Оросын Тула хотын Кремлийн 500 жилийн ойг ирэх 2020 онд тэмдэглэхээр зэхэж байна.

Тула хотын Кремль нь түүх, соёлын цогцолбор бөгөөд нийтдээ 10 музейг өөртөө багтаадаг. 500 жилийн ойг тэмдэглэх ОХУ-ын Ерөнхийлөгчийн зарлиг 2016 онд гарчээ.

Кремлийн цогцолборыг засч засварлах, сэргээх, хотын гудамж талбайг шинэчлэх ажил ид өрнөж байгааг Тула хотын захиргаа мэдээлсэн байна. 500 жилийн ойг тэмдэглэх нь Тула хотын соёлын амьдралд төдийгүй аялал жуулчлалын салбарын хөгжилд ихээхэн түлхэц болохыг хотын захиргаа онцолж байна.