Нэг өрхийн сарын дундаж мөнгөн орлогын хэмжээ нэг хувиар өсөхөд тухайн жилд дээд боловсрол эзэмших суралцагчдын тоо дунджаар 0.4 хувиар нэмэгддэг гэсэн судалгаа гарчээ. Харин их сургуулийн төлбөрийн хэмжээ нэг хувиар өсөхөд нийт суралцагчдын тоо дунджаар 0.35 хувиар буурах хандлагатай байна.

Үндэсний статистикийн хорооны өрхийн нийгэм, эдийн засгийн судалгаагаар өрхийн сарын дундаж орлого дунджаар 1.4 сая төгрөгт хүрч энэ оны нэгдүгээр улиралд өссөн үзүүлэлттэй гарчээ. Харин жил ирэх тусам их дээд сургуулиуд сургалтын төлбөрөө нэмэх хандлагатай байдаг. Манай улсад өнөөдрийн байдлаар 96 их дээд сургууль үйл ажиллагаа явуулдаг бөгөөд жилийн төлбөр дунджаар 1.5-3 сая төгрөг юм.

Б.ЦЭЦЭГ