Оюутолгойн хувь заяаг Б.Баттөмөр, Г.Тэмүүлэн, Х.Болорчулуун нар шийднэ | News.MN

Оюутолгойн хувь заяаг Б.Баттөмөр, Г.Тэмүүлэн, Х.Болорчулуун нар шийднэ

Оюутолгойн хувь заяаг Б.Баттөмөр, Г.Тэмүүлэн, Х.Болорчулуун нар шийднэ

Оюутолгойн хувь заяаг Б.Баттөмөр, Г.Тэмүүлэн, Х.Болорчулуун нар шийднэ

УИХ-аас  өнгөрсөн жил Оюутолгой гэрээний хэрэгжилт болон Монголд ашигтай  гэрээ болсон эсэхийг шалгаж нягтлах ажлын хэсгийг  байгуулсан билээ. Ажлын хэсэг бүтэн жилийн турш ажилласны эцэст  шалгалтын дүгнэлтийг 14 хоногийн өмнө УИХ-ын Эдийн засгийн байнгын хороогоор танилцуулсан. УИХ-ын гишүүдийн олонх  нь ажлын хэсгийн дүгнэлтийг УИХ-аар хэлэлцүүлэх шаардлагатай гэдгийг хэлж буй. Гэвч өнөөдрөөс эхлэн УИХ Үндсэн хуульд нэмэлт, өөрчлөлт оруулах хуулийн төслийг хэлэлцэх эхлэх тул Оюутолгой шалгалтын дүгнэлт тодорхой үр дүнд хүрэхгүй байх нөхцөлд хүрээд буй.

Ажлын хэсгээс гарсан дүгнэлтэд тулгуурлан Засгийн газарт чиглэл өгөх тогтоолын төсөл боловсруулах ажлын хэсгийг саяхан УИХ-ын даргын захирамжаар шинээр байгуулсан.  Уг ажлын хэсэгт Эдийн засгийн байнгын хороо, Хууль зүйн байнгын хорооны гишүүд хамтарч ажиллах бөгөөд ахлагчаар нь УИХ-ын гишүүн Б.Баттөмөр томилогдсон. Гишүүдээр нь УИХ-ын гишүүн Х.Болорчулуун, Г.Тэмүүлэн нарын  бусад гишүүд ажиллана. Тус ажлын хэсэг Оюутолгойтой холбоотой шалгалтын дүгнэлтүүдийг нэгтгэж,   төслийг цаашид хэрхэх тухай тогтоолын төслийг боловсруулах учир хариуцлагатай, шуурхай ажиллахыг УИХ-ын дарга Г.Занданшатар даалгасан.

Ажлын хэсгийн гишүүн Х.Болорчулууны хувьд Дубайн гэрээг шүүмжилдэг гишүүдийн нэг бөгөөд Дубайн гэрээ Оюутолгой төслийн гэрээг улам дордуулсан. Дубайн гэрээ  бол гэрээ биш, ажлын төлөвлөгөө. Рио-Тинто хөрөнгө оруулагч компани бус харин мөнгө хүүлэгч компани. Бид энэ компанийг хөрөнгө оруулагч гэж дөвийлгөх  ч хэрэггүй" гэж  тэрбээр хэлдэг. Харин УИХ-ын гишүүн Г.Тэмүүлэнгийн тухайд  хоёр тал хэлэлцээрийн ширээний ард сууж гэрээг сайжруулах ёстойг хэлсээр ирсэн. Тэрбээр  Дубайн гэрээг байгуулах үед Оюутолгой компанийн ТУЗ-д ажиллаж байсан бөгөөд   2015 оны зургаадугаар сард буюу  Дубайн гэрээг байгуулахаас сарын өмнө УИХ-ын намын  бүлгүүд, ҮАБЗ-д Дубайн гэрээний талаар нууц танилцуулга хийж байсан. Тэрбээр энэ тухайгаа “Тухайн үед Монголчууд бүгд нэгдэж чадаагүй. Өнөөдөр дахин энэ алдааг бүү гаргаасай гэж хүсч байна” хэмээн хэлж байв.

Ямартаа ч  хоёрдахь ажлын хэсгээс Оюутолгойн хувь заяа шийдэгдэнэ. Түүнчлэн “Энэ сард багтаан Оюутолгойн хэргийг шүүхийн байгууллагад шилжүүлнэ” гэдгийг АТГ-ын дарга З.Дашдаваа өчигдөр /2019.06.13/ чуулганы хуралдаанд оролцох үеэрээ хэлсэн. Оюутолгой төслөөс "Рио-Тинто" компани 2017 онд 744 сая ам.долларын өгөөж хүртсэн бол Монгол Улс 175 сая ам.долларын ашиг хүртсэн  болох нь ажлын хэсгийн дүгнэлтээс гарсан билээ. Мөн  Монгол Улс  Рио-Тинто компанид 1 тэрбум 79 сая ам.долларын өрөнд орж,  хүү нь 541 сая ам.доллар болж өссөөр байгаа юм.

 

"Болор дуран"-аар шалгав.
Энэ мэдээнд өгөх таны сэтгэгдэл?
3
БурууБуруу
2
ЗөвЗөв
2
ХахаХаха
1
ГайхмаарГайхмаар
1
ХарамсалтайХарамсалтай
1
ТэнэглэлТэнэглэл
0
ХөөрхөнХөөрхөн
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-06-14 64.119.17.195

Багабанди хаана байна? ТУЗ-д нь сууж байж ус залгисан мэт байх юм.

Avatar

Зочин 2019-06-14 202.55.191.131

haha ochij ochij ene 3 uu daa

Avatar

Зочин 2019-06-14 202.179.31.96

Улс ороноо гадаадын нэг уурхайчингаар удирдуулаад хэдэн жил ч боловдоо хэрэв Монголд ашиг гарахгүй юм бол буцаагаад булчих хойч үед хэрэгтэй.

Avatar

зочин 2019-06-14 73.162.145.196

солиорч байгаа юм шүү, баялагийнх нь эзэд өрөнд ороод л харин ухаж олборлож байгаа тал нь ашиг хүртээд л. Гэрээг цуцлах нь туйлын зөв, уул нь энэ шалгагдаж байгаа цагаан захтнуудын авилга авсан тогтоогдчихвол гэрээг цуцлах бүрэн үндэслэл болно л доо

Avatar

Зочин 2019-06-14 49.0.212.239

Хэлтэй устай боловсролтой нь тэгээд ийм тэнэг гэрээ хийгээ биздээ.

Avatar

Зочин 2019-06-14 202.9.45.224

Нийтдээ Монголын компани, аж ахуйн нэгжүүд 1,9 тэрбум долларын бараа нийлүүлэх, ажил үйлчилгээ үзүүлэх,туслан гүйцэтгэх гэрээ байгуулж төлбөрөө авцгаасан гэж байгаа ! Рио тинто той гэрээ байгуулж бараа нийлүүлэх, ажил үйлчилгээ үзүүлсэн бүх аж ахуйн нэгж компаниуд бүгд тухайн үзийн УИХ ын гишүүд сайд дарга нарын хамаарал бүхий бсн ба гэрээ байгуулж төлбөрөө авцгаасан нь боловсон хахууль л байсан юм !

Avatar

Зочин 2019-06-14 202.131.225.150

Болорчулуун гэж шантаажчин нөхрийг Ажлын хэсгээс яаралтай гарга, наадах чинь Оюутолгойд шахааны бизнес хийх гэж орж байгаа юм. Өмнөх засаг буюу АН-ын Алтанхуягын шатаажилж 10% Даваасүрэнтэй хамт Монросцветмет, ИНЕГ-ыг, Эрдэнэбатыг шантаажилж ЖДҮ-гээс тэрбумыг, одоо Хүрэлсүх сайдыг шантаажилж Оюутолгойн Ажлын хэсэгт орж байна.Монголын төр Даваасүрэн, Болорчиууун, Тэрбиш нарын шантаажнаас салах хэрэгтэй дээ.

Avatar

Төгөлдөр 2019-06-14 202.55.191.131

мөнгөө хэн нь гаргаж байгаа вэ? Монгол улсад жил бүр 300 сая давсан татвар төлж байгаа, Далд уурхай ашиглалтад орохоор энэ хэмжээ 2 дахин нэмэгдэнэ. Энийг л ойлгох хэрэгтэй.

Avatar

Зочин 2019-06-14 202.55.188.37

Тэмүүлэн гэж ашиг сонирхлын зѳрчилтэй залуу улс орны хувь заяаг дэнслэх биш ѳѳрѳѳ саналаараа огцрох ёстой хүн. Түүний эцэг Ганзориг Сугар, Батхүү нартай хамтран Эрдэнэтийг барьцаалан босгосон зээлээс намдаа хандив босгож ѳгсѳн хүн. Шанд нь хүүгээ улстѳрд гаргаж тэрбумтан болсон. Энэ одоо тэгээд ариун явдал л юм байх л даа.

Avatar

БОСОО ХӨХ МОНГОЛ 2019-06-14 139.28.216.34

Эцэг Ганзориг нь Эрдэнэтийг тавиад туух шахсан. Одоо хүү нь Оюутолгойг Хятдуудад өгөх нь. Энэ 2 т Монголчууд ямар өртэй юм бэ?

Avatar

Зочин 2019-06-14 202.9.45.36

О.Т-н гэрээг цуцлах нь ирээдүйд ашигтай.ТҮ-ээр явуулж буй О.Т-н тархи угаасан рекламыг даруй зогсоо. Тэнд ажиллах цөөхөн монголчуудцалингаа ч шударга авч чадархгүйамь зогоох төдийхнөөр эх орноо "сүйтгэж"хэрэггүй гэдгээ ойлго.""Өнөөдрийн өөхнөөс маргаашийн уушиг дээр"гэдэг шүү.Ухаарцгаа.

Avatar

МАН 2019-06-14 202.126.89.206

х****а мал минь, хятадын гар хөлүүд больж үз

Avatar

иргэн 2019-06-14 202.131.227.82

Энэхүү асуудалд сэтгэлийн хөөрлөөр бус нухацтай хандах нь зөв байх. энэхүү гэрээ нь монгол улсын хувьд анх удаа хийгдсэн томоохон гэрээ гэж ойлгодог. Үүнд алдсан, оносон зүйл ч байгаа байх. хүчингүй болгох гэхээсээ сайжруулах боломжийг хайх нь зөв юм болов уу.

Avatar

Зочин 2019-06-14 182.160.1.68

Хэл усгүй Болорчулуун гэгч боловсролгой новшоор юү кийнээ? Оютолгойгоороо оролдож Монголоо онхолдуулж магадгүй хэрүүлийн өвчтэй Болорчулуунаас өөр нөхөр алга уу?

Avatar

Зочин 2019-06-14 150.129.143.110

Болорчулуун гурилнаас өөр юм мэдэхгүй ээ. Өөр олигтой хүн алга уу

Avatar

zochin 2019-06-14 43.242.243.26

ter bayar , saykhanbileg khognuudyg tsaazalkhad rio tinto kheleltseend suukhguy khaachdag yum be

Avatar

иргэн 2019-06-14 103.9.89.103

өгөх ёстой татваруудаа өгч чадахгүй бол монголоос зайлсан нь дээр. оронд нь хятадууд орж ирнэ л биз. хятадууд татвараа арай л дээр өгөх биз…

Avatar

Иргэн 2019-06-14 202.55.188.39

Хятадууд татвар өгөх байх аа. Гэхдээ маш бага үнээр тооцож төлнө. Зөрүүг нь манай томчууд завшина. Эрдэнэтийн араас орно. Эрдэнэт үнээ нуудаг. Дарга нар нь завшдаг

NewsMN Гар утасны хувилбар Татах
NEWS.mn

Мэдээллийн эх сурвалж