Аймгуудын наадам долдугаар сарын 4-28-ны хооронд болно | News.MN

Аймгуудын наадам долдугаар сарын 4-28-ны хооронд болно

Аймгуудын наадам долдугаар сарын 4-28-ны хооронд болно

Аймгуудын наадам долдугаар сарын 4-28-ны хооронд болно

Засгийн газрын өнөөдрийн хуралдаанаар аймаг, орон нутгаас ирсэн хүсэлтийг харгалзан Баян-Өлгий, Говьсүмбэр, Дорнод, Дорноговь аймгийн баяр наадмыг 2019 оны долдугаар сарын 27, 28-нд зохион байгуулахаар шийдвэрлэлээ. Харин бусад аймгийн хувьд,

  • Сэлэнгэ аймгийн баяр наадам долдугаар сарын 4,5-нд,
  • Өмнөговь аймгийнх долдугаар сарын 6, 7-нд,
  • Дундговь, Өвөрхангай аймгийнх долдугаар сарын 8, 9-нд,
  • Төв аймгийнх долдугаар сарын 8-10
  • Баянхонгор, Сүхбаатар, Хөвсгөлийнх долдугаар сарын 9-10
  • Архангай, Булган, Говь-Алтай, Дархан-Уул, Завхан, Орхон, Увс, Ховд, Хэнтийн аймгийн баяр наадам долдугаар сарын 10, 11-нд болно.

Засгийн газрын тогтоолоор хурдан морины бүсийн уралдааны 2019 оны хуваарийг баталж, Төвийн бүсийн зуны уралдааныг Говьсүмбэр аймагт, Хангайн бүсийн уралдааныг Хөвсгөл аймагт, баруун бүсийн уралдааныг Баян-Өлгий аймагт, Зүүн бүсийн уралдааныг Дорнод аймагт, Говийн бүсийн уралдааныг Өмнөговь аймагт долдугаар сарын 27, 28-нд зохион байгуулахаар шийдвэрлэсэн. Үүнтэй холбогдуулан аймгийн баяр наадмаа бүсийн зуны уралдаантай хамтатгах саналыг Баян-Өлгий, Говьсүмбэр, Дорнод аймгийн удирдлагаас тавьсан байна.

Үндэсний их баяр наадмыг зохион байгуулах хорооны бүрэлдэхүүнийг баталлаа

Мөн тус хуралдаанаар Үндэсний их баяр наадмыг зохион байгуулах хорооны бүрэлдэхүүнийг баталлаа. Тус хороо 36 хүний бүрэлдэхүүнтэй байсан бол 29 болж байна. Тус хороог Монгол Улсын Шадар сайд даргалж, Нийслэлийн Засаг дарга бөгөөд Улаанбаатар хотын захирагч дэд даргаар нь ажиллах бөгөөд Үндэсний их баяр наадмыг зохион байгуулах хороо нь есөн салбар хороотой байх аж.

Тодруулбал, Үндэсний бөхийн салбар хороог Хууль зүй, дотоод хэргийн яамны Төрийн нарийн бичгийн дарга, хурдан морины салбар хороог Батлан хамгаалах яамны Төрийн нарийн бичгийн дарга, үндэсний сурын салбар хороог Байгаль орчин, аялал жуулчлалын дэд сайд, шагайн харвааны салбар хороог Зам, тээврийн хөгжлийн яамны Төрийн нарийн бичгийн дарга,  урлаг, соёлын арга хэмжээний салбар хороог БСШУС-ын дэд сайд, төрийн ёслол, үйлчилгээний салбар хороог Гадаад харилцааны яамны Төрийн нарийн бичгийн дарга, хэвлэл мэдээлэл, сурталчилгааны салбар хороог ЗГХМОНХХ-ийн дарга,  тохижилт, засвар, үйлчилгээний салбар хороог Улаанбаатар хотын Ерөнхий менежер бөгөөд Захирагчийн ажлын албаны дарга,  хэв журмын салбар хороог Цагдаагийн ерөнхий газрын дарга ахалж ажиллана.

"Болор дуран"-аар шалгав.
Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

tsog 2019-06-12 202.55.191.130

end tendehiin sumiin naadmiig aimag ulsiin tsoltnuud tvvgeed yawahgvi sumiin zaluuchuud hoorondoo yas vzej garch ireh bh aimagt mun adilhan chadwartai ni ulsdaa vzdeg yum bga biz basal busd yas vziin sh de

Avatar

zochin 2019-06-12 202.55.191.130

bvh naadmiig neg udur bolgowol nairaa budilaan bagasah bh

Avatar

Бигэр 2019-06-12 202.9.42.165

Монгол улс нэгдсэн улс учир хуулиа баримтлаад 7-р сарын 11, 12- нд наадамаа хийгээч байнга хууль зөрчих юм. Монгл улсад төргүй болжээ.

NewsMN Гар утасны хувилбар Татах
NEWS.mn

Мэдээллийн эх сурвалж