Монгол Улсын шигшээ багийн өмсгөл 2017 оны ФИБА 3х3 Ази тивийн аварга болсон амжилтаараа Олон Улсын сагсан бөмбөгийн холбооны музейд энэ сарын 13-ны өдөр байршууллаа. Сарын өмнө тодорхой болсон байсан ч өчигдөр албан ёсоор Монгол Улсын шигшээ баг Дэлхийн аваргад орох бүрэн бүрэлдэхүүнээрээ ФИБА оффист зочлон, ФИБА музейд шигшээ багийн өмсгөлөө ёслол төгөлдөр байршуулжээ.

Зөвхөн аварга багуудын өмсгөл музейд байршдаг бөгөөд Монголчууд аваргуудын эгнээнд нэгдэж музейд мөнхөрлөө. FIBA 3×3 Насанд хүрэгчдийн Дэлхийн аварга Недерландын Амстердам хотноо энэ сарын 18-23-ны хооронд болох бөгөөд манай эмэгтэй, эрэгтэй тамирчид оролцох юм.