Үхэл, амьдралын зааг дээр | News.MN

Үхэл, амьдралын зааг дээр

Хуучирсан мэдээ: 2019.06.27-нд нийтлэгдсэн

Үхэл, амьдралын зааг дээр

Үхэл, амьдралын зааг дээр

Мексик улсын хилээр дамжиж, АНУ руу цагаачлах хүсэлтэй олон арван дүрвэгч өрөвдөлтэйгөөр хорвоогоос буцсаар буй харамсалтай мэдээлэл тасрахгүй, хэдэн мянган хүний хувь заяа үхэл, амьдралын зааг дээр байна.

-ХҮНИЙ АМЬ, АМЬДРАЛ ЮУНААС Ч ИЛҮҮ ҮНЭ ЦЭНЭТЭЙ-

Өнгөрсөн лхагва гаригт Эль Сальвадороос ирсэн эцэг, охин хоёр Америк, Мексикийн хилийн Рио Гранд хэмээх томоохон голд живж, амиа алдсан зүрх шимшрүүлэм зураг хэвлэлийн хуудаснаа нийтлэгдэж, дэлхий нийтийг цочирдуулав.

Тэдний цогцсыг Даваа гаригт олсон бөгөөд бяцхан охин аавынхаа цамцан дотор гараа оруулан тэврээд амьсгал хураасан байжээ. Америкт ирж сайн сайхан амьдрахыг хүссэн аав, охин хоёрын цогцос голын эрэг орчимд шар айраг, ундааны лаазуудын хамт байсан аж.

Сальвадорын Гадаад хэргийн сайд Александра Хилл дэлхийн ард түмний зүрх сэтгэлийг шимшрүүлсэн дээрх гэрэл зурагтай холбогдуулан тайлбар хийв. Тэрбээр “Засгийн газар улс оронд тулгараад буй эдийн засгийн асуудлыг шийдэж, хойд нутаг руу чиглэсэн цагаачдын урсгалыг тогтоон барихаар ажиллаж байна. Харамсалтайгаар амиа алдсан гэр бүлд гүн эмгэнэл илэрхийлж, эцэг эхчүүдэд үр хүүхдүүд болон өөрсдийнхөө амь насыг бүү эрсдэлд оруулаарай гэж уриалъя. Хүний амь, амьдрал юунаас ч илүү үнэ цэнэтэй шүү” хэмээн хэлсэн байна.

Сүүлийн хэдэн сарын хугацаанд хоёр орны хил орчимд амиа алдсан дүрвэгсдийн тоо нэмэгджээ. Энэ нь Америкийн Засгийн газар орогнол хүссэн цагаачдын эсрэг хатуу чанга бодлого баримтлах болсонтой холбоотой талаар гадны хэвлэлүүд онцолж буй юм.

“Reuters” агентлагийн мэдээлснээр, АНУ-ын Ерөнхийлөгч Дональд Трамп хууль бус цагаачдын шилжилт хөдөлгөөнийг зогсоох зорилгоор хоёр улсын хилийн боомт руу мянган цэрэг илгээсэн билээ.

Өнгөрсөн гуравдугаар сарын сүүлчээр Төв Америкаас АНУ-ыг зоригсдын цуваа тасраагүй, нийт 1.2 мянгад хүрчээ.  2019 оны тавдугаар сард АНУ-ын хилийн харуулууд Мексикийн талаас 132 мянга гаруй хүнийг баривчилсан байна. Өнгөрсөн сартай харьцуулахад энэ нь гурав дахин өссөн, 2006 оноос хойшхи хамгийн өндөр үзүүлэлт аж. Вашингтон энэхүү нөхцөл байдлыг хямрал хэмээн нэрлэжээ.

АНУ-ын Техас мужийн эрх баригчид Мексиктэй залгаа хил орчмоос долоон хүний цогцос олсон талаар мэдээлснийг "Reuters" агентлаг уламжилсан байна. Нас барсан хүмүүсийн гурав нь хүүхэд, мөн нэг эмэгтэй байжээ. Тэднийг аагим халууны улмаас харангадаж нас барсан гэж үзэж буй бөгөөд цогцсыг нь Карризо-Спрингс хотын ойролцоо буюу Рио Гранде голын эрэг орчмоос олсон байна.

-ТРАМПЫН ХАНАНЫ ОЙРОЛЦООГООС БАС НЭГ ХҮҮХДИЙН ЦОГЦОС ОЛДОВ-

Хэдхэн хоногийн дараа долоон нас хүрэх байсан Гуруприт Каур хэмээх энэтхэг охин Мексик Америкийн хил орчмоос нас барсан байдалтай олджээ. Талийгаач охин богино ханцуйтай цамц, хар өмдтэй байсан аж. Өмнө нь Аризонагийн цөлийн агаарын температур 108 грдаус хүрч өссөн байна. Охиныг амьсгал хураах мөчид ээж нь бусдын адил ус хайхаар явсан байсан бөгөөд охиноо үүрд алджээ.

Гурупритын эцэг, эх охиноо өөд болсноос хойш анх удаагаа өнгөрсөн Даваа гаригт мэдэгдэл хийж, “өөр сонголт байгаагүй” талаар мэдээлсэн байна.

Синх хэлэхдээ “Бид охиндоо илүү аюулгүй, илүү бололцоотой амьдрал бэлэглэхийн тулд АНУ-д цагаачлах асар хүнд сонголт хийсэн. Удам угсаа,  арьсны өнгө хамааралгүйгээр ямар ч эцэг эх үнэхээр аргаа барсан нөхцөлд тулгараагүй бол үр хүүхдээ хэзээ ч орхидоггүйг ойлгоно гэдэгт итгэлтэй байна” гэжээ.

Өнгөрсөн оны арваннэгдүгээр сард Мексикийн Тихуана хотоос олон зуун дүрвэгч хилийн торон хашааг нэвтлэхийг оролдсон тул АНУ-ын албаныхан өмнөд Калифорни дахь хилийн постоо хааж байв.

АНУ-ын Ерөнхийлөгч Дональд Трамп Төв Америкийн дүрвэгчдийн цуваанд гэмт этгээдүүд, террористууд нуугдаж байгаа гэж үзэн, армийн 9000 орчим цэргээ АНУ-Мексикийн хил дагуу байрлуулсан байдаг.

Тухайн үед сар гаруйн хугацаанд 4000 орчим километр замыг явган туулсан 5000 шахуу дүрвэгч Тихуанад ирсэн бөгөөд тэдний ихэнх нь ядуурал, хүчирхийллээс зугтсан хондурасчууд байжээ.

Мөн 2018 оны арванхоёрдугаар сард Төв Америкаас АНУ-ыг зорих дүрвэгсдийн цуваанд явж байсан долоон настай, гватемал охин хилийн харуулынханд баригдан, хоригдож байх үедээ нас барсан харамсалтай хэрэг гарсан билээ.

Мөн оны арванхоёрдугаар сарын 6-ны өдөр 160 орчим цагаач АНУ-ын хилийг хууль бусаар давах оролдлого хийж байгаад хилийн харуулуудад баригдаж, хоригдсон бөгөөд тэдний дунд Жакелин Каал гэх долоон настай охин, аавынхаа хамт байжээ.

Жакелин охин хоригдож байхдаа өндөр халуурч, бөөлжиж эхэлсэн бөгөөд эмнэлэгт хүргэгдсэнээсээ хойш хоёр хоногийн дараа нас барсан аж. Түүний үхлийн шалтгааныг олон хоног юм идэж, ус уугаагүйгээс үүдэлтэй хэмээх урьдчилсан дүгнэлт гаргасан байдаг.

Жакелин охин аавынхаа хамт АНУ-ыг зорих дүрвэгсдийн цуваанд нэгдсэн бол ээж нь бусад гурван хүүхдийн хамтаар Гватемалд үлджээ. Тэдний гэр бүл маш ядуу амьдарч байсан тул аав нь ажил хийж, мөнгө олохоор АНУ-ыг зорихоор шийдсэн аж.

Дашрамд дурдахад, одоогоос дөрвөн жилийн өмнө буюу 2015 оны есдүгээр сарын 3-ны өдөр Туркийн Бодрум хотын далайн эргээс 3 настай бяцхан хүүгийн цогцос олдсон билээ. Айлан Kурди хүү ээж, ахынхаа хамтаар Сири улсаас дүрвэж, 12 хүнтэй завинд суун, Грек рүү явах замдаа осолдож, бүгд амь үрэгдсэн байдаг.

Эх сурвалж: REUTERS, NHK, CNN

Энэ мэдээнд өгөх таны сэтгэгдэл?
59
ХарамсалтайХарамсалтай
2
ЗөвЗөв
2
ХахаХаха
1
ХөөрхөнХөөрхөн
1
ТэнэглэлТэнэглэл
0
ГайхмаарГайхмаар
0
БурууБуруу
Баярлалаа!

Холбоотой мэдээ

41 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Монгол явсан гэлүү? 2019-06-27 150.129.141.244

Удахгүй манайх хятадын хил дээрх зэрлэг дүрвэгсэд болно санаа зоволтгүй!!!!

Avatar

Kdk 2019-06-27 66.181.190.105

BURXAN GEJ BAIDAG BOL URSHUUX BOLTUGAU. UM MA NI BAD ME HUM

Avatar

Зочин 2019-06-27 195.12.59.21

Одоо яая гэхэв дээ. Хэрвээ Монгол мексикийн байрлалд байсан бол хүн үлдэхээргүй дүрвэх байсан биз.

Avatar

Зочин 2019-06-27 103.229.123.124

ЁО ЗҮРХ ЗҮСЭГДЭЖ ЭЛЭГ ЭМТРЭХ ШИГ Л БОЛЛОО .

Avatar

Zochin 2019-06-27 122.201.22.5

Evii mini gej dee nyalh amitan

Avatar

Зочин 2019-06-27 66.181.161.79

Хүүхэд л хөөрхий юм даа!!! Нялх амьтанд ямар ч буруу байхгүй шдээ!!!!

Avatar

Зочин 2019-06-27 64.119.22.201

Ёооё аав охин хоёрыг хараад хачин болчихлоо. Өөдгүй төр засаг л буруутай. Ийм хувь тавиланг монгол гэр бүл л бүү үзээсэй.

Avatar

Trumpiin zuv 2019-06-27 108.218.234.108

Ulsaa avrahiin tuld ingej gadnii huuli bus tsagaachdiig oruulahgui baih ni mash zuv. Mongold ch gesen olon hyatduud ingeed orood irvel bid yahuu. Amidral ni tsagaachilj zugatatlaa hetsuu baij huuhed tsuvuuldag huuhdeeree turuu baridag uhamsargui muusain huuli bus tsagaachdad tumur nuuree haruulah ni tumen zuv. Gadnii huuli bus tsagaachid hyamd hulsuur ajillaj ajliin hulsiig unagaaj Amerikchuudiin ajliin bairiig bulaaj bn, ted nar tatvar tuluhgui bolohoor ANU-n ediin zasagt yamar ch nemergui bn

Avatar

Сүрэн 2019-06-27 122.201.26.172

Энэ бол амдрах чин хүслийн илэрхийлэл , сүүлчийн мөчөө хүртэл сайхан амьдрах гэсэн тэмцэл. Гэтэл архидаад усанд живж үхнэ гэдэг бол эмэгнэл бодохзүйл их байна шүү. Монголчуудаа

Avatar

Зочин 2019-06-27 202.21.107.96

Авилгал гаараад хууль ёс сулраад байвал бидэнд өөр хэлбэрээр ийм зовлон ирнэ шүү. Төрөө дээдэлж түмэн олон минь бурууд нүд хурц байг. Ёс ёмбогор төр төмбөгөр байх болтугай.

Avatar

Зочин 2019-06-27 59.153.114.119

Уг нь манайх шиг хүссэн нь хувийн байр сав, машин тэрэгтэй, мөнгөгүй мөртлөө прүсэндээ майхнаа ачаад дуртай газраа хог хаяад жаргаж явдаг ард түмэн ховор. Өндөр хөгжилтэй орнуудад хувийн байртай хүн бараг олдохгүй, дандаа түрээслэдэг юм байна. Манайхан жаахан хичээгээд төр нь төр шиг болчихвол сайхан. Гадны том нисэхийн буланд зогсож байгаа жижигхээн онгоцондоо сууж гуляшаа хүртчээд дотроо халаагаад буянт ухаадаа буугаад хаалгаар гарч салхинд зогсох ч жаргал шүү дээ.

Avatar

Зочин 2019-06-27 103.57.94.238

Shn heljee

Avatar

Зочин 2019-06-27 27.123.214.2

Усанд эндсэн аав охин 2-г хараад сонин болчихлоо. ААв охин 2 сайн төрлийг олох болтугай .Аав нь охиноо усанд алдахгүй гэж футболк дотроо охиноо хийсэн байхын . Өрөвдмөөр юмаа

Avatar

Зочин 2019-06-27 103.57.94.238

Th.br sonin bldgiin bn

Avatar

Зочин 2019-06-27 178.255.154.107

Цагаачлах тийм аминаас үнэтэй үйлс үү. Эх орондоо газар шороондоо эх орноо хөгжүүлэхэд хувь нэмрээ оруулж уйгагүй хөдөлмөрлөж улс орондоо болж буй буруу бүхэнтэй тэмцэж амьдарсан бол ч

Avatar

Зочин 2019-06-27 66.181.184.234

ГЭХДЭЭ ТЭР ЦАГААЧЛАГЧДЫН ЭХ ОРОНД НЬ ОЧИЖ ҮЗЭХЭЭР ШАЛ ӨӨР БОДОЛ ТӨРДӨГ ЮМ БИЛЭЭ ШҮҮ

Avatar

Зочин 2019-06-27 66.181.184.234

ХАРИН БИД БОЛ ҮНЭХЭЭР АЗТАЙ ХҮМҮҮС ШҮҮ, БААТАРЛАГ ЭЦЭГ ӨВГӨДИЙН МИНЬ БУЯН ЗАЯА ТҮШДЭГ ЮМ ШҮҮ

Avatar

зочин 2019-06-27 103.111.68.3

тэмцээд тэмцээд мухардалд ороод л ингэж байгаа шүү дээ Зүгээр явья гээд явчаагүй. Хээл хахуулга авилгал, хар амиа бодсон үзэл бодол, мөнгөний төлөө гадныханд газар шороогоо худалдах, шүүх шударга ес мөнгөтэй хүнд худалдагдсан,нь тэмцэл ямар ч үр дүнгүй, цалин хөлс нь гэр бүлээ тэжээж хүрэхгүй – бид яг л эний хойноос явж байна. Энэ нь нөгөө Ардчилал гэсэн гое Америк үзэл суртлын хойно нуугдаж байгаа колончлол эмх замбраагүй байдал

Avatar

зочин 2019-06-27 66.181.166.196

Энэ тал дээр Трампыг буруутгах хэрэггүй байхаа, хэн ч дүрвэгчдийг чөлөөтэй оруулаад байхыг хүсэхгүй ш дээ, хэдэн мянган хятад цагаач нөмрөөд ороод ирвэл бидэнд ч гэсэн хэцүү л байна ш дээ, энэ удаа бол америкчуудын яалт ч үгүй зөв байна шүү

Avatar

Болд 2019-06-27 66.181.191.122

Холын асуудал биш боллоо шүү дээ… Монголоос дүрвэх хүсэлтэй хүмүүс, эцэг эх гэр бүлүүд улам л их болж байна…
Улс орны удирдагчдын хариуцлагггүй арчаагүй байдал, авилгал хээл хахууль ард иргэдийг туйлдуулж байна.

Avatar

Зочин 2019-06-27 202.21.108.241

Америкийн зөв штээ, хэн л нутагтаа баахан цагаач байнга оруулаад байхыг хүсэхэв. бид ч цагаач ихээр ирнэ гэвэл дургүй байдаг

Avatar

Зочин 2019-06-27 203.169.49.107

Баян ядуугийн ялгаа ихэссээр л байна. Хаа сайгүй.

Avatar

Зочин 2019-06-27 66.181.164.214

Ямар ч гэмгүй хүүхдүүд амь үрэгдэж байгаад маш их харамсаж байна, өр өвдөж байна

Avatar

Трамп цагаачдын ач хүү 2019-06-27 103.212.119.246

Трамп өөрөө 19 -р зууны эцсээр Германаас АНУ-д цагаачилж ирсэн хосын ач хүү байж бусад цагаачдыг хөөдөг дэлхийн харгис цагдаа болсон.

Avatar

Зочин 2019-06-27 202.170.70.86

huurhiiduu nylh bytshan amitad hunii orchlond ireed udahgui butsna gdg haramsmaar zuil bhiimaa ewiidee ted nylh urtei blhoor iim medee sonsohoor setgel uragdah shg blhiin 🙁 🙁 🙁

Avatar

өөрийн гэсэн эх оронтойдоо баярлах юм даа. 2019-06-27 203.169.48.34

зочин

Avatar

Зочин 2019-06-27 43.228.131.45

хэзээч хэнийгч Монголд оруулж болохгүй?? энэ бол бидний эцэг өвгөдийн цусаараа авч ирсэн эх орон?? Монгол паспорттой хүмүүс битгий буруу коммет бичээд олон болох гээд бай?? Миний эх орон мөнхөд сайханаараа цөөхүүлээ 2,3 сая аараа байх ёстой?? одоо бүр газар нутаг мал бүх юм руу улайрч өнгөлзөж байна?? ард түмэн минь өвгөдийнхээ захиасыг үргэлж санаж яв??????? Гэхдээ миний номхон ухаантай ард түмэн ч нэгийг мэдэж л байгаа л даа???

Avatar

зочин 2019-06-27 202.179.31.64

Хятадын ерөнхийлөгч Ши Зен Пен гадаад улс оронд үл хөдлөх хөрөнгө авсан иргэддээ засгийн газраас буцалтгүй тусламж, эдийн засгийн хөнгөлөлт өгнө гэж амлаж шийдвэр гаргасан. Үл хөдлөх хөрөнгө дороо газартай. Тэр газар Хятадынх үүрд болно, байшин хэзээ ч монгол хүнд зарагдахгүй. Бид сөөм сөөмөөр алдсаар эцэстээ газар нутаггүй. үр хүүхдүүд маань эрх чөлөөгүй, иймэрхүү хувь заяа хүлээж байх шиг. Төр барьж буй эрхмүүд, боорцог моорцог идээж хуралдаж УИХ-ын гишүүд байгаа цагт улс орон яаж хөгжинө

Avatar

ИРГЭН 2019-06-27 66.181.164.222

Өө яасан хэцүү юм бэ дээ. Эвий дээ аргаа бараад л хүний нутагт тэмүүлж байгаа байхдаа. Манай төрийнхөн харж л байгаа байлгүй дээ. бурхан минь ийм хувь заяа үр хойчдод минь ирэх вий дээ.

Avatar

Зочин 2019-06-27 103.111.68.3

Гаднхны гар хөл болоод хүн бүхэн хар амиа бодоод байвал та бидний үр хүүхдүүдэд ч ийм хувь заяа хүлээж байгаа

Avatar

Yaduu ulsiin tur zasagiin hiij bga ajil 2019-06-27 108.218.234.108

Ard irgedee nutgaasaa durveh boltol ni zovoodog tur zasguudiig olon ulsiin tuvshind shiitgedeg baimaar yumaa.

Avatar

Зочин 2019-06-27 202.21.99.42

НҮБ юугаа хийгээд байдаг юм бэ. Эх орондоо амьдарч чадахгүй байгаа хүмүүсийг нэгдсэн нэг улсад бөөгнүүлээд тэжээж болохгүй юу

Avatar

Зочин 2019-06-27 202.9.43.17

Харин тийм ялангуяа оргон уудам нутагтай монголд бух дурвэгсэдийг байрлуулбал тээ

Avatar

Зочин 2019-06-27 176.59.141.64

Яасан ч өөдрөг юм,нүб хүн тэжээлээ юу

Avatar

mn 2019-06-27 202.131.243.186

НҮБ чинь өөрөө АНУ шүү дээ….

Avatar

Зориг 2019-06-27 103.9.90.130

Үнэхээр хэцүү ч юм даа. Эцэг эх бид үх хүүхдийнхээ төлөө сайн л хөдөлмөрлөж, эрүүл саруул хүн болгож өсгөх хамгийн чухал юм даа. Аав нь охиныхоо төлөө чадах бүхнээ зориулна аа.

Avatar

Zochin 2019-06-27 117.111.4.228

Ymar hetsuu ym be burhan mini
Evii huuhduud uregdlee geheer setgel shimshreh ym

Avatar

zochin 2019-06-27 103.111.68.3

Новшийн USA-дэлхийн олон улсыг ийм байдалд оруулж өөрсдөө хөрөнгөжин хүмүүсийг эх орондоо амьдрах аргагүй болгоод дүрвүүлээд манай улс ч ялгаагүй бас л хойноос нь явж байна дааа

Avatar

Зочин 2019-06-27 202.126.88.145

Америкийн буруу байхгүй малаа, тэр

Avatar

Мгл 2019-06-27 176.59.141.64

Америк буруутайсмал аа,энтр

Avatar

Зочин 2019-06-27 202.70.38.18

Байгаа ч юм билүү хэн мэдлээ. Манайд ч гэсэн Хятад Оросын буруу байхгүй гэж хэн ч хэлдэггүйтэй адил шүүдээ.

NewsMN Гар утасны хувилбар Татах
NEWS.mn

Мэдээллийн эх сурвалж