Италийн “Верона” клуб багийнхаа довтлогч Лука Тонитой гэрээгээ сунгажээ.

Өдгөө 38 настай ахмад довтлогчтой 2016 он хүртэл нэг жилийн гэрээ байгуулжээ. Өнгөрсөн улиралд Лука Тони Сери А лигийн 38  тоглолтод бүгдэд нь оролцож, 22 гоол оруулж, “Интер”-ийн довтлогч Мауро Икардигийн хамтаар мэргэн буучийн жагсаалтыг тэргүүлсэн юм. 

Ингэснээр тэрбээр хамгаалалтаараа алдартай Италийн лигт хамгийн өндөр настайдаа мэргэн бууч болсон тоглогчоор тодорсон билээ.

Тиймдээ ч “Верона” клуб шилдэг довтлогчоо насыг нь үл тоон нэг жилийн хугацаанд авч үлдэхээр болоод байна.

Н.БОЛД

Эх сурвалж: www.mminfo.mn