Хойд Солонгосын удирдагч Ким Жон Ун энэ оны сүүлээр АНУ-ын ерөнхийлөгч Дональд Трамптай дахин уулзаж магадгүй хэмээн Сөүлийн албаныхан мэдэгджээ. Солонгосын хойгийг цөмийн зэвсгээс ангижруулахын төлөө дайсагнасан хоёр орны төрийн тэргүүн нар гурав дахиа уулзах гэж байна. Анх өнгөрсөн оны зургадугаар сарын 12-нд Сингапурт хоёр орны төрийн тэргүүн нар уулзаж, Хойд Солонгосыг цөмийн хөтөлбөрөө зогсоосны хариуд АНУ-аас эдийн засгийн хатуу хоригоо цуцлахаар тохиролцсон юм. Гэвч энэ оны хоёрдугаар сард Вьетнамд болсон хоёр дахь уулзалт ямар нэгэн үр дүнд хүрэлгүй өндөрлөсөн билээ.

Эх сурвалж: Yonhap