Москвад 500 гаруй хүнийг баривчлав | News.MN

Москвад 500 гаруй хүнийг баривчлав

Москвад 500 гаруй хүнийг баривчлав

Москвад 500 гаруй хүнийг баривчлав

ОХУ-ын цагдаагийн байгууллага сэтгүүлчийг барьж хорьсонтой холбогдуулан лхагва гаригт Москвад эсэргүүцлийн жагсаал болжээ. Тус жагсаалд оролцсон сөрөг хүчний удирдагч Алексей Навальный тэргүүтэй 500 гаруй хүнийг саатуулсан байна. Цагдаагийн байгууллагаас 200 гаруй хүнийг саатуулсан хэмээн албан ёсоор мэдээлжээ.

Өдгөө 36 настай, сэтгүүлч Иван Голунов Москва хотын удирдлагатай холбоотой авлигын хэргийг ил болгосон бөгөөд цагдаа нар түүнийг мансууруулах төрлийн бодис хадгалсан хэргээр баривчилсан билээ.

“Ройтерс” агентлагийн мэдээлснээр, Москва хотын төвд болсон эсэргүүцлийн жагсаалд нийт 1000 гаруй хүн оролцож, “Орос улс чөлөөтэй байх ёстой”, “Путингүй Орос” зэргээр уриалж, тус улсын өдөр тутмын гурван сонин энэ тухай онцолсон байна.

OVD-info хяналт шинжилгээний бүлгээс мэдээлснээр, ОХУ-ын цагдаагийн байгууллагаас нийт 513 хүнийг баривчилсны дотор нэртэй сэтгүүлчид, идэвхтнүүд байжээ.

ОХУ-ын хуулиар нэгээс олон хүнийг хамарсан жагсаал цуглаан хийхдээ эрх бүхий байгууллагатай цаг хугацаа, газраа урьдчилан тохиролцох шаардлагатай аж. Жагсагчдын мэдээлснээр, хотын удирдлага жагсагчдад зөвшөөрөл олгоогүй байна.

“Ройтерс” агентлагт нэгэн гэрч мэдээлэхдээ, баривчлах хүмүүсийн нэрийн жагсаалтад нэр нь байсан Алексей Навальныг гурван цагдаа цагдаагийн машиндаа суулгасан гэжээ. Навальный твиттер хуудастаа лхагва гаригийн орой цагдаа нар түүнийг дээрх жагсаалыг зохион байгуулсан хэмээн буруутгасан талаар жиргэсэн байна.

Жагсагч, 28 настай Иван хэлэхдээ “Голуновыг сулласан нь ялалт биш. Энэ нь эрх баригчдын өнөөдөр эмх замбараагүй байдал үүсэхээс сэргийлсэн тактикийн алхам байлаа” гэжээ.

“Медуза” сэтгүүлийн сэтгүүлч Иван Голунов Москвагийн захирагчийн орлогч Петр Бирюковын нууц хөрөнгийн талаарх мэдээллийг ил болгосон билээ. Түүнийг байцаахдаа Оросын цагдаа нар хүч хэрэглэн зодсон бөгөөд эмнэлэгт хүргэсэн тухай ч мэдээлэл бий юм.

Оросын Дотоод хэргийн яамнаас анх дэлгэсэн Иван Голуновыг баривчилж буй видео бичлэгийн есний нэг нь хожмын монтаж байснаа ч хүлээн зөвшөөрсөн аж. Үүнээс гадна цагдаа нар Иван Голуновын гэрт эхлээд мефедрон гэх бодис илрүүлсэн хэмээн мэдэгдсэн ч сүүлдээ таван грамм кокаин олсон болж хувирчээ.

Эх сурвалж: THE REUTERS

"Болор дуран"-аар шалгав.
Энэ мэдээнд өгөх таны сэтгэгдэл?
5
ЗөвЗөв
4
ТэнэглэлТэнэглэл
2
ГайхмаарГайхмаар
2
ХарамсалтайХарамсалтай
0
ХахаХаха
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Өнөрөө 2019-06-13 103.26.194.72

АНУ агуу оросыг дотороос үймээн самуун гаргах, тогтворгүй байдал үүсгэх,хагаралдуулах эцсийн дүндээ дэрхийг захирах,тонон дээрэмдэхииг л хүсч байгаа.

Avatar

Зочин 2019-06-13 202.9.43.139

Монголчууд Путинг дэмжих хэрэгтэй. Тэр хүн Монголд ээлтэй байдаг.Буш монголд талтай байсан бол сагсуу Трамп монголыг огт тоодоггүй.Бусад орон дотооддоо яах нь бидэнд огт падгүй

Avatar

Зочин 2019-06-13 202.9.43.139

Зөв зөвХоёр хөрш минь дэгтэнй л байвал манайд ашигтай

Avatar

болдоо 2019-06-13 202.126.88.212

дарангуйлагч цуст путины нүүр царай нь энэ л дээ … адгийн балиар коммунист, путиныг цааш нь тонилговол таарна

Avatar

zochin 2019-06-13 49.0.212.97

Бүгдийг нь баривчлаад эрүүдэн шүүчихээсэй

Avatar

stydi 2019-06-13 202.131.245.170

manai mongol stydin zalu monuu ho yu hiij moskwad zyrag awj ywdag noxor we balaie n

Avatar

Зочин 2019-06-13 66.181.177.53

Алексей Навальный гэж байнга л баривчлагдаж байдаг мятрагшгүй Жюля байна аа.

Avatar

Лорос 2019-06-13 180.149.96.90

Манай Путинчүүд, авгай их Орос орон минь гэж уйлагнахаа больжээ. Танай Орос иргэдээ ингэж байна

Avatar

Зочин 2019-06-13 146.115.163.21

Manai augaa ih oros orniig magtan duulagch putinchuud iim alialagchid barigdsand bayarlana uu gehees you gej uilah ve dee huuhdee

NewsMN Гар утасны хувилбар Татах
NEWS.mn

Мэдээллийн эх сурвалж