Монгол Улсын Засгийн газар, Нийслэлийн удирдлагаас өгч байгаа үүрэг чиглэлийн дагуу төрийн албан хаагчдын сахилга хариуцлага, ёс зүйг өндөржүүлэх шаардлага өсөн нэмэгдэж буй билээ. Үүнтэй холбоотойгоор Улаанбаатар хотын Захирагчийн ажлын албанаас санаачлан өөрийн байгууллагын болон харьяа 11 байгууллагын удирдах ажилтан, албан хаагчдын ёс зүйн мэдлэгийг дээшлүүлэх, ёс зүйн зөрчлөөс урьдчилан сэргийлэх, соён гэгээрүүлэх, сахилга хариуцлагыг нэмэгдүүлэх зорилго тавьсан.

Энэ хүрээнд Монгол Улсын Шинжлэх ухааны гавьяат зүтгэлтэн, Хууль зүйн ухааны доктор (Sc.D), профессор, Япон Улсын Нагояагийн их сургуулийн хүндэт доктор, Академич С.Нарангэрэл гуайг урьж, “САЙН ЯВАХ САНААНЫХ, ЁС СУРТАХУУН” сэдвээр сургалт зохион байгуулав. Сургалтад нийт 250 гаруй ажилтан албан хаагчид оролцлоо.

Эх сурвалж: www.ulaanbaatar.mn