Төв аймгийн Баянхангай суманд  өчигдөр /2019.06.16/ 18.26 цагт  зам тээврийн ноцтой осол гарчээ. Тодруулбал, Архангай аймгаас Улаанбаатар хотын чиглэлд зорчиж явсан иргэн Э-гийн жолоодож явсан “Ланд крузер 200” загварын суудлын автомашин замын хажуу руу унасан байна. Машинд зургаан зорчигч явсан бөгөөд ослын улмаас  48 настай Э, 44 настай Г, 48 настай С, 36 настай О, долоон настай Б нар газар дээрээ нас  барж, 11 настай Е хүнд гэмтжээ. Аймгийн Онцгой байдлын газрын алба хаагчид таван хүний цогцсыг машинаас гаргаж, цагдаагийн байгууллагад, хүнд гэмтэлтэй 11 настай Е-г эмнэлгийн байгууллагад шилжүүлэн өгсөн байна.  Тус өдөр автозамыг үерийн улмаас хаасан ч зам товчлох гэж яваад дээрх харамсалтай хэрэг гарчээ.

Э.БУРАМ