Төрийн өмчит компанийн захирал 5-38 сая төгрөгийн цалин авч байна | News.MN

Төрийн өмчит компанийн захирал 5-38 сая төгрөгийн цалин авч байна

Төрийн өмчит компанийн захирал 5-38 сая төгрөгийн цалин авч байна

Төрийн өмчит компанийн захирал 5-38 сая төгрөгийн цалин авч байна

Одоогоос гурван жилийн өмнө буюу 2016 онд төрийн өмчит компанийн захирлууд хамгийн багадаа таван сая, дээд тал нь 35 саяас дээш төгрөгийн цалин авдаг байв. Компани ашигтай ажиллавал цалингаас гадна нэмэлт урамшуулал авдаг. Төрийн өмчит 100 орчим компани байсны 60 орчим хувь нь ашиггүй ажилладаг, дээр нь их хэмжээний өр төлбөртэй тул төсөвт дарамт учруулдаг байлаа.

Гэсэн ч захирлууд урамшуулал, буцалтгүй тусламж, хүүхдээ гадаадад сургах, орон сууцны хангамжаас буцдаггүй.

Ж.Эрдэнэбатын танхим төрийн өмчит компаниудын захирлын үрэлгэн байдлыг хязгаарлах зорилгоор 5-10 сая төгрөгийн цалинтай бол 30 хувь, 10-30 сая төгрөг бол 50 хувь, 30 сая  төгрөгөөс дээш бол 60 хувь бууруулах шийдвэр гаргасан. Мөн эдгээр албан тушаалтны урамшууллыг олгохдоо үр дүнгийн гэрээний биелэлттэй сайтар уях, байр орон сууцны нөхцөл сайжруулах, нэг удаагийн буцалтгүй тусламж зэрэг бусад их хэмжээний мөнгөн шагнал бүхий нэмэлт хангамж олгохыг зогсоосон. Гэвч энэ шийдвэр хэрэгжсэнгүй. Наад зах нь төрийн өмчит компаниуд ашигтай ажиллаж байгаа эсэх, захирлууд хэдэн төгрөгийн цалин авч байгаа эсэхэд санаа тавьж байгаа хүн алга.

Тайлбар: Төрийн өмчийн компани, хувийн хэвшлийн компанийн ялгаа. Гэрэл зургийг А.Амарсайхан.

Хэдхэн хоногийн өмнө “Монголросцветмет”-ийн ТӨҮГ-ийн захирал Б.Мөнхбат дунджаар 38,2 сая төгрөгийн цалин, урамшуулал, “тэтгэмж” компаниасаа гаргуулдаг мөн “Эрдэнэс Тавантолгой” компанийн таван захирал тус бүр 10 сая төгрөгийн цалин авдаг гэх мэдээлэл цацагдаж, олон нийтийн дунд шүүмжлэл дагуулсан.

38,2 сая төгрөгийн цалингийн хажууд 10 сая төгрөг бага. Гэхдээ тэдний нэг сард авдаг цалинг 12 сар, хоёр жил зүтгэж байж олдог нэг хэсэг, бүлэг Монголд бий. Тэдний жилийн цалин төрийн өмчит компаниудын захирлуудын нэг сарын цалинтай тэнцэнэ. Үндсэн цалин дээрээ урамшуулал, хангамж нэрээр авдаг мөнгийг нь энд тооцоогүйг тодотгоё.

Хэдхэн хоногийн өмнө Дэлхийн банкнаас монголчуудыг төсвийн зардлаа танаж, төвийн хөрөнгө оруулалтын үр ашгийг нэмэгдүүлэхэд анхаарах шаардлагатайг сануулсан. Ингэхдээ сүүлийн жилүүдэд  хөрөнгө оруулалтын төслүүдийн сонголт хангалтгүй, хэрэгжилт удааширдаг, зардал төлөвлөснөөс өндөр хувиар хэтэрдэг, засвар үйлчилгээний төсөв хангалтгүй байсан зэргээс хөрөнгө оруулалтын үр ашиг хангалтгүй байж ирсэн гэдгийг Дэлхийн банкны суурин төлөөлөгч анхааруулсан юм.

Ялангуяа эдийн засаг өсөлттэй энэ үед хуримтлалаа нэмэгдүүлэх нь хамгийн чухал гэдгийг ч тодотгосон. Үүний өмнөхөн Үндэсний статистикийн хороо, Дэлхийн банк хамтран хийсэн хүн амын ядуурлын түвшинг зарлахад Монголын 3,2 сая иргэний 904 мянга гаруй нь буюу 28.4 хувь ядуу байв. Энэ бол 904 мянга орчим ядуу иргэний орлогыг ердөө 100 орчим ашиггүй, өр зээлдээ баригдсан төрийн өмчит компаниудын захирлууд авч байна гээд хэлэхэд буруудахгүй болов уу. Дунджаар 10 сая төгрөг гэж бодоход 100 орчим компанийн удирдлагын цалин хэд болох бол… Энэ мөнгөөр хэдэн ажлын байр бий болгож болох вэ.

Бид төсөв хэтэрч байна, бүсээ чангалах ёстой гэж ОУВС-ийн хөтөлбөрт хамрагдаж, татвараа нэмж төлөөд байдаг. Гэтэл нэг хэсэг нь төрийн өмчийг өрөнд оруулж, ашиггүй ажиллуулах атлаа 10 сая төгрөг аваад сууж байгааг юу гэж тайлбарлах вэ.

Эрх баригчид, Сангийн сайд нь эдийн засаг өсч байна гэх боловч эдийн засгийн өсөлт ард иргэдийн хаалгаар, халаасанд орохгүй байгаагийн нэг шалтгаан бол энэ. Төрийн өмчит компанид ажилладаг болохоороо бүтээж байгаа хүнээс илүү хангамж эдэлж, өндөр цалин авах ёстой юм уу. Эцэс сүүлдээ цагаандаа гарч “Би 4,5-хан сая төгрөгийн цалин авдаг”, “Өмнөх захирлуудад ч гэсэн байр өгсөн, би яагаад авч болдоггүй юм” гээд улалзаж суугаа нь ёс зүй, шударга зарчим мөн үү?.

Гэтэл 10 хүн сар бүр 500 мянган төгрөгөөр цалинжуулж  байгаа цайны газар, оёдлын цехийн эзэн, үйлдвэрлэгчид ч төрийн өмчит компанийн захирлынх шиг цалин авдаггүй, ашиг нь ч өндөр байж чаддаггүй, ашигтай ажиллалаа гэхэд авах ч ёс зүйгүй.

Ерөнхий сайд аа, шатахууны үнэ, махны үнэ, цахилгаан, дулааны үнэ нэмэгдэж, ард түмэн хангалттай бүсээ чангалууллаа, харин одоо та төрийн бүсийг чангалах цаг болжээ.

Ш.ЧИМЭГ

"Болор дуран"-аар шалгав.
Энэ мэдээнд өгөх таны сэтгэгдэл?
13
ЗөвЗөв
3
БурууБуруу
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-06-27 202.9.43.239

ЯДАРСАН МОНГОЛ УЛСАД АРАЙ АХАДСАН ЦАЛИН БАЙНА ШҮҮ……..ТОЛГОЙГҮЙ, ХҮЧГҮЙ ТӨРТЭЙ МОНГОЛД ИЙМ БАЙХААС БИШ ЯАХАВ ДЭЭ………..

Avatar

Зочин 2019-06-27 202.9.44.160

Бүх зүйл хууль, дүрмэндээ байхаас гадна энэ 2 том намын ээлжилж засгийн эрх барихдаа хэн хэдийг ямар үед хандивлав гэдгээс шалтгаалж хэнийг хаана дарга захирал болгох вэ гэдгээс энэ бүхэн эхэлж бга юм !Энэ бүх авилгажсан тогтолцоог нураах зоригтой аавын хүү хэзээ төрд гарч ирэх болоо !

Avatar

Иргэн 2019-06-27 66.181.182.96

Төрийн өмчит үйлдвэрийн газрын захирлын цалин 2-3 сая байхад хангалттай! Ард түмэн үнэхээр сөгдөж байна. Шатахуун, өргөн хэрэглээний барааны үнэ тэнгэрт хадав. Цалин тэтгэвэр олигтой нэмэгдсэнгүй … Дээрээ хага баяжиж, доороо ядуурал тэлж байна

Avatar

зочин 2019-06-27 202.179.31.242

Эмнэлэг, сургууль, цэцэрлэг, ОБЕГ, цагдаа, ХХЕГ-аас бусад бүх төрийн байгууллагуудын орон тоог 40-50 хувь цомхотгох хэрэгтэй. Ялангуяа захиргааны орон тоог бол 60-70 хувь ч цөөлсөн болно. Яг л энэ нийтлэлийн эхэнд байгаа зураг шиг их илүү орон тоо төрийн байгууллагуудад байгаа нь хөдөлшгүй үнэн шүү дээ.

Avatar

Зочин 2019-06-27 66.181.161.79

Төрийн өмч гэж эзэнгүй юмыг л хэлдэг шүү дээ!!! Эрх мэдэлтнүүд идэж уух гэж л төрийн өмчийг хувьчлахгүй, "Ард түмний өмч" гэсэн хуурамч нэр өгөөд байлгаад байгаа юм!!! Харанхуй масс түүнд нь итгээд ходоод хоосон атлаа хий хэхрүүлээд л байх юм!!! Бушуу хувьчлах хэрэгтэй!!!!

Avatar

Jimedzerenee 2019-06-27 185.180.197.65

У.Хүрэлсүхээс шахаад ч тос байтугай ус ч гарахгүй. Харанхуй бүдүүлэг, боловсролгүй, нахал, өөрөө залуугаасаа нам дагаж дарга нарын б**с долоож явсан ийм л хүн. Дээр нь шударга ёс яриад байхын үнэхээр ичмээр. Улсын данстай "Хадгаламж" банкны 14.0 тэрбум төгрөгөөс хувь завшсан (2007 онд), бүтэхгүй мэргэжлийн хулгайч-хүн өнөөдөр Ерөнхий сайд хийж байна даа. (Төрд сүүлчийн ажлаа).

Avatar

Зочин 2019-06-27 202.21.108.241

Эрдэнэт, Эрдэнэс Тавантолгой, Цахилгаан станцууд, УБТЗ, МИАТ, Багануур, зам засварын зомпаниуд өөр юу байна

Avatar

иргэн 2019-06-27 202.126.88.183

Төрийн байгууллагуудын оронтоо, цалингч бууруулах. Хувийн байгууллагуудыг дэмжих бодлого чухал. Улсын үйлчилгээний болон компануудыг хувьчилвал хөрөнгө эзэнтэй болж хямгатай хяналттай, зөв чанартай болно шүүдээ.

Avatar

зочин 2019-06-27 202.21.117.2

Төрийн өмчит компаниуд тансаглаж захирлууд нь өндөр үнэтэй зардал ихтэй Land200 авч унадаг хэвээрээ л байна. Юу ч өөрчлөгдөхгүй байна даа.

Avatar

Зочин 2019-06-27 66.181.161.62

Энэ төрд тас гээдл даруй хийчих олон зүйл ба үүний нэг нь энэлдээ хүрэлсүх худлаа хүжгэнэхээс өөр ерөнхий сайдын мэдлэггүй амьтан гэдэг нь тодорхой ба. Иргэдэд хайртай хүн болжл кино шиг юм ярьж тэнэгүүдийнхээ тархийг угаахаас өөр зүйл алгадаа. Энэхүний байж байгаа царай хойтон лаазаа өшгөлөх нь ойлгомжтой болло

Avatar

Зочир 2019-06-27 66.181.178.37

Зөв сэдэв хөндсөн байна.

Avatar

Зочин 2019-06-27 122.201.31.204

Ажил хийдэг хэд нь нуруугаа авчихсан ядаргааны туйл болчихсон хоосон хонохгүй өр зээлээ төлөхийн тулд цалингаас цалингийн хооронд л хооронд морь нохой мэт зүтгэсээр итгэл сэтгэл нь мохож эмчилгээ авахаасаа нэгэнт өнгөрөх цаг нь болчихоод байна даа, арга ядахдаа сурах нэрээр гадаад руу гарах л аятайхан мөчийг хүлээсэн хүмүүс байдаг шүү

Avatar

ЗОчин 2019-06-27 122.201.31.204

100 ажилтантай яам агентлагуудад ажил хийдэг ажилдаа эзэн болсон 30 хүрэхгүй л хүн байгаа бусад 70 орчим хүмүүс нь албан тушаалтны хамаарал бүхий арын хаалга авлига өөрийн хамаатан садан нутаг нуга, нууц амраг гэх мэтийн нөхөд байгаа халж чадахгүй сул цалинжуулаад л цаг бүртгэхээс өөрийг хийхгүй байгаа ь бодит үнэн. Мэргэшсэн мэдлэгтэй сэтгэлтэй төрийн алба хаагчтай болсноор монгол улс хөгжинө. Өнөөгийн бодит байдлаар бол уруудах нь тодорхой, ажил хийдэг 30 хүн нь нуруугаа авчихсан итгэл найдвар

Avatar

зочин 2019-06-27 66.181.188.138

лалруудыг бүгдийг нь шоронд хий

Avatar

WCED 2019-06-27 66.181.165.246

SDCFG

NewsMN Гар утасны хувилбар Татах
NEWS.mn

Мэдээллийн эх сурвалж