Хүнээ хүмүүжүүлэх үү, хуулиа чангалах уу? | News.MN

Хүнээ хүмүүжүүлэх үү, хуулиа чангалах уу?

Хүнээ хүмүүжүүлэх үү, хуулиа чангалах уу?

Хүнээ хүмүүжүүлэх үү, хуулиа чангалах уу?

Гэр бүл салалтын хамгийн том хохирогч нь хүүхэд болж байгаа гашуун сургамжууд олон гарч буй ч хамтын амьдралдаа цэг тавих хосын тоо буурсангүй. Нэг өдрийн өмнө ч болов гэрлэлтээ л цуцлуулвал там болсон амьдралд нь цэг тавигдах мэт төсөөлцгөөн, шүүхэд хандсаар…

Статистик мэдээгээр, жилд 20 мянга орчим хос гэрлэдэг ч 4000 орчим нь салдаг аж. Тодруулбал, 2015 онд 3873 хос, 2016 онд 4003 хос, 2017 онд 3945 хос,  2018 онд 4201 хос гэр бүлээ цуцлуулжээ. Энэ бол албан ёсоор гэр бүлээ цуцлуулсан тоо.

Цаана нь шүүхэд хандалгүйгээр хамтын амьдралдаа цэг тавьсан бүтэлгүй хайруудыг оруулбал нэмэгдэнэ гэсэн үг. Нэг гэр бүл дунджаар хоёр хүүхэдтэй гэж тооцвол жилд 8000 гаруй хүүхэд хохирогч нь болж байна.

Гэрлэлтээ цуцлуулахаас аргагүйд хүрсэн шалтгаанаа талууд таарч тохироогүй гэхээс илүүтэй араар тавилт буюу гэр бүлээс гадуурх харилцаа гэж тайлбарладаг аж. Нийт салалтын 60 орчим хувь нь дээрх шалтгаанаас үүдэлтэй гэдэг мэдээлэл ч байгаа юм. Өөрөөр хэлбэл, гэрлэлтээ цуцлуулахаас аргагүйд хүрдэг олон шалтгаан байгаагийн хамгийн өндөр хувийг гэр бүлээс гадуурх харилцаа эзэлдэг болжээ.

Нийгмийн эмзэг сэдэв болоод удаж байгаа энэ асуудлыг шийдвэрлэхийн тулд гэр бүл үймүүлэгчдэд хүлээлгэх хариуцлагын санкцтай болох асуудал ч хөндөгдөж эхлээд байна. Гэвч энэ нь хуулиар зохицуулна гэхээс илүүтэй хувь хүний ёс зүй, ухамсрын асуудал болохыг судлаачид хэлж байна. Учир нь, нэгнээ сайн таньж мэдээгүй үедээ гэр бүл зохиодог. Асуудал үүсэхэд бие биедээ туньдаг. Ний нуугүй ярилцаж, ойлголцдоггүй. Ан цав үүссэнээс болж өөр нэгэнтэй сэтгэл, биеэ хуваалцаж давахыг оролддог. Эцэст нь амьдралаа дахин шинээр зохиох сонголттой тулдаг аж.

Гэр бүлээс гадуурх харилцаа Монгол Улс засаглалын тогтолцоогоо өөрчилж, ардчилсан  нийгэмд шилжсэн үеэс замбараагаа алдсан гэдэг ч социалзмын үед ч шүднийх нь өвчин байсаар иржээ. Иймээс энэ асуудлыг хуулиар ч зохицуулахыг оролдсон байна. Тухайлбал, Эрүүгийн хуульд гэр бүлийн талаар тогтворгүй хүнийг намд элсүүлэхгүй, албан тушаалд томилохгүй, мөн ажлаас халах хүртэл арга хэмжээ авахаар зүйчилж байжээ. Гэвч бүтэлтэй зүйл болоогүй. Карьераасаа илүүтэй хоёрдогч амьдралыг илүүд үзжээ.

БНСУ-д мөн гэр бүлээс гадуурх харилцаанд хариуцлага хүлээлгэхээр хууль баталсан ч хэрэгжээгүй аж. Хэрэгжээгүй шалтгаан нь гэр бүлээс гадуурх харилцааны баримт нотолгоо хүн болгонд үүсэхээр байжээ. Үүнээс улбаалж, 2013 онд хариуцлага хүлээлгэх заалтаа хүчингүй болгосон юм байна. Тодруулж хэлбэл, гэр бүлээс гадуурх харилцааг хуулиар зохицуулах боломжгүй гэдэг нь эндээс харагдана.

Одоогоос 30 гаруй жилийн өмнө Ч.Лодойдамбын зохиол "Гарын таван хуруу" дэлгэцнээ амилсан нь нийгмийн захиалга байсан тухай судлаачид хэлдэг. Нэг үгээр хэлбэл, Шагдарт зориулсан хуулиар гэр бүлийн харилцааг зохицуулах боломжгүй байсан учраас хүүхдүүдээ орхидог Шагдарыг бий болгохгүйн тулд хүмүүсийн оюун санаанд нөлөөлөхийг хичээж дээрх киног бүтээжээ. Гэр бүл бол хайр сэтгэл, ёс зүйн зарчим дээр л тогтдог. Үнэ цэнэ ч түүнд л оршдог.  Хүний ухамсар, ёс зүйтэй холбоотой бүх асуудлыг хуульчилна гэвэл хэрэгждэггүй нэг хуультай л болно.

Хууль баталлаа гэхэд гэр бүл үймүүлэгчийг хүчирхийлэл үйлдэгчийн нэгэн адил саатуулах юм уу, эсвэл торгох юм уу. Хариуцлага хүлээлгэнэ гэдэг нь юу байх вэ гэдгээс эхлээд асуудал босох биз.

Үүний оронд хүүхдүүдээ зөв хүн болгон хүмүүжүүлж, ёс зүйтэй хүн болгон төлөвшүүлэх, гэр бүлийн үнэ цэнэ, амьдралд бий болох бэрхшээл саадыг давахад бэлтгэх гэр бүлийн сайн боловсрол олгох бодлого хэрэгжүүлэх шаардлага байна.

Г.ХОРОЛ

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-06-26 202.21.116.130

Соц үеэс ч өмнө байсан л байх. Монголын нэг өдөр зургийг л хар. Цаашдаа ч байсаар байх биз дээ.

Avatar

зочин 2019-06-26 59.153.114.56

хүнээч хүмүүжүүлье хуулиач чангалья тэгж гэмээ нь хонгилын үзүүрт гэрэл харагданаа

Avatar

Зочин 2019-06-26 66.181.184.234

АЛЬ АЛИЙГ НЬ ЗЭРЭГ ХИЙХ ЁСТОЙ ШҮҮ ДЭЭ. ҮР ДҮНД НЬ ИРГЭД ХИЧНЭЭН ХАТУУ ХУУЛЬ БАЙЛАА Ч ТҮҮНИЙГ ЗӨРЧИХГҮЙ АЖ ТӨРЖ СУРАХ НЬ Л ЮУНААС Ч ЭРХЭМ ЮМ. УРД НИЙГЭМД ҮЗЭЛ СУРТАЛ ГЭДЭГ ЧУХАЛ АЧ ХОЛБОГДОЛТОЙ УХАМСРЫН з****г БАЙЛАА. ЖАРГАЛТАЙ ГАЗАРТ ХҮН, ӨВСТЭЙ ГАЗАРТ МАЛ ТОГТДОГГҮЙГ МОНГОЛЧУУД ЭРТНЭЭС МЭДДЭГ. ЗААВАЛ ХУУЛИЙН ЧАНДЛАЛ, САХИЛГА БАТ, ДЭГ ЖАЯГ ДЭГЛЭМ ЖУРАМ ДООР Л ХҮНИЙ НИЙГЭМ ОРШИХ ЖАМТАЙ. ҮҮНИЙГ МЭДСЭН ЭЗЭН ЧИНГЭСИЙН ҮЕД Л МОНГОЛ ХҮН ДЭЛХИЙН ХААНА Ч ТОЛГОЙ ДЭЭГҮҮР АЛХАЖ ЧАДДАГ ХҮЧ НӨЛӨӨТЭЙ БАЙЖ ДЭЭ

Avatar

Зочин 2019-06-26 211.221.190.54

ЧААВААС МОНГОЛ ЭРЧҮҮД ҮНЭХЭЭР ГОЛОГДОХООР ШДЭЭ. БИ ӨӨРӨӨ ЭРЭГТЭЙ ХҮН, САЙХАН ХҮҮХЭДТЭЙ. МОНГОЛ ЭРЧҮҮД БОЛ ҮНЭНДЭЭ ХАРИУЦЛАГАГҮЙ, ЮМАНД СЭТГЭЛ ХӨДЛӨЛӨӨР ХАНДДАГ, ҮР ХҮҮХЭД ЭХНЭРЭЭ АВЧ ЯВАХ ЧАДВАРГҮЙ, АЖЛЫН ГҮЙЦЭТГЭЛ СУЛ, ТУУШТАЙ ХИЙХ ЗАН ЧАНАРГҮЙ, ЭР ХҮНИЙ НОЁН НУРУУГҮЙ, ХҮҮХЭН ШИГ ХЭРҮҮЛЧ, АРХИ ДААХГҮЙ ХЭВТЭЖ ГУДРАХ ДУРТАЙ, ТЭГЧЭЭД ЭЦЭГ ЭХ ЭХНЭР ХҮҮХДЭДЭЭ АГСАМ ТАВИАСТАЙ

Avatar

Зочин 2019-06-26 202.21.116.130

Монгол эмэгтэйчүүд ямар бүгд Синди, Анжелина биш хаха. Олон хүн янз бүр л байгаа. Таарсан хүнтэйгээ л суудаг байлгүй дээ хөөрхий.

Avatar

Зочин 2019-06-26 66.181.168.81

Хүнээ хүмүүжүүлэх нь л хамгийн чухал шүү дээ. Хариуцлага гэдэг зүйлийг багаас нь ухамсарлуулж төлөвшүүлэх хэрэгтэй түүнээс биш хуулиар хүчээр далайлгаж айдсаар нь удирдах нь магадгүй тодорхой үр дүнтэй байж болох ч хуулийн үйлчлэх хүрээнээс гармагц нүднээс далд хууль зөрчигдсөөр л байх болно яг л замын цагдаа байхгүй бол дүрэм зөрчдөг шиг. Хамгийн чухал нь ухамсарласан хариуцлага.

Avatar

Зочин 2019-06-26 66.181.184.234

УХАМСАР ЧУХАЛ Ч ЗААВАЛ ДАГАЖ МӨРДӨХ ЁСТОЙ ХУУЛИЙН ЧАНДЛАЛ, САХИЛГА БАТ, ДЭГ ЖАЯГ ДЭГЛЭМ ЖУРАМ ДООР Л ХҮНИЙ НИЙГЭМ ОРШИХ ЖАМТАЙ.

Avatar

Зочин 2019-06-26 64.119.20.165

Эмэгтэйчүүд. эхнэр шиг бай. Эрчүүдийг бүү дарамтал

Avatar

ямбий 2019-06-26 59.153.115.40

БҮХ ЗҮЙЛ АНГИУДЫГ ХОРИХ ЗААЛТТАЙ БОЛГОХ ХЭРЭГТЭЙ

Avatar

Зочин 2019-06-26 59.153.115.40

ХУУЛИА ДЭЭД ЗЭРГЭЭР ЧАНГАЛ ЭНЭ ЗӨРЧЛИЙН ХУУЛЬ ХЭТЭРХИЙ ЗӨӨЛӨН БАЙНА

Avatar

Зочин 2019-06-26 202.21.116.130

хууль гаргаад хэрэгждэггүй гээд бичсэн байна. хорих тусам л гаарах юм биш үү хаха.

NewsMN Гар утасны хувилбар Татах
NEWS.mn

Мэдээллийн эх сурвалж