Хэнэггүй зангаасаа болж амь насаа эрсдэлд оруулсаар байх уу? | News.MN

Хэнэггүй зангаасаа болж амь насаа эрсдэлд оруулсаар байх уу?

Хэнэггүй зангаасаа болж амь насаа эрсдэлд оруулсаар байх уу?

Хэнэггүй зангаасаа болж амь насаа эрсдэлд оруулсаар байх уу?

"Авто зам үерт идэгдсэнээс осол гарах эрсдэлтэй болсон тул тээврийн хэрэгслийн хөдөлгөөнийг түр хугацаагаар хаалаа", "Хурд хэтрүүлснээс осол гарч, иргэд амиа алдаж байна. Бүсээ бүсэл, хурдаа сааруул" гэдэг үгийг Авто тээврийн төв, Тээврийн цагдаагийн албанаас тогтмол анхааруулдаг ч монголчуудын нэг чихээрээ сонсоод нөгөө чихээрээ гаргадаг хэнэггүй зан амь насанд нь эрсдэл учруулсаар байгааг ухаарах цаг нэгэнтээ болжээ. 

Жишээ татвал, өнгөрсөн амралтын өдөр /2019.06.15/ орсон аадар борооны улмаас Төв аймгийн Лүн суманд  үер бууж, 110-113 дахь км  хатуу хучилттай зам үерт автсан.  Тээврийн хэрэгсэл зорчих боломжгүй болсон учраас авто машины хөдөлгөөнийг зургадугаар сарын 17-ны 18.00 цаг хүртэл түр хугацаагаар хааж, шаардлагатай бүхий л арга хэмжээг авсан байдаг. Гэвч зам хаасан үед “Ланд крузер 200” -тай автомашины жолооч цагдаагийн алба хаагчийн шаардлага биелүүлэлгүй уулын замаар явснаас болж онхолдон, таван хүн нас барсан харамсалтай хэрэг  гарсан юм. Машинд нийт зургаан  зорчигч явсан ч ослоос ганцхан 11 настай  хүүхэд л амьд гарсан.  Одоо хүүхдийн бие тааруу Гэмтэл согог судлалын үндэсний төвийн сэхээн амьдруулах тасагт  эмчлүүлж байна. Энэ бол олон олон харамсалтай ослын нэгхэн жишээ. Хэрэв тухайн үед жолооч цагдаагийн анхааруулгыг анхаарсан бол өнөөдөр тэд амь эрсдэхгүй байв.

Автомашины осол гарах үндсэн шалтгаан нь жолооч яардаг, яарснаасаа болж хурд хэтрүүлж давхидаг. Анхааруулга сэрэмжлүүлгийг үл тоодог. Тээврийн хэрэгслийн бүрэн бүтэн байдлыг хангаж орон нутгийн тээвэрт гардаггүй зэрэг нь нөлөөлдөг аж. Нэг үгээр хэлбэл, хайртай хүмүүсийнхээ амь насыг тээж яваа хэрнээ "галзуу" юм шиг хурдалдаг.

Дээр нь Онцгой байдал, Цаг уур орчны шинжилгээний газраас цаг агаар хүндрэх төлөвтэй байна. Аадар бороо орно, цасаар шуурна гэдэг анхааруулгыг урьдчилан өгч, онцын шаардлагагүй бол холын замд гарахгүй байхыг сануулдаг ч зөрж буй мэт замд гардаг. Дараа нь автомашин нь шавар усанд сууж асуудал тулгарахад Онцгойгийнхныг дууддаг. Очоод туслахад нь "Цаг алдаж ирлээ" гэж аашлах энүүхэнд. Анхааруулга, сэрэмжлүүлгийг нь үл тоож замд гарчихаад эцэст нь хүний эрх ярин, та нар биднийг аврах ёстой гэж чичилдэг нь зуршил болсон гэж хэлж болно.  Осгохоос урьтаж аварсан байлаа ч "Баярлалаа" гэдэг үгийг хэлэх хүн цөөн.

Зуны улирал эхэлж, монголчууд аяны богцоо бэлтгэн хөдөөг зорих урсгал эхлэх боллоо. Холын замд хурдаа тохируулж, замын хөдөлгөөний дүрэмд заасны дагуу хөдөлгөөнд оролцохгүй бол бусдын амь насыг ч эрсдэлд оруулах аюултайг сануулъя.

Тээврийн цагдаагийн газраас гаргасан 2018 оны тоо баримтаас дурдахад, зам тээврийн ослоос 17600 хүн гэмтэж, 540 хүн нас баржээ. Ослын 76 хувь нь орон нутгийн замд бүртгэгдсэн бөгөөд дийлэнхдээ жолооч аюулгүй байдлыг хангаагүйгээс үүдэлтэй осол болдог  талаар албаныхан онцолж байна. Та аян замд яваа бол бүү яар.

Э.БУРАМ

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
1
ГайхмаарГайхмаар
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ухамсарын доройтол 2019-06-19 77.247.181.162

үндэсний ухамсарын доройтол ингэж ирэлдэг юм даа. ухамсарын доройтолд орсон үндэстэнд үхэл хагацал салахгүй дагадага. архи тамхи муу буруу явдал залхуу тэнэг балмад байдал ийм ухамсарын доройтолын хэмжээнд авч ирдэг.

Avatar

ӨВЧНИЙ ҮНДЭС ҮЛ ШИНГЭХЭЭС ЭХТЭЙ 2019-06-19 66.181.184.234

БОЛОХГҮЙ ГЭХЭЭР Л БОЛНО ОО ГЭЖ МУГУЙДЛАДАГ ЗАН БИДЭНД БӨХ ОРШИХ ЮМ. ОДОО ХАРВИН ГЭДЭС НЬ УНЖСАН Ч ӨЛСГӨЛӨН ЯДУУГАА ГАЙХСАН ХЭДЭН МОНГОЛ МАХ УЛАМ ҮНЭ ОРОХ ТУСАМ БҮР ИХЭЭР МАХСАЖ УЛАНГАСААД ӨЛӨН ШУМУУЛ ШИГ БОЛЦГООЖ ГАДНА ДОТНЫ ЛУЙВАРЧДЫГ ДАВРААЖ БАЙНА. ЗУНЫ ХАЛУУНД ИДЭХ МАХАА БАГАСГААД НОГООГОО ИХЭСГЭХ ХЭРЭГТЭЙ Л ДЭЭ. ТЭГВЭЛ АЯНДАА Л ХАЛУУН ЦАГИЙН МАХНЫ ҮНЭ ШУЛБАЙТРАА УНАНА

Avatar

Зочин 2019-06-19 202.21.108.141

Хүн эрсэдсэнд харамсч байна. Гэхдээ болохгүй гэж байхад яваад эрсэдсэн бол хатуухан хэлэхэд хохь чинь л болж байна. Ямар ч лаг машин багаад жолооч нь адгийн тэнэг бол үхээд л дуусдөг. Ингэж аархаж явсанаар бид хохирохгүй харин та өөрөө болон таны гэр бүл үр хүүхэд ар гэр ээж аав, найз нөхөд, хамьран ажиллагсад л хохирч байна.

Avatar

Зочин 2019-06-19 203.169.49.100

Хагас жилд Халх голын дайнасс олон хүний амь эрсджээ. Засаг том арга хэмжээ авах цаг нь аль хэдий нь болсон байна.!

Avatar

иргэн 2019-06-19 202.179.27.176

Өдөр болгон Орой болгон Тээврийн цагдаагийнг алба Телевиз радиогоор хэлж ярьж Анхааруулж сануулаад байхад л Илжиг шиг зөрөөд Дүрэм журмаа Зөрчөөд Өөрсөдийнхөө болон Дотныхоо хүмүүсийн Амь насыг Егүүтгээд байгаа Улсыг чинь одоо тэгээд Яалтай ч билээ дээ Ямар Жолооч болгоны хажууд нэг Цагдаа суулгаж явуулалттай биш дээ дэндүү Хэнэггүй юмаа

Avatar

Зочин 2019-06-19 202.21.115.82

Ланд гэдэг машин унахлээрээ өөрийгөө "лаг" гэж боддог оркуудын нэг л биз. Ланд гэдэг машин бол юм мэддэггүй, мөнгөтэй оркуудын унаа болж дууслаа.

Avatar

Зочин 2019-06-19 202.9.42.251

Хэлээд байхад ойлгодоггүй тэнэгүүдэд санаа зовохоо бүр больсон. Хохь нь

Avatar

Зочин 2019-06-19 202.179.25.234

Бусдыг үл хүндэтгэдэг, увайгүй зангаа сэргэлэн цовоо гэж ойлгодог байдалдаа дүгнэлт хийх хэрэгтэй. Ер нь хүмүүжил, боловсролын түвшингийн асуудлыг хүн бүр өөр дээрээ авч үзэж бодвол сайн байна

Avatar

irgen 2019-06-19 49.0.212.97

Үхэр монголчууд бусдынхаа урдуур дайрдаг зангаа "хийморь" гэж нэрлэдэг хөдөөний оркууд билээ.

Avatar

zochin 2019-06-19 120.142.31.236

honkongt neg mgl huuhen ongots hoichluullaa geed orilj hachgiraad buudlaar neg ym bolson gesen

Avatar

Зочин 2019-06-19 202.131.227.114

Зам, барилга байшин үерт автана гэдэг бол тооцоо судалгаа хийж чаддагүй зураг төслийн компаниудын буруу. Уулаас бууж буй усны жалга суваг зам хөндлөн огтолж гарахаар бол тухайн гуу жалгын өргөнөөс 1,5 дахин өргөн нүхэн гарц болон гүүрэн байгууламж хийж байж замаа эвдэхгүй, уулаас бууж буй үерийн ус тэр хоолойгоор зайлж чадна. Харамсалтай нь манайхан тооцоо судалгаагүй, нарийнхан шугам хоолой булснаас болж уулаас буух тэр их усыг зайлуулж чадахгүй, замаа сэт татдаг.

Avatar

Зочин 2019-06-19 202.131.225.197

zam xaasan uyed yavna geed zutgeed bgaa xumuusiig osoldvol ochij avraxgui gesen yuman deer gariin usgiig ni zuruulaad yavuulchij bai

Avatar

zochin 2019-06-19 64.119.20.207

ukher mongol zangaa khezee khayana daa , mongolchuud mini , yarch bayna l gedeg yum ,

NewsMN Гар утасны хувилбар Татах
NEWS.mn

Мэдээллийн эх сурвалж