Таны гэрт эрүүл мэндэд хортой тавилгууд байгаа юм биш биз?

Та хаана байхдаа илүү тав тухтай, аюулгүй байдлыг мэдэрдэг вэ? Ихэнх хүмүүс энэ асуултад тав тухтай, эрүүл, аюулгүй байдлыг гэртээ байхдаа л мэдэрдэг гэж хариулсан байдаг. Гэртээ гэр бүл, хайртай дотны хүмүүстэйгээ сэтгэл амар, тайван, байхад аюулгүй, тав тухтай, эрүүл орчин хамгийн чухал.

Манай оронд сүүлийн жилүүдэд харшлын идэвхжил ихсэж байгаа. Харшилтай хүмүүсийн тоо ихсэж буйн шалтгаан нь Улаанбаатар хотын хүн амын шигүү суурьшил, мөн импортоор орж байгаа хүнсний бүтээгдэхүүн, эмийн бодисуудаас гадна бидний төдийлөн анзаардаггүй зүйл болох гэрийн тавилгын чанар стандарт, цавуулгийн хэмжээ маш их нөлөөлдөг болохыг судлаачид тогтоосон байдаг. Учир нь ямар ч тавилгад цавуу их, бага хэмжээгээр агуулагддаг бөгөөд агаартай байнгын урвалд орж, амьсгалах орчинг бүрдүүлж байдаг байна.

Зөвшөөрөгдсөн хэмжээнээс их цавуу хүний биед харшил үүсгэх, чих загатнуулах, хамрын хөндийг үрэвсүүлэх, уушги болон нарийн гэдсийг өвчлүүлэх зэрэг хүндрэл үүсгэдэг байна. Харамсалтай нь бидний худалдан авч буй тавилгад энэ үзүүлэлт тодорхойлоогүйгээс гадна хэрэглэгчид өөрсдөө стандарт, үзүүлэлтийг төдийлөн анзаардаггүй юм.

Тэгвэл эрүүл мэндэд сөргөөр нөлөөлөх хавтангаар хийгдсэн тавилгыг хэрхэн таних вэ?

Үнэр буюу Формальдегид. Цавуулаг ихтэй муу чанартай хавтан, тавилга нь онцгой хурц, тод үнэртэй байдаг. Хурц тод үнэртэйгээс гадна үнэр нь байнга үнэртэж удаан хугацаанд хадгалагдан үлдэж байвал энэ нь муу тавилга. Сайн чанарын зөвшөөрөгдсөн хавтангаар хийгдсэн тавилгын үнэр нь хэдхэн минут үнэртээд л удахгүй алга болдог.
Зөвшөөрөгдсөн стандарт. Тавилга хийж буй хавтангуудад E0-E2 стандарт гэж байдаг. E0-E1 стандартын хавтан нь хүний биед хоргүй, цавуулгийн хэмжээ багатай зөвшөөрөгдсөн стандартын тавилгуудад тооцогддог. Харин E2 стандартын хавтан нь цавуулгийн хэмжээ ихтэй, хямдхан, эрүүл мэндэд хортой хавтанд тооцогддог байна.

Иймээс та бүхэн гэр орондоо тавилгаа сонгож авахдаа тав тухтай байдал, өнгө загвараас гадна эрүүл мэндэд хоргүй эсэхийг хамгийн түрүүнд шалгаж байх нь чухал.

Харин энэхүү асуудлыг шийдэж, чанар стандартын шаардлага хангасан, E1 стандартын хавтангаар хийгдсэн, хүний биед харшил өгөхгүй, эрүүл мэндэд сөрөг нөлөөгүй, нян бактери үржихгүй Итали-ийн “Pensarecasa” брэндийн 100% итали тавилгуудыг “Шинэ Сонголт Брэнд Их Дэлгүүр” та бүхэнд санал болгож байна.