.

Хамгийн сүүлийн мэдээллээр,  онгоц ослын буулт хийх үеэр бэртэж гэмтэгсдийн тоо 22 болж нэмэгдсэн байна. Тэднээс 15-д нь амбулаторийн тусламж үйлчилгээ үзүүлсэн бол долоон хүнийг хэвтүүлэн эмчилж байгаа талаар агентлагийн ажилтан мэдээлжээ. Тус онгоцонд нислэгийн багийн дөрвөн гишүүнтэй нийлээд 46 хүн байсан аж.

Эх сурвалж: TASS

"Болор дуран"-аар шалгав.
Энэ мэдээнд өгөх таны сэтгэгдэл?
16
ХарамсалтайХарамсалтай
3
ЗөвЗөв
2
ХахаХаха
2
БурууБуруу
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Онцгой гавьяатан 2019-06-27 202.21.118.22

Бахархмаар, бишэрмээр үйл явдал даан ч өөрсдөө бусдын төлөө амиа алдлаа. Алтан амиа алдан байж, мэргэжлийн өндөр ур чадвар гарган олон хүний амь аварч, дахин амьдрах аз жаргалыг үлдээсэн нислэгийн багт баатар цол нөхөж олгож, дурсгалыг нь мөнхүүжүүлэх хэрэгтэй. Баатарлаг үйлс гэж үүнийг л хэлэх байх.

Avatar

Иванович 2019-06-27 202.126.89.110

Онгоц үйлдвэрлэлийн салбарт ОХУ хүчтэй өрсөлдөгч болох шаардлагатай

Avatar

Зочин 2019-06-27 107.77.173.12

Оросын АВИАПРОМ бүрэн дампуурсан

Avatar

Зочин 2019-06-27 49.0.213.229

Парк шинэчлэлт хийх хэрэгтэй

Avatar

хэ хэ 2019-06-27 202.9.43.142

чамаас юу ч асуугаагүй байна.

Avatar

Зочин 2019-06-27 122.201.22.181

Тролл detects a pro russian troll

Avatar

Зочин 2019-06-27 107.77.173.12

Парк шинэтгэл хийе гэсэн ч мөнгө алга…..деньги нету вы там держитесь….

NewsMN Гар утасны хувилбар Татах
NEWS.mn

Мэдээллийн эх сурвалж