Бүгд найрамдах Киргиз улсын Бишкек хотноо зохион байгуулагдаж байгаа “Уулын аврах ажиллагаа”-ны дадлага сургуульд ОБЕГ, Үндэсний аврах бригад, Баян-Өлгий, Говь-Алтай, Завхан, Ховд, Увс аймгийн Онцгой байдлын газрын 11 алба хаагч оролцож байна.

Тус сургалт нь Онцгой байдлын ерөнхий газар, Бүгд Найрамдах Киргиз Улсын Онцгой байдлын яам хоорондын хамтын ажиллагааны хүрээнд зохион байгуулагдаж байгаа юм.

Киргиз улсын үндэсний аврагч бэлтгэдэг сургалтын төв болж буй тус сургалт энэ сарын 24-ныг хүртэл үргэлжилнэ гэж Онцгой байдлын ерөнхий газраас мэдээллээ.