“Голден Стэйт”-ийн довтлогч Андре Игуодала NBA-гийн финалын цувралын MVP-ээр нэрлэгдээд хэдхэн хором өнгөрч байна. Тэрбээр энэ удаагийн плей-оффт багийнхаа амжилтын төлөө нөөцийн суудалд шилжиж, өөрийгөө золиосолсон гэж хэлжээ. Игуодалаг финал хүртэл гарааны тавалд багтаалгүй, нөөцний тоглогчдын тоонд оруулаад байсан билээ.

“Манай баг ялалтандаа итгэж чаддаг тоглогчдоос бүрдсэн. Бид бүр эхнээсээ л аварга болно гэдэгтээ итгэлтэй байсан. Тиймээс л би гарааны тоглогчийн байр сууриа золиосолж, нөөцөнд шилжихийг зөвшөөрсөн юм. Би аварга болохын төлөө л ийм алхам хийсэн” гэж Игуодала өгүүлжээ.

Р.Гэгээ

Эх сурвалж: http://horom.mn