Испанийн алдарт “Реал Мадрид” клубын удирдлагын бүтцэд ажиллаж байгаа алдарт хөлбөмбөгчин Зинедин Зидан “Ювентус”-ын хагас хамгаалагч Пол Погбагийн талаар өөрийн санаа бодлоо хуваалцжээ. 

Тэрбээр “Би Полыг гайхалтай тоглогч гэж боддог. Түүнд бүх чадвар бий.  Тэр гоол чадвартай, урд шугамд тоглох дуртай. Дээрээс нь ер бусын мэдрэмжтэй тоглогч. 

Олон клуб түүнийг сонирхож байгаа. Тэр дунд “Реал” ч бас бий. Мэдээж шилдэг тоглогчдыг том клубүүд үргэлж л авах сонирхолтой байдаг шүү дээ. Полын хувьд өсч яваа шилдэг тоглогч. Тийм болохоор сайн багт тоглох хэрэгтэй. Би түүнийг манай багт ирнэ гэдэгт найдаж байгаа” хэмээн ярьжээ.

Эх сурвалж: www.mminfo.mn