Н.Баяртсайхан Найжел Рэйг хүлээн авч уулзав | News.MN

Н.Баяртсайхан Найжел Рэйг хүлээн авч уулзав

Н.Баяртсайхан Найжел Рэйг хүлээн авч уулзав

Н.Баяртсайхан Найжел Рэйг хүлээн авч уулзав

Монголбанкны Ерөнхийлөгч Н.Баяртсайхан өнөөдөр /2019.06.18/ ОУВС-гийн Захирлуудын зөвлөлд Монгол Улсыг төлөөлөн ажиллаж буй гүйцэтгэх захирал Найжел Рэйг хүлээн авч уулзлаа.

Уулзалтын эхэнд Монголбанкны Ерөнхийлөгч Н.Баяртсайхан Монгол Улсад зочилж байгаад талархал илэрхийлж, Монгол Улс 1991 онд ОУВС-д элсэн орсноос хойш зургаан удаагийн ОУВС-гийн хөтөлбөрийг хэрэгжүүлсэн бөгөөд эдийн засаг, нийгмийн хөгжилд ОУВС-гийн үзүүлсэн дэмжлэг, туслалцаа их болохыг онцоллоо. Мөн тэрээр “Өргөтгөсөн санхүүжилтийн хөтөлбөр” үр дүнгээ өгч, амжилттай хэрэгжиж байгааг хэлээд, хөтөлбөрийн хэрэгжилтэд техникийн шалтгаантай бага зэргийн саатлууд тулгарсан боловч амжилттай шийдвэрлэн цаашид хэвийн үргэлжлэхээр болж байгааг дуулгалаа.

Монголбанкны зүгээс хөтөлбөрийг амжилттай хэрэгжүүлж дуусгах нь эдийн засагт тулгарч буй цаашдын сорилтыг даван туулахад чухал гэж харж байгааг хэлж, үүний төлөө зүтгэн ажиллаж байгааг тусалж дэмжиж ажиллахыг хүслээ. Энэ үеэр Монголбанкнаас “Монгол Улсын эдийн засгийн нөхцөл байдал, цаашдын төлөв, сорилт”-ын талаар танилцуулга хийж, “Өргөтгөсөн санхүүжилтийн хөтөлбөр”-ийн үр дүн, цаашид анхаарах асуудлаар харилцан санал солилцов.

Ноён Рэй “Өргөтгөсөн санхүүжилтийн хөтөлбөр” Монгол Улсад үр дүнгээ өгч байгааг тоон мэдээллүүд гэрчилж байна гээд хүчирхэг банкны салбар, сахилга баттай төсөв, мөнгөний бодлогууд нь одоо хүрээд байгаа үр дүнгээ баталгаажуулахад чухал болохыг онцолж, цаашид дэмжин тусалж ажиллахаа илэрхийлэв.

Эх сурвалж: МОНГОЛБАНК

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-06-18 202.21.96.212

Ажил дээр болсон уулзалтын зургийг авахуулаад, уулзалт хийснээ мэдээ болгож бичүүлээд мөн шизотой нөхөр шүү энэ. Ажлын уулзалт хэдэн зуугаараа л болдог. Ёстой нэг комунист юм даа

Avatar

Зайлуулаачээ 2019-06-18 66.181.177.205

ОУВС санхүүжилтээ зогсоосон байхад энэ пялдага амжилттай хамтран ажиллаж байна гэж бүлтрээд байх юм. Ажилдаа тэнцэхгүй нөхөр ш дээ

NewsMN Гар утасны хувилбар Татах
NEWS.mn

Мэдээллийн эх сурвалж