"Иргэдийн санал хүсэлтийг сонсох өдөр" аяныг эхлүүллээ | News.MN

"Иргэдийн санал хүсэлтийг сонсох өдөр" аяныг эхлүүллээ

"Иргэдийн санал хүсэлтийг сонсох өдөр" аяныг эхлүүллээ

"Иргэдийн санал хүсэлтийг сонсох өдөр" аяныг эхлүүллээ

НЭМГ-ын харьяа Баянгол дүүргийн эрүүл мэндийн төвөөс эмнэлгийн тусламж, үйлчилгээг сайжруулах зорилгоор “Иргэдийн санал хүсэлтийг сонсох өдөр” аяныг эхлүүлж байна. Аяны хүрээнд эмч, эмнэлгийн мэргэжилтнүүд тус дүүргийн “Ахмад настны эмнэлэг”, хүүхэд болон насанд хүрэгчдийн “Эмүжин” шүдний амбулаториор үйлчлүүлж буй иргэдийн санал хүсэлтийг сонсох, улмаар эмнэлгийн тусламж, үйлчилгээг сайжруулах тал дээр  анхаарч ажиллах шаардлагатай болон үйлчлүүлэгчдэд тулгамдаж буй нийтлэг асуудлыг судалж, шийдвэрлэхээр зорьжээ.

Иргэдийн хувьд, эмнэлгийн байгууллагаар үйлчлүүлэхэд эмч, сувилагч нарын харилцаа хандлага, мэргэжлийн ур чадвар тун чухал байдгийг онцолж, дүүргийн эрүүл мэндийн төвийн үйл ажиллагааны цар хүрээ, зохион байгуулж буй ажлуудад сэтгэл хангалуун байгаагаа илэрхийллээ.

“Иргэдийн санал хүсэлтийг сонсох өдөр” аяныг цаашид тус дүүргийн эрүүл мэндийн төв, хүүхдийн амбулатори болон Хүүхдийн нэгдсэн эмнэлэг, Өрхийн эрүүл мэндийн төвүүдэд зохион байгуулахаар төлөвлөсөн бөгөөд иргэд, үйлчлүүлэгчдээс ирүүлсэн санал, хүсэлтийг хүлээн авч, үйл ажиллагаандаа тусган ажиллахаар зорьжээ.

Эх сурвалж: НИЙСЛЭЛИЙН ЭРҮҮЛ МЭНДИЙН ГАЗАР

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж