3,428.91
Засгийн газрын ээлжит хуралдаан өнөөдөр 16.00 цагт товлогдсон бөгөөд үргэлжилж байна. Тус хуралдаанаар 20 асуудал хэлэлцэхээр төлөвлөсний дотор анхаарал татах хэд, хэдэн чухал асуудлыг багтаажээ. Тодруулбал, Тагнуулын байгууллагын тухай хуульд нэмэлт өөрчлөлт оруулах тухай хуулийн төслийг Хууль зүйн сайд Д.Дорлигжав хэлэлцүүлэх бол Түрээсийн орон сууц хөтөлбөрийн талаар Барилга хот байгуулалтын сайд Д.Цогтбаатар оруулах аж.
Мөн Хөшигийн хөндийд баригдаж байгаа “Чингис хаан” олон улсын нисэх онгоцны буудлын талаар авах арга хэмжээний тухай асуудлыг Зам тээврийн сайд Н.Төмөрхүү оруулах юм. Хөшигийн хөндийн олон улсын нисэх онгоцны буудлын эхний хэсгийг ирэх жил ашиглалтад оруулах төлөвлөгөөтэй ажиллаж байгаа.
Засгийн газрын хуралдаанаар хэлэлцэх асуудлын дарааллын дэлгэрэнгүйг дараах хүснэгтээс сонирхоно уу.
№ | Хэлэлцэх асуудал | Засгийн газрын гишүүн |
1. | “Хараагүй, харааны бэрхшээлтэй болон хэвлэмэл бүтээл унших хязгаарлагдмал чадвартай хүмүүст зориулан хэвлэн нийтлэгдсэн бүтээлийг хүртээмжтэй болгохыг хөнгөвчлөх тухай” Марракешийн гэрээг соёрхон батлах тухай хуулийн төсөл | У.ХҮРЭЛСҮХ |
2. | Хөрөнгө гаргах тухай | С.БАЯРЦОГТ |
3. | Ерөнхийлөгчийн Япон Улсад хийсэн айлчлалын дүнгийн тухай* | Л.ПҮРЭВСҮРЭН |
4. | Ерөнхий сайдын АНЭУ-д хийсэн айлчлалын дүнгийн тухай* | Л.ПҮРЭВСҮРЭН |
5. | Энэтхэг Улсын Ерөнхий сайдын айлчлалын дүнгийн тухай | Л.ПҮРЭВСҮРЭН |
6. | Болгар Улсын Ерөнхийлөгчийн айлчлалын дүнгийн тухай | Л.ПҮРЭВСҮРЭН |
7. | Монгол, Беларусийн Засгийн газар хоорондын комиссын хуралдааны тухай | Л.ПҮРЭВСҮРЭН |
8. | Монгол, Японы зөвлөлдөх уулзалтын тухай | Л.ПҮРЭВСҮРЭН |
9. | “Хөдөлмөр эрхлэх ур чадварыг дээшлүүлэх” төслийн зээлийн хэлэлцээр соёрхон батлах тухай | Ж.ЭРДЭНЭБАТ |
10. | “Монгол Улсын нэгдсэн төсвийн 2014 оны гүйцэтгэл, Засгийн газрын санхүүгийн нэгдсэн тайлан” Улсын Их Хурлын тогтоолын төсөл | Ж.ЭРДЭНЭБАТ |
11. | Хөгжлийн банкны тухай хуулийн төсөл* | Ж.ЭРДЭНЭБАТ |
12. | Хууль сахиулахын их сургуулийн талаар авах зарим арга хэмжээний тухай | Д.ДОРЛИГЖАВ |
13. | Тагнуулын байгууллагын тухай хуульд нэмэлт, өөрчлөлт оруулах тухай хуулийн төсөл* | Д.ДОРЛИГЖАВ |
14. | Монгол Улсын Ерөнхийлөгчийн санаачлан боловсруулсан Шүүхийн иргэдийн төлөөлөгчийн эрх зүйн байдлын тухай хуульд нэмэлт, өөрчлөлт оруулах тухай хуулийн төсөлд Засгийн газраас өгөх санал, дүгнэлтийн тухай* | Д.ДОРЛИГЖАВ |
15. | “Түрээсийн орон сууц” хөтөлбөрийн тухай | Д.ЦОГТБААТАР |
16. | Ой тэмдэглэх тухай* | Л.ГАНТӨМӨР |
17. | Газрын тосны тухай хуульд өөрчлөлт оруулах тухай хуулийн төсөл | Р.ЖИГЖИД |
18. | “Чингис хаан” олон улсын нисэх буудлын талаар авах зарим арга хэмжээний тухай* | Н.ТӨМӨРХҮҮ |
19. | Эрчим хүч хэмнэлтийн тухай хуулийн төсөл* | Д.ЗОРИГТ |
20. | Бусад асуудал* | Ч.САЙХАНБИЛЭГ |
Танилцуулах асуудал
| ||
21. | Сангийн сайдын гадаад томилолтын тухай | С.БАЯРЦОГТ |
22. | Мьянмар Улсын гадаад хэргийн сайдын айлчлалын дүнгийн тухай | Л.ПҮРЭВСҮРЭН |
23. | Сангийн сайдын гадаад томилолтын дүнгийн тухай | Ж.ЭРДЭНЭБАТ |
Г.ДАРЬ
