Иргэдийн дунд санал асуулга явуулна | News.MN

Иргэдийн дунд санал асуулга явуулна

Иргэдийн дунд санал асуулга явуулна

Иргэдийн дунд санал асуулга явуулна

Яармагт шинээр баригдаж буй нийслэлийн төр захиргааны байрыг хэрхэн ашиглах талаар иргэдийн дунд санал асуулга явуулна

Хотын төвлөрлийг бууруулах зорилгоор Нийслэлийн төр захиргааны байрыг нүүлгэх шийдвэр гарч, Хотын дарга асан С.Батболдын 2018 онд Яармагт гурван блок цогцолбор барилгын ажлыг эхлүүлсэн байдаг.
Яармагт баригдаж байгаа нийслэлийн төр захиргааны байрны А блок ирэх намраас ашиглалтад орно. Тэгвэл энэ байранд Нийслэлийн төрийн захиргааны байгууллагууд нүүж орох уу, эсвэл өөр хэлбэр зориулалтаар ашиглах уу гэдэг асуудал олны анхаарлыг татаж байна.

Зарим эх сурвалжийн хэлж байгаагаар Хотын захирагч С.Амарсайхан “Нийслэлд төрийн албан хаагчдын байрнаас илүүтэй тулгамдсан, шийдлээ хүлээсэн олон асуудал байхад төрийн албан хаагчид шинэ байранд орох нь хир зохимжтой вэ. Энэ асуудлыг ард иргэдийн санал асуултад тулгуурлан шийдвэрлэх нь зүйтэй” гэсэн байр суурийг илэрхийлсэн гэжээ.

Тус барилга нь А, В, С гэсэн нийт 3 блокоос бүрдэх нийт 68.000 м.кв талбай бүхий барилга бөгөөд нийтдээ 97 орчим тэрбум төгрөгний төсөвт өртөгтэй юм. Татвар төлөгчдийн мөнгөөр баригдаж буй тус барилгын зориулалт, ашиглалтыг нийслэлийн иргэдэд чиглэсэн хэлбэрээр үйл ажиллагаа явуулах нь зүйтэй гэсэн байр суурьтай иргэд цөөнгүй байгаа юм.

Тиймээс нийслэлийн иргэдийн дунд тухайн байрыг Нийслэлийн төр захиргааны байгууллага нүүж орох хэлбэрээр ашиглах уу эсвэл өөр зориулалтаар ашиглах уу гэсэн санал асуулгыг явуулахаар болжээ.
Хэрвээ иргэдийн олонх нь нийслэлийн төр захиргааны байгууллага Яармагийн шинэ байранд нүүж орох нь буруу гэж үзвэл дараагийн удаад тухайн байрны зориулалтыг иргэдэд өгөөжтэй, үр дүнтэй байж болох ямар хэлбэрээр ашиглах талаар дахин санал авах шаардлагатай болно.

Ямартай эхний удаад нийслэлийн иргэд, оршин суугчид та бүхэн Яармагт баригдаж байгаа нийслэлийн төр захиргааны байрны талаарх доорх санал асуулгад идэвхтэй оролцохыг уриалж байна.
Санал асуулга www.xot.city цахим хаягаар болон нийслэлийн Засаг даргын тамгын газрын албан ёсны цахим хуудас болох Нийслэлийн мэдээ хуудсаар явагдах болно.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-06-24 202.21.120.66

нэг нь юм хийхээр нөгөө нь үгүйсгээд байдаг ямар араншин вэ Батболд тэр байрыг чинь аваад явчихаагүй өөрөө болон ах дүүгээрээ ороод суучихаагүй л байна гол нь энэ хотын чинь төвлөрөл түгжрэлийг нь бага ч болтугай арилгах гэсэн санаагаар бариулсан юм байлгүй дээ Харин Амарсайхан тэгэж тэнэгдээд байгаа бол өөртөө лай бөөн хэл ам хурааж байна гэсэн үг яахаараа хотын дарга нар хотын төвөөс гарч болохгүй гэсэн улс төр багагүй явна тиймээс зориулалтын юмыг зориулалтаар нь ашиглах хэрэгтэй

Avatar

зочин 2019-06-24 202.9.42.92

Анх төлөвлөхдөө санал асуулга авахгүй яасан юм бэ?

Avatar

Зочин 2019-06-24 66.181.171.34

Хөөе, хотын дарга аа, битгий улс төрөө бодоод бай. Төр захиргааны шинэ байртай болоод иргэд ч гэсэн шинэ байраар орж гарч үйлчлүүлмээр байна. Тэгээд ч хотын түгжрэл багасна. Битгий попроод нэгнийхээ эхлүүлсэн ажлыг унагаад бай. Онвочгүй үг өөрт чинь л гай болно шүү. Наана чинь Су.Батболд амьдрах гэж байгаа юм уу. Аятайхан зөв дугарвал зүгээр байдаг.

Avatar

Зочин 2019-06-24 173.239.198.80

batboldiin shakhaa. uilchilgeenii zoriulalttai baisan bairiig niislelees ondor unelgeegeer avaad zoriulaltiig ni oorchilj biagaa

NewsMN Гар утасны хувилбар Татах
NEWS.mn

Мэдээллийн эх сурвалж