Үндэсний их баяр наадмын өмнө болдог сорилго барилдаан өчигдөр /2019.06.23/ Бөхийн өргөөнд боллоо. Ховд аймгийн Буянт сумын харьяат, 1940 оны улсын наадмын түрүү бөх, улсын арслан Ш.Ванчинхүү агсны нэрэмжит барилдаанд улс, аймгийн алдар цолтой 126 бөх барилдлаа. Барилдаанд улсын начин Д.Анар түрүүлж, улсын арслан П.Бүрэнтөгс үзүүрлэв. Их шөвөгт улсын харцага Х.Гантулга, улсын начин Б.Даваа-Очир нар шалгарсан байна.

Бөхийн өргөөнд болсон барилдааны үеэр допинг хэрэглэсэн бөхчүүдийн шийтгэлийг хугацаанаас нь өмнө сэргээсэн нь асуудал дагуулсан юм. Барилдах эрх нь сэргээгдсэн Улсын заан Б.Пүрэвсайхан, Улсын начин Э.Даш нар барилдахаар ирсэн ч бөхчүүдийн эсэргүүцэлтэй тулгаран барилдаагүй юм. Энэ талаар аварга Ч.Санжаадамба нарын бөхчүүд эсэргүүцэл хийж, эсэргүүцлээ илэрхийлсэн. Мөн барилдааны үеэр энэхүү шийдвэртэй холбоотойгоор таван бөх барилдаагүй байна.

ТАВЫН ДАВАА:

• Улсын арслан П.Бүрэнтөгс – Цэргийн арслан Г.Жамбалдорж
• Улсын харцага Х.Гантулга – Аймгийн арслан О.Наранбаатар
• Улсын начин Л.Лха-Очир  – Улсын начин Б.Даваа-Очир
• Улсын начин Д.Анар – Улсын начин Б.Серик

ЗУРГААГИЙН ДАВАА:

• Улсын арслан П.Бүрэнтөгс-  Улсын начин Б.Даваа-Очир
• Улсын харцага Х.Гантулга – Улсын начин Д.Анар
• ДОЛООГИЙН ДАВАА:
• Улсын арслан П.Бүрэнтөгс – Улсын начин Д.Анар