ИЗН-ын 10 жилийн ой, анхны ардчилсан сонгуулийн 20 жилийн ойг тохиолдуулан Монгол Улсын Ерөнхийлөгчийн зарлигаар тус намын зүтгэлтнүүдийг төрийн дээд одон медалиар шагнасныг өнөөдөр гардууллаа. УИХ-ын гишүүн, ИЗН-ын дарга С.Оюун Ерөнхийлөгчийн даалгавраар шагналыг гардуулсан юм. Ерөнхийлөгч Ц.Элбэгдорж амрахаар явахдаа тэдэнд амжилт хүсч, намын даргад нь шагналыг гардуулах үүрэг өгсөн аж.
Хөдөлмөрийн гавьяаны улаан тугийн одонгоор 1990 оны анхны ардчилагчдын нэг, өндөр настан Т.Юлжинсэнгэ, Алтангадас одонгоор Орхон аймгийн Баян-Өндөр сумын иргэн М.Батцоож, Б.Бат-Эрдэнэ, Ховд аймгийн Жаргалант сумын иргэн Т.Хүдэрчулуун,  “Гранд хаан айриш” ХХК-ний гүйцэтгэх захирал Г.Ганхүү нарын 10 хүн, Хөдөлмөрийн хүндэт медалиар Булган аймгийн иргэн Г.Баасанбямба, Н.Бат-Эрдэнэ нарын 24 хүнийг шагнасныг С.Оюун гишүүн сая гардуулж өгөв.

                                Д.ОЮУН