ТОМИЛОЛТ: МАК-ийн "Хаалга, цонхны үйлдвэр" үүдээ нээлээ | News.MN

ТОМИЛОЛТ: МАК-ийн "Хаалга, цонхны үйлдвэр" үүдээ нээлээ

ТОМИЛОЛТ: МАК-ийн "Хаалга, цонхны үйлдвэр" үүдээ нээлээ

ТОМИЛОЛТ: МАК-ийн "Хаалга, цонхны үйлдвэр" үүдээ нээлээ

Хувийн хөрөнгө оруулалтаар дэлхийн барилгын стандартыг хангаж чадсан нэгэн үйлдвэр үүд хаалгаа нээлээ. Тодруулбал,  МАК компани Төв аймгийн Сэргэлэн суманд эдийн засагт хэмнэлттэй, эрүүл мэнд, байгаль орчинд сөрөг нөлөөгүй европ стандартыг хангасан цонх, хаалга, шилэн фасадны  үйлдвэр байгуулснаа өнгөрсөн Баасан гаригт нээсэн юм. Тус компани ХБНГУ-ын “Aluplast” компанийн “Aluplast” брэндийн хуванцар цонх, хаалгыг анх удаа үйлдвэрлэн зах зээлд нийлүүлж эхэллээ.

Үйлдвэрийн нээлтэд Монгол Улсын ерөнхийлөгч асан Н.Багабанди, Монгол Улсын Ерөнхий сайд асан Д.Содном, Монгол Улсын Ерөнхийлөгчийн Тамгын газрын дарга асан П.Цагаан, Барилга хот, байгуулалтын дэд сайд Б.Мөнхбаатар болон гадна, дотоодын зочид төлөөлөгчид оролцоо.

Уг үйлдвэрийг байгуулахад нийт 9.6 сая ам.долларын хөрөнгө оруулсан бөгөөд МАК компани өөрийн хөрөнгөөр уг үйлдвэрээ байгуулсан байна. 7000 мкв талбай бүхий уг үйлдвэр үндсэн гурван хэсэгтэй. Модон цонх, хаалга үйлдвэрлэх хэсэг, шил боловсруулах, хөнгөн цагаан, фасад үйлдвэрлэх хэсгээс  тус тус  бүрдэнэ.

Үйлдвэрийн  давуу тал бол европын технологийг Монголд нэвтрүүлж буй нь. Хамгийн сайн чанарын модыг Сибирээс авчирч боловсруулан дээд зэргийн чанартай Евро стандартын цонх, хаалгыг үйлдвэрлэнэ гэдгийг  компанийн удирдлагууд онцолсон. Австри, Германы бүрэн автомат тоног төхөөрөмжийг ашиглаж, жилдээ зургаан мянган мкв цонх, хаалгыг үйлдвэрлэх хүчин чадалтай. Ингэснээр дотооддоо сайн чанарын барилгын материалыг хямд үнээр борлуулах боломж бүрдэнэ. Барилгын компаниуд энэ төрлийн бүтээгдэхүүнээ гаднаас авахаа бууруулснаар барилгын материалын үнэ буурна. Материалын үнэ буурснаар  дагаад барилга орон сууцны үнэ ч буурах сайн талтай юм.

ҮЙЛДВЭР АШИГЛАЛТАД ОРСНООР ХААЛГА, ЦОНХНЫ ИМПОРТ БУУРНА

Аж үйлдвэрийн дөрөв дэх хувьсгалын хүрээнд байгуулагдсаар ирсэн өндөр автоматжуулалт бүхий МАК-ийн үйлдвэрүүд өөр өөрийн онцлогтой төдийгүй Монгол Улсын эдийн засагт эерэг өөрчлөлт авчирсан билээ.  МАК-ийн барилгын материалын бүтээгдэхүүнд нь түүхий эдээсээ эцсийн бүтээгдэхүүн хүртэл бүрэн автомажсан технологийн дамжлагаар хийгддэг бөгөөд түүхий эдийн орц, найрлагыг хүний хүчин зүйлээс хамаарахгүйгээр робот лабортиараа үйлдвэрлэдгээрээ мөн онцлог.

Тэгвэл шинэхэн нээгдсэн тус үйлдвэр нь ч материалын орц найрлага, технологийн шугам, дамжлага нь бүрэн автомат. Өөрөөр хэлбэл, үйлдвэрлэлд нь хүний оролцоо бага, компьютероор удирдах юм байна. Гаднын ямар нэгэн хүчин зүйл, хүний үйл ажиллагаанаас болж үйлдвэрлэлд алдаа гарахгүй аж. Цаг агаарын эрс тэс нөхцөлтэй, барилгын ажлын улирал богинотой манай орны хувьд цаг хугацаа, хүний хөдөлмөрийг хэмнэх шинэ боломжийг олгож байгаагаараа давуу талтай юм. Захиалагч бүтээгдэхүүнийг хүссэн хэмжээгээр сонгох боломжтой аж.

МАК-ИЙН БОДЛОГЫН ЗӨВЛӨЛИЙН ДАРГА Б.НЯМТАЙШИР:

-Монгол Улс өнөөдөр барилгын материалынхаа 50 орчим хувийг гаднаас авч байна. Иймд барилгын материалын худалдан авалтад зориулагдсан, гадаад валютын урсгалыг багасган эх орондоо өндөр чанартай бүтээгдэхүүнийг үйлдвэрлэх бодлого, зорилтыг МАК  тавьж  ажилладгийн хувьд Евро стандартын цонх, хаалганы үйлдвэрээ нээж байгаад баяртай байна. Евро стандартын цонх, хаалга, шилэн фасад нь  хүний эрүүл мэнд болон байгаль орчинд эерэг нөлөөтэйгөөс гадна дулаан, дуу тусгаарлагч сайтай, зүсэлтийн өндөр нарийвчлалтай зэрэг олон давуу талтай учир зах зээлийн эрэлт хэрэгцээнд бүрэн нийцнэ. Хамгийн сүүлийн үеийн өндөр автоматжуулалт бүхий тоног төхөөрөмжөөр жилдээ 30 мянган мкв хаалга, цонх, шилэн фасад үйлдвэрлэх хүчин чадалтай үйлдвэрийг ашиглалтад орууллаа. Бүтээгдэхүүн манай орны байгалийн эрс тэс уур амьсгалд бүрэн зохицсон угсарч, суурилуулалтын цаг хугацааг хэмнэсэн Евро стандартын шаардлагыг хангасан хийц, загварын өргөн сонголттой гэдгээрээ онцлог. Цаашид эрх орныхоо  эрдэс, түүхий эдийг ашиглаж барилгын интерьер, гоёл чимэглэлийн хавтан үйлдвэрлэх зэрэг 2-3 жижиг үйлдвэрийн төсөл хэрэгжүүлэхээр зорилтоо бид тодорхойлсон. МАК-чуудын үйлдвэрлэсэн хаалга үүдээр үргэлж эрч хүч, энерги, баяр баясгалан орж, МАК-чуудын үйлдвэрлэсэн цонхоор мөнхөд гэрэл гэгээ цацарч байхын ерөөлийг дэвшүүлье.

МАК-ИЙН ТӨСЛИЙН УДИРДЛАГЫН ГАЗРЫН ЗАХИРАЛ П.ТЭМҮҮЛЭН:

-Хамгийн сайн чанарын модыг Сибирээс авчирч боловсруулан дээд зэргийн чанартай Евро стандартын цонх, хаалгыг бид үйлдвэрлэнэ. Монголчууд модон цонхыг гаждаг, хэрэглээний явцад гацах асуудал тулгардаг гэсэн ойлголттой байдаг. Тэгвэл энэ ойлголтыг халж байгальтайгаа ойртох модон цонх, хаалгыг Монголынхоо хэрэглэгчдэд хүргэхээр үйлдвэрээ нээж байна. Автомат төхөөрөмж нь шилийг хэрэглэгчийн хүссэн хэмжээ, дүрсийн дагуу зүсч бүрэн автомат шугамаар боловсруулж битүүмжилдэг. Манай бүтээгдэхүүнүүд зах зээлд өрсөлдөхүйц үнээр борлуулагдана.

МАК-ИЙН ХААЛГА, ЦОНХ ХИЙЦ, ЗАГВАРЫН ӨРГӨН СОНГОЛТТОЙ

 БАРИЛГА ХОТ БАЙГУУЛАЛТЫН ЯАМНЫ ДЭД САЙД Б.МӨНХБААТАР:

-Барилгын материалын өнөөгийн хөгжилд МАК Евро стандарт, чанарыг нэвтрүүлсэн үйлдвэр  ашиглалтад оруулж байгаад баяртай байна.  МАК-ийн хаалга, цонхны үйлдвэр ашиглалтад орсноор шууд болон шууд бусаар барилгын салбар, хот төлөвлөлтөд томоохон нөлөөтэй. Улаанбаатар хотын дагуул хотуудад аж үйлдвэрийн бүсийг бий болгох нь ажлын байрыг бий болголоо.Өнөөдөр тулгамдсан агаарын бохирдлын хүрээнд дулаан алдагдал, эрчим хүчний өндөр хэрэглээ,  хүлэмжийн хийг багасгах барилгын материал үйлдвэрлэх нь бидний амьдралын чанарт эергээр нөлөөлнө.

 МОНГОЛ УЛСЫН ЕРӨНХИЙЛӨГЧ АСАН Н.БАГАБАНДИ:

-1950-аад онд  манай хөршүүд эсгий үүдтэй байсан. Тэр үед ганц нэг модон хаалга нэвтэрч, модон хаалгатай айл чинээлэг, орчин үеийн айлын тоонд ордог байв.  Эсгий  үүднээс  модон хаалга руу тэр дундаа европын стандартыг эх орондоо нэвтрүүлж буй баярт үйл явдалд оролцож, улс орныхоо хөгжлийн нэгээхэн хэсгийг тольдон харж байгаад баяртай байна. Өөдлөх айл үүднээсээ гэдэг. Европ стандартыг Монголд нутагшуулах технологийг дамжуулж байгаа МАК-ийн хамт олонд халуун баяр хүргэе. Энэ технологийг нэрвүүлснээр дулааны алдагдлыг багасгаж, соёлын төвшин нэмэгдэж, хүний ахуйн соёл, амьдрах орчин, сэтгэл санааны таашаал бүгд дагалдах болно. Энэ сайхан үйлийг хийж байгаа хөдөлмөрч, бүтээлч хамт олны ажил үйлс нь улам өөдрөг байх болтугай. Шинэ шинэ зүйлийг Монголдоо нэвтрүүлээрэй, шинэ шинэ технологийг гаднаас авчраарай, олон олон хүнийг ажилтай, орлоготой, баяр хөөртэй  байлгахад нь тус дэм болоорой.

Үйлдвэрийн үйл ажиллагаа дөнгөж эхэлж байгаа ч томоохон төслүүдийн захиалга хэдийнээ орж иржээ. Нийт 100 гаруй  ажлын байр шинээр бий болгосон тус  үйлдвэр 24 цагаар үйл ажиллагаа явуулах юм байна. Үйлдвэрийн хөрөнгийг таван жилийн хугацаанд нөхөхөөр төлөвлөжээ. МАК үйлдвэрийн үйл ажиллагаагаа улам тэлж ирэх жилээс хаалга, цонх агааржуулалтын хоолой, цаашдаа паркетин шал болон тавилга үйлдвэрлэхээр зорьж байгаа аж.

Ийнхүү орчин үеийн чанар стандартын  шаардлага хангасан бүтээгдэхүүн үйлдвэрлэх цэвэр тохилог үйлдвэр ашиглалтад орлоо.

"Болор дуран"-аар шалгав.
Энэ мэдээнд өгөх таны сэтгэгдэл?
36
ЗөвЗөв
6
ГайхмаарГайхмаар
6
ТэнэглэлТэнэглэл
6
БурууБуруу
1
ХарамсалтайХарамсалтай
0
ХахаХаха
0
ХөөрхөнХөөрхөн
Баярлалаа!

Холбоотой мэдээ

33 сэтгэгдэл

News.mn сайтад сэтгэгдэл оруулахад анхаарах зүйлс

Avatar

за 2019-06-10 202.21.108.189

юм хийж байгаа нь сайхан багабанди гэж гэр хороололын ярдаг нохой шиг царайтын нэр сонсохоор л утаггүй бологчлоо

Avatar

Барилгын инженер ч мягмар 2019-06-10 139.5.218.156

Гаднаас авахгүй өөрийн эх орноосоо захиалж авна гэдэг бол гайхамшиг

Avatar

Зочин 2019-06-10 202.9.43.143

МАК-н хамт олонд баяр хүргье.

Avatar

Зочин 2019-06-10 112.72.11.105

х***а руу гарж байгаа долларын урсгалыг зогсоож байгаад баяртай байна

Avatar

Зочин 2019-06-10 66.181.177.96

Яана даа энэ сэтгэгдэл бичиж байгаа хүмүүс. Монголдоо нэг ч гэсэн үйлдвэр баригдаж байхад баярлахын оронд…
Ёстой нэг тамын тогоондоо байж байхдаа таарсан хүмүүс шүү. Нэртэйгээр нь хятадын үйлдвэрүүдийг бидний зах зээлийг булаалаа гэж шүүмжлээч, эргүү малнууд юм даа нээрээ

Avatar

OooO 2019-06-10 202.131.243.50

Сайхан мэдээ байна. Жижиг ААНэгжүүдийг шахлаа гэхийн. Тэд чин бүгд хужаагаас зоогоод болсон болоогүй юм угсардаг шдээ. 100 айл дээр нэг амбаарт хийгээд сууж байдаг даа

Avatar

Бүх бизнес эрхлэгч хар амиа боддог болсон цаг үе 2019-06-10 103.57.93.220

Тэрний ачаар ард түмэн дор бүрнээ ам зууж бна ш дээ. Энэ нөхөр энэ үйлдвэрийг байгуулаад олсон ашигаа офшор дансанд хийгээд ганцаараа баяжиж олигарх болохоо л бодно. Харин ард түмэн бодоод олигтой цалинтай ажлын байр бий болгохгүй

Avatar

Батаа 2019-06-10 202.9.43.76

Багабанди нөгөө хэнд ч хэрэггүй хэдэн титэм үгээ хэлэхээ сэргээ бичэг мэдэхгүй эсвэл гадаадийн иргэдэд хэрэгтэй байж магадгүй чи бол ард түмний эсрэг жинхэнэ гарамгай гай таригч шүү нас чинь нэлээд явчихлаадаа гай минь

Avatar

Зочин 2019-06-10 202.126.88.225

Ишш, эд нар нээрээ хуу хамчих юмаа. Удахгүй зайрмагны цех бгууллаа гэх бх

Avatar

Bayar 2019-06-10 122.201.21.204

Chanar chukhal shuu MAK

Avatar

Зочин 2019-06-10 66.181.161.88

Estoi goe medee bn bayrlalaaa mak.

Avatar

Зочин 2019-06-10 66.181.164.222

МАК САЙН БАЙНА. АМЖИЛТ.

Avatar

Болд 2019-06-10 203.91.115.43

Хулгайчидад хүртэл хууль дүрэм байдаг гэдэг

Ийм жижиг юм хийж яахнуу дээ
Жижиг компаниудынхаа ажилын булаагаад арчаагүй том компани бэ?

Avatar

Зочин 2019-06-10 64.119.22.96

Хөгийн юмнууд орохгүй юм алга жижиг үйлдвэрүүдийг шахаж ашиг олно новшнууд

Avatar

Зочин 2019-06-10 103.57.93.220

Яг үнэн, жижиг бизнес эрхлэгчдээ шахаж гаргаж, олигтой цалин өгөхгүй боолчлох бодолтой. Олсон ашгаа лфшор дансанд хийж олигархжих бодол явж бгаадаа

Avatar

АМЬД БАЙГАЛАА ХАМГААЛЦГААЯ 2019-06-10 202.9.43.214

ТӨРИЙН ӨНДӨР ЭРХ МЭДЭЛТНҮҮДИЙН НУУЦ НЭГ ХААЛГАНЫ НЭЭЛТЭНД ЕРӨНХИЙЛӨГЧ АСАН БАГАБАНДИ ҮГЭЭ ХЭЛЖ ҮҮДИЙГ НЬ НЭЭЛЭЭ ЭНЭ ХААЛГА ЦОНХНЫ ҮЙЛДВЭР ИРЭЭДҮЙН МОНГОЛЧУУДЫН БАЙР ОРОН СУУЦНЫХ БОЛОХ БОЛОВЧ ХУДАЛДАН АВАГЧИД НЬ МОНГОЛЫН АРД ТҮМЭН МӨНГӨ ХҮҮЛЭГЧИД НЬ ЭНЭ ХҮМҮҮС БАЙХ ЮМ. МОНГОЛ УЛСЫН БАЙГАЛЫН БАЯЛГААС ОДОО УРГАЖ БАЙГАА АМЬД МОДЫГ БИШ ӨМНӨ НЬ УНАСАН ӨЧ ТӨЧНӨӨН МЯНГА МЯНГАН МОДЫГ ЦЭВЭРЛЭЖ БҮТЭЭГДЭХҮҮН БОЛГОН АШИГЛАХ ӨНДӨР БОЛОМЖ БИЙ ТИЙМ ТӨХӨӨРӨМЖ ОРУУЛЖ ИРЖ АШИГЛААСАЙ ГЭЖ ХҮСЭХ БАЙНА.

Avatar

Зочин 2019-06-10 124.158.109.140

Болж байна шүү. Бас Багабанди сайхан харагдаж байна

Avatar

Dorz 2019-06-10 83.23.240.89

MAK-d sain ediin zasagchgui kampani bn mongold tohirson uildver barildaa dandaa gigantic oroldoh jum tegeed l dandaa ortei suuzbn

Avatar

Ard 2019-06-10 202.21.110.212

Nyamtaishirt haluun bayar hurgie! Aguu buteen baiguulaluudiig Mongol eh orniihoo tulee hiij baina.Amjilt husie!

Avatar

Зочин 2019-06-10 202.55.188.39

Une buurahgui bol urd hursh ruu valyut yawaad l baih bolno doo

Avatar

ТӨР 2019-06-10 202.179.26.62

сайхан мэдээ сайн байна амжилт

Avatar

МАК ялна 2019-06-10 202.21.124.21

Жижгүүдийг хурдан дампууруулаарай. Үнэ болон чанараар жижгүүд дороо байхгүй болно

Avatar

Зочин 2019-06-10 202.126.89.243

Монгол улс хөгжих үдэс нь дотоодийн үйлдвэрийг хөгжүүлэх .Иймд бид дотоодийн үйлдвэрийн бүтээгдэхүүнээс чанарийн хувьд доогуур ижил төрлийн бүтээгдэхүүнийг импортоор авахийг хязгаарлах хэрэгтэй. Харин дотоодод үйлдвэрлэж байгаа нь үнэ хөөрөгдөж болохгүй

Avatar

Мак 2019-06-10 103.26.195.81

Хөгийн юмаа, энэ муу Сахал данжаад Монголын төлөө нэг ч үг дуугарахгүй байж мак- д очиж доль цохих гэж новшийн манан юмаа, нөгөөх нь бас өөрийн хөрөнгөөр гэжээ бас, өчнөөн зээлээр цементийн үйлдвэр барьчаад төлөөгүй байж муу шуналын тивүүд

Avatar

Ergen 2019-06-10 202.126.88.195

Shunal aa? Mongold anh udaa delhiin standart aar iim uuldver barihaar shunaltai boldiin bn . Tani shg humuus bhleer yaaj manai uls hugjunoo.

Avatar

Зочин 2019-06-10 64.119.22.96

Үхссн ЖДҮ ороод хөгийн бна шдэ, болиосой хар шуналтууд. Өчнөөн жижиг үйлдвэр бна тэднийг шахаж байж эд ашиг олно биздэ новшш

Avatar

Зочин 2019-06-10 103.57.93.220

Чам шиг нийтийн эрх ашигах боддогүй, ард түмнээ боддогүй нөхдүүд байгаас болж улс хөгжихгүй байгаа юм. Тэргээс бус тэр олон улсын стандарт яахав. Тэгээд амь зууж байгаа жижиг бизнес эрхлэгчээ дэмжихгүй шахаж гаргаад. Олигтой цалин өгөхгүй боолчлох бодолтой. Олсон ашигаа улсаас авсан өр зээлээ төлөхгүй, офшор дансанд хийж ганцаараа баяжих бодолтой нөхдүүд шүү дээ

Avatar

Зочин 2019-06-10 119.40.103.6

Өндөр үнийг халаарай амжилт

Avatar

Руу 2019-06-10 64.119.27.210

Манан

Avatar

Зочин 2019-06-10 182.160.36.199

МАК маш сайн байнаа. Монгол минь хөгжих болтугай.

Avatar

barilgachin.mn 2019-06-10 122.201.28.8

MAK tsementiin vilduer mongoldoo tsementiin vniig buulgaarai. olon terbumiin zeeleer haalga tsonh vildver barij baihaar jijighen AAN hiichih zah zeeliig bulaatsaldah hereg bnuu?

Avatar

зочин 2019-06-10 81.92.205.84

сайхан мэдээ байна, баяр хүргэе, амжилт хүсье

Avatar

айл 2019-06-10 202.9.42.34

хаалганы зургыг харж болох юм уу гадна төмөр хаалга хийж байгаа юу

NewsMN Гар утасны хувилбар Татах
NEWS.mn

Мэдээллийн эх сурвалж