Бредли Купер, Леди Гага нар хамт Гластонбури фестивальд дуулахгүй гэв | News.MN

Бредли Купер, Леди Гага нар хамт Гластонбури фестивальд дуулахгүй гэв

Бредли Купер, Леди Гага нар хамт Гластонбури фестивальд дуулахгүй гэв

Бредли Купер, Леди Гага нар хамт Гластонбури фестивальд дуулахгүй гэв

Хөтлөгч, DJ Эдит Боуман энэ долоо хоногт “A Star Is Born” киноны одууд Бредли Купер, Леди Гага нар хамт Гластонбури фестиваль дээр дуулна хэмээн Их Британийн “Channel 4” телевизийн нэвтрүүлгийн үеэр ярьсан нь хэвлэл мэдээллийн хэрэгслүүдээр маш хурдан тараад байсан билээ.

Эдит Боуманы хэлснээр Бредли Купертэй ярилцаж байх үеэр жүжигчин залуу Гластонбури фестиваль дээр Леди Гагатай хамт дуулах талаар фестивалийн зохион байгуулагч Эмили Эвистэй ярилцаж байгаа тухай тус нэвтрүүлгийн үеэр ярьсан юм. Харин Гластонбури фестивалийн зохион байгуулагч Эмили Эвис “Энэ бүхэн оройтохоос өмнө залруулга хийе, хариулт бол үгүй, энэ бүхэн нь зүгээр нэг цуурхал, хүмүүсийн яриад буй зүйл болохгүй. Гэхдээ та манай фестивалийн Пилтон Палайс театраас A Star Is Born киног үзэж болно.” хэмээн дээрх мэдээллийг үгүйсгэсэн байна.

Мөн сонирхуулахад “A Star Is Born” киноны гол дүр Бредли Куперийн тоглолтын тайзан дээр дуулж буй хэсгийн олон үзэгчдийн сэтгэл хөдлөлийг жинхэнэ мэт мэдрүүлэхийн тулд Гластонбури 2017 фестивалийн дундуур зураг авалтыг нь хийж байжээ.

Б.ЦОЛМОН

"Болор дуран"-аар шалгав.
Энэ мэдээнд өгөх таны сэтгэгдэл?
1
ХөөрхөнХөөрхөн
1
ГайхмаарГайхмаар
0
ЗөвЗөв
0
ХахаХаха
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж