Баян-Өлгий аймгийн ихэнх нутгаар зургадугаар сарын 25-26-ны шилжих шөнө 2-23 мм хур тунадас бууж, уулархаг нутгаар цас оржээ. Тодруулбал, Сагсай сумын Даян баг, Улаанхус, Цэнгэл суманд уулаараа цасан бүрхүүл тогтсон байна. Тус аймгийн Ус, цаг уур, орчны шинжилгээний төвөөс өчигдөр болон өнөөдөр цаг агаар тогтуун байгааг мэдээлжээ.

Ойрын өдрүүдэд Улаанбаатар хот болон орон нутагт үргэлжилсэн бороо орох тул аялал зугаалгаар явах иргэд сонор сэрэмжтэй байхыг анхааруулж байна. Мөн гол мөрний усны түвшин нэмэгдэж байгаа энэ үед байнгын сэрэмжтэй байхыг албаныхан санууллаа.