Орон нутгийн ААН-үүд 2019 онд хагас тэрбум төгрөгийн ажил гүйцэтгэнэ

Хуучирсан мэдээ: 2019.06.18-нд нийтлэгдсэн

Орон нутгийн ААН-үүд 2019 онд хагас тэрбум төгрөгийн ажил гүйцэтгэнэ

Орон нутгийн ААН-үүд 2019 онд хагас тэрбум төгрөгийн ажил гүйцэтгэнэ

“Петро чайна дачин тамсаг” ХХК 2019 онд 1 тэрбум гаруй төгрөгийн өртөг бүхий байгаль орчныг хамгаалах төслийн тендерийг 12 багцад хуваан зарласан байна. Өнөөдөр буюу 2019 оны 06 дугаар сарын 17-ны өдөр энэхүү байгаль орчин хамгаалах төслийн тендер шалгаруулалтын үнэлгээний ажил нээгдлээ.

Өмнөх жилүүдэд тус компанид ажил гүйцэтгэгчийн сонгон шалгаруулалт зарлагдсан эсэх нь тодорхойгүй, хаанахын ямар компани ажил гүйцэтгэсэн нь ч мэдээлэлгүй өнгөрдөг байсан бол Дорнод аймаг, Ашигт малтмал газрын тосны газар, "Петро чайна дачин тамсаг" ХХК-ий өнгөрсөн онд байгуулсан гурван талт хэлцэлд аймгийн Засаг дарга М.Бадамсүрэн энэ асуудлыг тусгаж өгсний үр дүнд тендерийг олон нийтэд нээлттэй байдлаар зарлуулж орон нутгийн компаниудад ажил гүйцэтгэх боломжийг нээж өгсөн юм.

Өнөөдөр зарлагдсан 12 ажилд нийт 15 аж ахуй нэгж оролцож байгаа бөгөөд орон нутгийн 10 аж ахуй нэгж материалаа өгч сонгон шалгаруулалтад оролцож, найман ажилд орон нутгийн таван компани шалгарчээ. Нээлттэй сонгон шалгаруулалт жил бүр зохион байгуулагдана.

Байгаль орчныг нөхөн сэргээх чиглэлээр үйл ажиллагаа явуулдаг манай аймгийн компаниудын хувьд орон нутагтаа зарлагдаж байгаа томоохон тендерт оролцох маш том үүд хаалга нээгдэж байна гэж орон нутгийн аж ахуй нэгжүүдийн төлөөлөл энэ үеэр хэлж байлаа.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж