Хар тамхины хэрэгт холбогдсон Оросын сэтгүүлч суллагджээ | News.MN

Хар тамхины хэрэгт холбогдсон Оросын сэтгүүлч суллагджээ

Хуучирсан мэдээ: 2019.06.12-нд нийтлэгдсэн

Хар тамхины хэрэгт холбогдсон Оросын сэтгүүлч суллагджээ

Хар тамхины хэрэгт холбогдсон Оросын сэтгүүлч суллагджээ

Оросын эрэн сурвалжлах сэтгүүлч Иван Голуновыг хууль бус мансууруулах бодис худалдахыг завдсан хэрэгт буруутган Москва хотноо баривчилсан талаар бид мэдээлсэн. Тэгвэл түүнд тулгасан хэргийг нотлох баримт хангалтгүй гэсэн шалтгаанаар өчигдөр /2019.06.11/ хэрэгсэхгүй болгож, гэрийн хорионоос сулласан байна.

Тус улсын хэвлэл мэдээллийнхэн Голуновыг хийсэн ажлаас нь болж, өс хонзонгийн сэдэлтэйгээр хорьж саатуулсан гэж үзэн, түүнийг даруй суллахыг шаардаж байсан ба суллагдах үеэр Москвагийн мөрдөн байцаах газрын үүдэнд түүнийг дэмжигчид олноороо цугларсан байв.

Голуновын хэргийг нотлох баримт хангалтгүй байхад хүчээр хорьж, хэрэг тулгах гэсэн хэмээн түүний хэрэг дээр ажиллаж байсан цагдаа нарыг албан тушаалаас нь буулган, өөрсдийг нь шалгаж эхэлжээ. ОХУ бол хэвлэлийн эрх чөлөөгөөр дэлхийд доогуур бичигддэг улс юм.

Сэтгүүлч Голуновыг баривчлах үеэр цагдаа нар түүнийг гэмтээж эмнэлгийн тусламж авахад хүргэсэн төдийгүй 24 цагийн турш нойр хоолгүй байцаасан гэнэ. Мөн тэрбээр Латвид төвтэй Медуза агентлагийн сэтгүүлч бөгөөд түүнийг баривчлахаас өмнө удаа дараа заналхийлж байсан хэмээн өмгөөлөгч мэдээлжээ. Голуновыг баривчлахдаа цагдаа нар өөрсдөө гэрт нь нууцаар хар тамхи байрлуулсан байж болзошгүй байгаа талаар өмгөөлөгч нь мэдэгдэж байсан юм.

Эх сурвалж:BBC

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж