Элсэлтийн ерөнхий шалгалт өнөөдөр эхэлсэн. Яг одоо англи хэлний шалгалтыг шалгуулагчдаас авч байна. Өнөөдрийн хувьд Монгол улсын түүх, Хими, Англи хэлний шалгалтыг шалгуулагчдаас авна.

Өглөө 10.00-11.20 цагийн хооронд түүхийн шалгалт авсан. Харин химийн шалгалтыг 13.00-14.40 цагийн хооронд авсан юм. Энэ жилийн хувьд 20 мянга гаруй сурагч элсэлтийн шалгалтад орж байна.

ЭЕШ-ын хоёр дахь хэсэг нь ирэх бямба гарагт болно. Газарзүй, математик, биологи, монгол хэлний шалгалтыг шалгуулагчдаас авна. Шалгуулагчид ЭЕШ-нд орохдоо доорх бичиг баримтыг авч ирнэ.

ЕШ зохион байгуулах журмын гуравдугаар зүйлд зааснаар:

3.9.1. Бүртгэлийн хуудас

А. Энэ онд ЕБС төгсч байгаа шалгуулагч сургуулийн захирлаар, өмнөх онд ЕБС төгссөн шалгуулагчид аймаг/дүүргийн ЭЕШ хариуцсан ажилтнаар гарын үсэг зуруулж, тамга тэмдэг даруулж баталгаажуулсан байх

3.9.2. Суудлын хуваарь

3.9.3. Бүрэн дунд боловсролын үнэмлэх, түүнээс дээш боловсролын баримт бичиг

3.9.4. Цахим үнэмлэх болон мөн түүнтэй адилтгах баримт бичиг

А. Цахим үнэмлэх авах насанд хүрээгүй буюу 2015 оны 06 дугаар сарын 1-нээс хойш 16 насанд хүрэх шалгуулагчид сурч буй сургуулийн захирал эсвэл өөрийн оршин сууж буй орон нутгийн Засаг даргын гарын үсэг, тамгаар баталгаажуулсан, сүүлийн 3 сарын дотор авахуулсан өнгөт цээж зурагтай лавлагааг төрсний гэрчилгээний хамт шалгалтад авч ирнэ.

3.9.5. ЭЕШ-д орох эрхийн бичиг

Монгол хэл-бичгийн шалгалтад хамрагдаж 400-аас дээш оноо авсныг гэрчлэх бичиг.

Б.ЗАЯА