Сайжруулсан шахмал түлшний үйлдвэрийн хүчин чадлыг нэмлээ | News.MN

Сайжруулсан шахмал түлшний үйлдвэрийн хүчин чадлыг нэмлээ

Сайжруулсан шахмал түлшний үйлдвэрийн хүчин чадлыг нэмлээ

Сайжруулсан шахмал түлшний үйлдвэрийн хүчин чадлыг нэмлээ

Монгол Улсын Ерөнхий сайд У.Хүрэлсүх өнөөдөр сайжруулсан шахмал түлшний үйлдвэрт ажиллалаа. Тэрээр юуны өмнө агаарын бохирдлыг бууруулах, ахуйн хэрэглээнд шахмал түлш нэвтрүүлэх зорилтыг биелүүлэхэд цаг наргүй ажиллаж байгаа “Тавантолгой түлш” ХХК-ийн ажилтан, албан хаагчдад Засгийн газрын нэрийн өмнөөс болон хувиасаа талархал илэрхийлэв.

Ерөнхий сайд үйлдвэрийн овоолго, шахмал түлшний нөөц, чанар, шаталт, савлагаа, дахин боловсруулах туршилт-судалгааны цех, үйлдвэрлэлийн шугамтай танилцаж хоёр, гуравдугаар шугамын дамжлагын ажлыг эхлүүлэв.

“Тавантолгой түлш” компани энэ жил 600 мянган тонн сайжруулсан шахмал түлш үйлдвэрлэхээр төлөвлөсөн. Өнөөдрийн байдлаар 70 мянган тонныг нөөцөлж, 3000 тонныг борлуулаад байна. Мөн түүхий эдийн 250 мянган тонны нөөцтэй байгаа тухай компанийн гүйцэтгэх захирал М.Ганбаатар танилцуулав.

“Засгийн газар сайжруулсан шахмал түлшний үйлдвэр байгуулахын тулд хөрөнгө санхүү, тээвэрлэлт гээд өөрөөс шалтгаалах бүхнээ хийсэн. Одоо хотын захиргааны хийх ажил үлдлээ. Ирэх өвөл утаатай байх эсэх нь хотын даргаас шууд хамаарна” гэж Монгол Улсын Ерөнхий сайд У.Хүрэлсүх хэлэв.

Үйлдвэрлэсэн түлшийг айл өрхөд ямар нэг хүндрэлгүй, хүртээмжтэй, тасралтгүй түгээх чиглэлээр шаардлагатай бүх арга хэмжээ авч ажиллахыг Нийслэлийн Засаг дарга бөгөөд Улаанбаатар хотын захирагч С.Амарсайханд онцгойлон анхааруулав.

Мөн УИХ-ын гишүүд, нийслэл, дүүргүүдийн Иргэдийн Хурлын Төлөөлөгч, бүх шатны Засаг дарга, хороодын хэсгийн ахлагч, мэргэжлийн байгууллагууд идэвхтэй оролцох ёстой гэлээ. Иргэд ч Засгийн газраас авч хэрэгжүүлж байгаа арга хэмжээг дэмжин гэр, байшингийнхаа дулааны алдагдлыг бууруулж, сайжруулсан шахмал түлш хэрэглэж  хэвшихийг уриалав.

Сайжруулсан шахмал түлшийг хэрэглэхэд агаарын бохирдол 50-60 хувь буурч байгааг БНСУ-ын лаборатори баталсан байна. Шинжилгээний хариуг тус улсын мэргэжилтэн Пак Сан Ху Монгол Улсын Ерөнхий сайд У.Хүрэлсүхэд хүлээлгэн өгөв.

Цаашид илүү сайн чанартай шахмал түлш үйлдвэрлэх туршилт явуулах, шинэ технологи бүхий үйлдвэр ашиглалтад оруулахаар төлөвлөж байгаа тухай “Тавантолгой түлш” компанитай хамтран ажилладаг Япон, БНСУ-ын мэргэжилтнүүд хэлэв.

Түүхий нүүрсийг ахуйн хэрэглээний зориулалтаар нийслэл хот руу оруулахыг хориглосон Засгийн газрын шийдвэр 2019 оны 05 дугаар сарын 15-ны өдрөөс хэрэгжиж байгаа.

Жилд хэрэглэдэг 1.2 сая тонн түүхий нүүрсийг 600 мянган тонн сайжруулсан шахмал түлшээр орлуулснаар хорт утааны ялгарал их хэмжээгээр багасч, агаарын бохирдол 50 хувь буурна гэж тооцоолж байна.

Сайжруулсан шахмал түлшийг бүх төрлийн зууханд ашиглах боломжтой. Төслийн зууханд дөрвөн кг түлш түлэхэд таван цаг, энгийн зууханд зургаан кг-ийг түлэхэд 7-8 цаг дулаанаа барьдаг нь туршилтаар батлагдсан юм гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-06-18 203.91.116.118

Энэ бол ТҮҮХЭН ШИЙДВЭР шүү,, Үнэхээр утааг 50-аас 60 хувь бууруулж чадвал энэ улс үнэдэстэн аврагдаж байгаа гэсэн үг шүү,
Ямар олон хүний амь насыг аврах ажил болно гэж бодож байна,,, Үнэхээр утаа буурчдаг юм бол Хүрэлсүхийг шүтлээ, даин сонгоно ооооооооооооооооооооо

Avatar

Зочин 2019-06-18 202.126.88.73

Хүүкийг харлуулах гээд хэрэггүй. Ийм ерөнхий сайд урьд нь байсан уу? Адгалж Эх орноо гэсэн сэтгэлтэй хүн юм даа…

Avatar

+-*/ 2019-06-18 49.0.212.97

Хүүкийн нам засгийн сонгуулийн шоу, одоо энэ өвөл утаатай байвал надтай биш хотын даргатайгаа заалдаарай гээд өөрөө мултрах аргаа хайж байна

Avatar

монгол 2019-06-18 64.119.19.151

Энэ үйлдвэрийн даргаар яахаараа энэ барчныг тавьдаг байна аа. Ямар ч мэдлэг, чадвар, туршлагагүй, нам дагаж далдагнасан бацаан шүү дээ. Сая 5 сарын 15 нд нүүрс хэрэглэхийг хориглоод байхан оронд нь хэрэглэх шахмал түлш улаанбаатарт байгаагүй.

Avatar

Хардагч 2019-06-18 202.179.8.210

Харин тиймээ төр аж ахуйн ажил хийхээ хэзээ болих, тунгалаг тендер хэзээ зарладаг болох вэ гэдэг байна

Avatar

Зочин 2019-06-18 66.181.191.209

Сайжруулсан түлш үйлдвэрлэхийг хувийн хэвшилд нь өгчих хэрэгтэй юм даа. Тэднийг стандартын дагуу ажиллахад төр хянаад л байхад болохгүй юмгүй шүү дээ. Заавал төр өөрөө хийх гээд л, түшмэдүүд тэндээс нь мөнгө цохих гээд л байх хэрэг байна уу????

Avatar

+-*/ 2019-06-18 49.0.212.97

Хүрэлсүх өөрийнхөө нэрийг түүхэнд тэмдэглүүлэх гэсэн хар ухаан юм чааваас

NewsMN Гар утасны хувилбар Татах
NEWS.mn

Мэдээллийн эх сурвалж