АТГ: Улсын эмнэлгүүд дэлхийн II дайны үеийн гэмээр нөхцөлд байна | News.MN

АТГ: Улсын эмнэлгүүд дэлхийн II дайны үеийн гэмээр нөхцөлд байна

АТГ: Улсын эмнэлгүүд дэлхийн II дайны үеийн гэмээр нөхцөлд байна

АТГ: Улсын эмнэлгүүд дэлхийн II дайны үеийн гэмээр нөхцөлд байна

Авлигатай тэмцэх газраас эрүүл мэндийн байгууллагын үйл ажиллагаанд авлига, ашиг сонирхлын зөрчил үүсгэж буй, үүсгэж болзошгүй эрсдэл, шалтгаан, хүчин зүйлийг тодорхойлох зорилгоор авлигын эрсдэлийг үнэлгээг хийсэн байна.

Тухайлбал, Улсын нэг, хоёр, гуравдугаар төв эмнэлэг, Халдварт өвчин судлалын үндэсний төв, Гэмтэл согог судлалын үндэсний төв, нийслэлийн “Өргөө” амаржих газар зэрэг эрүүл мэндийн салбарын зургаан байгууллагын авлигын эрсдэлийг үнэлэх ажлыг судалгаа, шинжилгээний чиглэлээр үйл ажиллагаагаа явуулдаг “Онч шийдэл”, “Статистикийн судалгаа, шинжилгээний хүрээлэн” ТББ-уудтай хамтран зохион байгуулжээ.

Эрсдэлийн үнэлгээний тайланг өнөөдөр /2019.06.18/ дээрх эмнэлгүүдийн удирдлагуудад танилцуулав. Үнэлгээний явцад тогтоогдсон авлига, ашиг сонирхлын зөрчил үүсч болзошгүй нөхцөл байдлуудыг арилгах, эрсдэлийг бууруулах, урьдчилан сэргийлэх чиглэлээр зөвлөмж боловсруулан, тодорхой ажил зохион байгуулахаар төлөвлөж байгаа аж.

АТГ-ын Урьдчилан сэргийлэх, соён гэгээрүүлэх хэлтсийн дарга Т.Баярхүү “Анхан болон дунд шатны эмнэлгүүд гэхээсээ илүү гурав дахь шатлалын эмнэлэгт иргэд ихээр үйлчлүүлэхээр очсоноос үүдэн асар их дугаарлалт үүсч байгаа нь авлига авах, өгөх нөхцөл байдал бий болгож байна. Улсын эмнэлгүүд дэлхийн хоёрдугаар дайны үеийн гэмээр нөхцөл байдалтай л байна. Хүйтэн цементэн шалан дээр картон цаас дэвсээд хэвтэж байгаа сахиур хүртэл харагдаж байна. Энэ асуудалд ганц эмнэлгийг буруутгах боломжгүй юм. Бүр тогтолцоогоор нь бодлогын хэмжээнд өөрчилж шинэчлэх шаардлагатай байгаа. Эмнэлэг, эрүүл мэндийн салбарт Монгол Улсын бүх хүнд хамаатай, амь насны асуудал яригддаг зүйл учраас тэгш хүртээмжтэй болгох ёстой” гэлээ.

УЛСЫН ЭМНЭЛГҮҮДИЙН АЧААЛЛЫГ ДАГААД ЦААНА НЬ АВЛИГЫН ЭРСДЭЛ ҮҮСЧ БАЙДАГ

Хуульч Т.Дарьсүрэнгээс авлигын эрсдэлийн судалгааны талаар тодрууллаа. 

Улсын эмнэлгүүдэд авлигын судалгаа хийжээ. Энэ судалгааны үр дүнгээс танилцуулахгүй юу?

-Улсын гуравдугаар төв эмнэлэг, Өргөө амаржих газар, Нэгдүгээр төв эмнэлэгт “Онч шийдэл” төрийн бус байгууллагаас авлигын эрсдэлийг тооцоолох судалгааны ажлыг хийсэн. Манай судалгааны багууд хуульч, өмгөөлөгчдөөс бүрдсэн. Миний хувьд Улсын гуравдугаар төв эмнэлгийн судалгааны багийг ахалж ажилласан. Энэ судалгааны ажлыг дөрвөн сарын хугацаанд хийж гүйцэтгэлээ.

Иргэдийн дунд эмнэлгийн байгууллага гэхээр хүндрэл эрсдэлтэй гэж хардаг байдал ажиглагдсан. Бид дээрх судалгааг АТГ-аас баталсан аргачлалын хүрээнд хийсэн. Улсын гуравдугаар төв эмнэлгийн тухайд авлигын эрсдэл өндөртэй байсан зүйл харагдаагүй. Харин дунд түвшинд эрсдэл байж болзошгүй гэж тодорхойлсон.

-Тухайлбал?

-Мэдээллийн ил тод байдал гуравдугаар төв эмнэлгийн хувьд хангалтгүй байсан. Жишээлбэл, Шилэн дансны тухай хууль, мэдээллийн ил тод байх хуулийн дагуу мэдээлэл ил тод байх ёстой. Ямар мэдээллийг ил тод байлгах вэ гэдэг нь хуулиар хуульчлагдсан. Тэгэхээр санхүү, аудитын тайлан, худалдан авах байдалтай холбоотой мэдээллүүд энэ байгууллагад дутмаг байсан.

Нөгөөтэйгүүр, төлбөртэй орны асуудал бий. Тус эмнэлгийн даргын тушаалаар нийт орны 10 хувийг төлбөртэй ор байх тушаал баталсан. Гэтэл 2018 онд энэ орноос арай илүү тоогоор өвчтөн хэвтүүлсэн байх жишээний. Бидний судалгааны гол зорилго нь тухайн байгууллагад авлига, ашиг сонирхлын зөрчил үүсгэж байгаа ямар нэгэн хүчин зүйлсийг тодорхойлох, авлигын эрсдэлийг бууруулах, үүнээс урьдчилан сэргийлэх, цаашлаад ямар зөвлөмж хүргүүлэх вэ гэсэн хүрээнд судалгааны ажлыг хийсэн.

-Иргэд эмнэлгийн байгууллагыг танил талаараа үйлчилдэг, хамгийн их авлигад идэгдсэн газар гэж тодорхойлдог. Гуравдугаар эмнэлгийн хувьд нийтлэг ямар зөрчил илрэв?

-Тус эмнэлэг 454 ортойгоор үйл ажиллагаа явуулдаг. Нэн ялангуяа бид эрсдэлтэй байж болох мэс заслын тасгуудад судалгаа явуулсан. Ерөнхий мэс засал, зүрх судасны мэс засал, тархины мэс засал гэх мэтчилэн хэвтэн эмчлүүлж буй өвчтөнүүдийн дунд судалгаа явуулахад сонирхолтой үр дүн гарсан. Юу вэ гэхээр тухайн өвчтөн эмнэлэгт хандахынхаа өмнө төсөөллийн дүгнэлттэй байдаг юм болов уу гэж харагдсан. Түүнийгээ ч иргэд илэрхийлж байна лээ. Ингэхдээ эмчилгээ тусламж үйлчилгээнд нь баярламаар байна гэсэн байр суурийг илэрхийлсэн хүн олон байсан.

Үүнээс эмнэлгийн байгууллагад авлигын эрсдэл үүсэхэд иргэд бид тодорхой хэмжээнд нөлөөлдөг гэсэн хандлага ажиглагдсан. Тиймээс цаашид бид зөвлөмж гаргаж, тухайн байгууллагад хүргүүлэх бодолтой байна.

АТГ-ААС ЭМНЭЛГИЙН УДИРДАХ АЛБАН ТУШААЛТНУУДАД ЗӨВЛӨМЖ ХҮРГҮҮЛЖ БАЙНА

Авлигатай тэмцэх газрын Судалгаа, шинжилгээний албаны дарга, ахлах комиссар Ц.Шинэбаяраас судалгааны талаар тодрууллаа. 

-Авлигын эрсдэлийн үнэлгээг судалснаар ямар ач холбогдолтой юм бол?

Эрсдэлийн үнэлгээ гэдэг нь тухайн байгууллагын авлигын эрсдэлийг “оношилж” байгаа байхгүй юу. Эмнэлгүүд тухайн өвчтөнөөс хамгийн эхлээд шинжилгээ авч байж дараа нь оношоо тогтоосны дараа түүнд тохирох эмчилгээ хийдэг шүү дээ. Өөрөөр хэлбэл авлигын эрсдэлийн судалгаа яг л үүнтэй төстэй юм.

-Дээрх эмнэлгүүдэд хийгдсэн судалгаагаар авлигатай холбоотой нийтлэг зөрчил ажиглагдсан уу?

-Эрх зүйн акт боловсруулахдаа хуулийн дагуу байж чадаагүй асуудал мэр сэр бий. Мөн эмнэлгийн байгууллагын худалдан авах ажиллагаатай зүйл ажиглагдсан. Эрүүл мэндийн байгууллага их өндөр үнэтэй худалдан авалт хийдэг учраас үүнийг дагаад худалдан авалт хийхдээ хариуцлагатай хандах ёстой. Худалдан авахтай холбоотой асуудалд хөндлөнгийн хяналтууд байх ёстой. Гэтэл тэр бүр санасныг хэмжээнд хүрэхгүй байгаа юм. Тиймээс бид тухайн байгууллагын авлигын эрсдэлийг судалж цаашид эдгээрээс гарсан зөвлөмжийг холбогдох албан тушаалтнуудад хүргүүлж байна.

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
17
ХарамсалтайХарамсалтай
5
ЗөвЗөв
3
ТэнэглэлТэнэглэл
1
ГайхмаарГайхмаар
0
ХахаХаха
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

22 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-06-18 66.181.177.161

Daatgaliin hemjeeg nemj, huviin huvisgaliin buh emnelegt adilhan uilchildeg boloh heregtei. Mun irgenees 30% daatgalaas 70% gedeg ch yum uu uurchlult oruulah ni zuv. Systemdee l uurchlult oruulah heregtei dee

Avatar

Onon 2019-06-18 202.126.89.251

Kkk neg ihe surjin ym bichij ee. Humuus shuud garchigaas n dugnej bichsen baihshig sanagdlaa. 1 ym helii bank San Khuu mal Aj Ahui huduu aj ahui bolovsrol tulburtee harin anagaah uhaan tulburgui eniigee hiihgui baij avilgalch gej eruul mendiig salbariig duudkhaa boli

Avatar

Иргэн 2019-06-18 202.21.108.178

Зүгээр л эрүүл мэндийн салбараа үнэтэй болговол яасан юм бэ, даатгалаараа хөнгөлөлт эдэлдэг байвал. Одоогийнх шиг үйлчилгээ үзүүлсэн ч юмгүй, эмч нар нь цаг нар цалингүй байж байхаар!

Avatar

muu muu 2019-06-18 182.160.34.19

neg l mashin solij uunsn humuus ter tusmaa 1 r emnegiinhen yaj mungu oloood bn udam zalgsan bayan humuuusuuuuuuuuuuuuuuuuuu

Avatar

irgen 2019-06-18 122.201.31.65

negdugeer turuhiin darga 300000 tug hariya bish ug gej awaad shuud l harmaaldag. haana yu d heregledeg yum b** med. barimt ugduggui. Tumurbaatartaa awaachij ugdug baih

Avatar

Зочин 2019-06-18 73.92.12.67

Дэлхийн I дайны уеэс ч долоон дор гээч, юун 2-р дайн……

Avatar

Зочин 2019-06-18 66.181.179.243

АВИЛГА АЛЬ ЭРТЭЭ ЦЭЦЭГЛЭЭД ЁС ЮМ ШИГ БОЛЧИХСОН ГАЗАР АВИЛГИЙН ЭРСДЭЛТЭЙ ГЭНЭ ҮҮ? ЭНЭ АТГ

Avatar

Хххх 2019-06-18 66.181.161.29

Улсын эмнэлгийн асуудал хэзээ дуусах вэ гэвэл Эмч нар нь чадварлаг сэтгэлтэй зүтгэлтэй болсон цагт
Эмч нар хэзээ тийм болох вэ гэвэл цалингаараа хангалттай сайхан ар гэрээ авч явдаг болсон цагт
дээрээс нь хэл амаа билүүдсэн албан тушаалд очих гэж элдэв өа шалтаг хайж олон нийтэд элдэв болсон болоогүй хов живээс болж сайхан ажил хийх гэж зүтгэж яваа хүний урам зоргийг унтараах ус цацдаг явдал газар авлаа
Аль нэг албан тушаалдаа үлдэх гэж томоохон хариуцлаг алдсан хүмүүсээ хамгаалж авч үлддэг

Avatar

Хх 2019-06-18 66.181.161.29

нь маш буруу
Мэрэгжилдээ чадварлаг боловсон хүчнээ гадгаш хар ажилд алдаад дууслаа
мөнгөтэй чадалтай үйлчилүүлэгч нараа ч бас гадгаш алдаад байхаар энэ салбар хөгжихгүй шүү дээ
Монгол хүний чадамжийг үнэлэх үнэлэмжээ дээшлүүлэх цаг болсон шү
Цалингийнхаа системээ зах зэнлийн нийгэмд зохиулж тохируулж хөгжүүлэхгүй бол
Ганц эрүүл мэндийн салбарч биш бүх салбар удахгүй ажиллах хүчний хомсдолд орж эдийн засгийн уналт ирхэд Монголд маань хүнд байдалд орно шүү

Avatar

иргэн 2019-06-18 66.181.161.16

эмнэлэгт ажилдаг жирийн ажилчид цалин багатай яаж болдог гэж боддог байнаа эмч нарыг бодвол хамаагүй бага цалинтай ер нь дээд боловрол эзэмших гэдэг нь авилагач болно гэсэн үг юмуу хаашаа юм

Avatar

987412365 2019-06-18 49.0.212.97

МАН-ын балай авгай

Avatar

Иргэн 2019-06-18 43.228.130.169

Энэ улс хувийн хэвшлийг зүгээр алж бна.Дампуу

Avatar

Иргэн 2019-06-18 43.228.130.169

Улсын эмнэлэгээ байхгүй болго.Тэгвэл асуудал байхгүй.Хувийн хэвшилээ дэмжээд өг.Асуудал байхгүй

Avatar

Зочин 2019-06-18 202.21.107.116

За тэр авилга мавилгыг нь мэдэхгүй юм бна. Харин даатгалаас үзлэгийн 15000 төгрөг суутгачхаад оочер дугаар ном ёсоор үзүүлэхэд 5 минутад халтуурдаж үзсэн болдог эмч ажилдаа жаахан ч гэсэн сэтгэлтэй байгаасай. Эсвэл авилга гээч юмыг нь өгч байж нугас нуур болгох ёстой юу.

Avatar

иргэн 2019-06-18 202.126.88.68

Эрүүл мэндийн байгууллагуудын зохион байгуулалт, эмч мэргэжилтнийг мэргэшүүлэлт онохгүй, буруу явж байгаагаас чирэгдэл их үүсч эмнэлгүүдэд ийм асуудал хэт ачаалал болж байна. ЭМ-ийн яамаа системээ шинэчилмээр байнадаа ерөнхий сайдаа. Улсын эмнэлэгт авилга тасрахгүй, тасрах үндэсгүй шүүдээ.

Avatar

зочин 2019-06-18 103.229.121.158

сөрөг юм бичихээсээ өмнө гарах гарцыг нь бичвэл зүгээр байна. Анхан шатыг 3гч шатны эмч бид нар дэмждэг. Анхан шатанд бэлтгэгдсэн боловсон хүчнийг нь харж байгаад ЭХО болон бүрэн автомат цус, шээс, биохимйн аппарат нийлүүлэх хэрэгтэй байгаа юм

Avatar

Иргэг 2019-06-18 66.181.178.254

Ямар авилгачдыг чагнаж шалгаж, шүүхэд өгдөг, ямрыг нь өгдөггүй юм бол доо!? Бас л хяхан хавчихаас айгаад өгч бгаа. Хууль тэгш үйлчлэх ёстой!

Avatar

санаа 2019-06-18 112.72.8.90

Татвар төлөгчид, Монголын Төр засаг хэр хэмжээнээсээ ихээр хүч чарайлт гаргаж орчин үеийн техникээр хангасан гэвч мөнөөх л хүйтэн сэтгэл ажлын санаачлага онц ихээр дутагдалаа. Эмч эмчилгээний ажилтнууд хашин морь шиг болсон, өвчтөнүүдийг дүүргээр хуваарилсан нь эмч нар зөвхөн өөрийн дүүргийн хүнийг хэдэн сараар очерлуулж байж нэг үйлчилсэн болдог нэг зүйл нэхээд нэг оочер нөгөөг нэхээд нэг оочер ёстой ард иргэд тэвчээр зааж байна. ЭМД төлсөн дэвтэр тэдэнд юу ч биш.

Avatar

зочин 2019-06-18 202.179.25.134

Энэ засаг олон юуманд үсчээд хэрэггүй эрүүл мэндийн салбараа ѳѳд нь татвал болоо

Avatar

Зочин 2019-06-18 112.72.12.6

Хууль сахиулахын эмнэлэгт Ховдынх л биш бол олигтой үйлчилгээ авдаггүй гэнэ лээ

Avatar

Зочин 2019-06-18 103.229.123.251

Ойлгомжтой ийм юман дээр цаг мөнгө барж байхаар Улсаар нь ийм байдалд оруулсан эмнэлэг барих газарыг зарж идсэн эсвэл эмнэлэг барих төсвийн мөнгийг нь хэдэн тэрбумаар нь хулгайлж идсэн авлигчдыг цээрлүүлэээээч

Avatar

mgl 2019-06-18 202.179.11.230

1-r emnelgiin emch, suvilagch, asragch nariin tsaline ers nemj ornii toog nemegduuleh heregtei baina. ted mash achaalaltai ajillaj baina. Mash sain emneleg, gadaadiin emch hurtel ingej helj baina lee. deerees ni eruul mendiin daatgaliin systemiig hurtel shinechilmeer baina. Emuud chanartai eseh ni tun erglzeetei baina. Asar tom biznes bolood baina. yum tom biznes bolohooroo l chanart ni asuudal uusdeg.

NewsMN Гар утасны хувилбар Татах
NEWS.mn

Мэдээллийн эх сурвалж