Ч.Улаан сайд “хатуу даалгавар” өгөв | News.MN

Ч.Улаан сайд “хатуу даалгавар” өгөв

Ч.Улаан сайд “хатуу даалгавар” өгөв

Ч.Улаан сайд “хатуу даалгавар” өгөв

Жижиг дунд үйлдвэрлэлийг хөгжүүлэх сангаас олгогддог урт хугацаатай, хөнгөлөлттэй зээлд хамрагдах иргэд аж ахуй нэгжийн төсөл хүлээж авах ажлын явц хэвийн явагдаж байгаа ажээ. ХХААХҮ-ийн сайд Ч.Улаан тус ажлын явцтай танилцсан байна.  Зургадугаар сарын 07-ны өдрийн 17:00 цагийн байдлаар, улсын хэмжээнд 70 гаруй тэрбум төгрөгийн санхүүжилт хүссэн 336 төсөл ирээд буй юм байна. Мөн ЖДҮХС-гаас төслийн материал бүрдүүлэхтэй холбоотойгоор 1490 хүн биечлэн уулзаж, зөвлөгөө авчээ.

Орон нутгаас 89 төсөлд 6.6 тэрбум төгрөгийн санхүүжилтийн хүсэлт ирсэн мэдээлэл ирүүлсэн байна. ЖДҮХС-гаас жижиг дунд үйлдвэрлэл эрхлэгчдийг дэмжихээр олгогддог урт хугацаатай, хөнгөлөлттэй зээлд хамрагдах хүсэлт их, зээлийн хэрэгцээ шаардлага эрэлт ихтэй байгаатай холбогдуулан ХХААХҮ-ийн сайд төсөл хүлээн авах үйл явцад иргэдэд чирэгдэл учруулахгүй түргэн шуурхай ил тод нээлттэй ажиллаж байгаа үйл ажиллагаагаа илүү эрчимжүүлэх шаардлагатай байгааг ХХААХҮЯ-ны холбогдох газар хэлтэс, ЖДҮХС-ийн удирдлагуудад үүрэг чиглэл өгчээ.

Уг үүрэг чиглэлдээ амралтын өдрүүдэд буюу хагас, бүтэн сайн өдөр уртасгасан цагаар буюу 06.08-06.09-ны өдрүүдэд 09:00- 20:00 цаг хүртэл ажиллаж иргэд, аж ахуй нэгжид зөвлөгөө мэдээлэл өгч, төслийг нь хүлээн авахыг даалгасан байна.

Өнгөрсөн баасан гаригт хөнгөлөлттэй зээлийг дамжуулж олгох банкууд шалгарсан байна. Үүнд ХААН, Хас, Төрийн банкуудын санал зохих журмаараа хянагдаж, төсөл олгох жагсаалтад орж иржээ. Эдгээр банкуудтайгаа ХХААХҮЯам хэлэлцээ хийж зээлийг дамжуулан олгох журам, зээлийн үйлчилгээний зардал, хүүгийн зардлаар хэлэлцээ хийх юм.

ХХААХҮ-ийн сайд, Банкуудын өгсөн саналаар бол банкуудын зээлийн хүү дээр нэмэгдэх зардлын хэмжээ 4 хувьтай гэсэн санал орж ирсэн байна. Энэ саналаар бол ЖДҮ-дэд  олгох зээлийн хэмжээг 8 хувиас ихгүй байхаар байна. Энэхүү 8 хувийг бууруулах ямар боломж байна гэдгийг эргэж судална. Зээлийн үйлчлэх зардал, эрсдлийн зардлыг нарийн тооцож үзээд хэдий хэмжээний зардал гарах вэ гэдэгт  таарсан хүү бодох ёстой. Банкууд маань санаачилгатай хандаж 5 хувиас доош бууруулах санал оруулж ирж байна.

ЖДҮХС олгож байгаа зээлийн гурван хувиар санхүүжиж үйл ажиллагаа явуулдаг журам өнөөдрийг хүртэл хэрэгжиж ирсэн. Урьд жилүүдэд 3 хувийн санхүүжилтдээ багтан бүхий л үйл ажиллагаагаа явуулж байсан. ЖДҮХСан төсвөөс санхүүжилт авдаггүй байгууллага. Бид жижиг дунд үйдвэрийн хөгжлийн сангийн зардал, тооцоог нарийвчилж хийлгэж байна. 3 хувийн хүүг 2 хувь болгох чиглэлд өртөг зардлаа хямдруулах үйл ажиллагаагаа өргөжүүлэх чиглэлээр ажиллаж байна. Бид төслөө хүлээж авсны дараа зээл олгох банкуудтайгаа гэрээ хэлцлээ хийнэ. Ингэхээр зээлийн хувь хэмжээ тодорхой болно. ЖДҮ-ийн хөгжлийн сангаас зээл олгох үйл ажиллагаа хэвийн, тогтоосон графикийн дагуу явагдаж байна" гэжээ.

Б.ЖАРГАЛ

"Болор дуран"-аар шалгав.
Энэ мэдээнд өгөх таны сэтгэгдэл?
6
ТэнэглэлТэнэглэл
1
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ПАА..... 2019-06-08 202.179.24.16

ПАА … БҮТЭН САЙНД АЖИЛЛА ГЭЖ ХАТУУ ДААЛГАВАР ӨГЦИЙМ БИЗ ДЭЭ

Avatar

зочин 2019-06-08 66.181.185.29

Зарим нь өр дарах гэж худал төсөл бичээд оруулж байгаа даа.

Avatar

Хэнчбиш 2019-06-08 203.91.115.48

Энэ хүнийг ганц жил ч гэсэн ЕС.аар ажиллуулдаг ч болоосой доо т

Avatar

Зочин 2019-06-08 202.55.188.43

Авилга нь 10 хувь, тэгээд хүү нь 8 хувь гэхээр хэд болох вэ?

Avatar

Зочин 2019-06-08 150.129.140.185

Улайдаггуй Улаан гэж, поопорч егч байна аа

Avatar

Зочин 2019-06-08 202.21.108.240

Махаа яах гэж Улаанаа

Avatar

852456 2019-06-08 49.0.212.4

Соц-ийн үеийнх шиг хатуу донгодож байна

Avatar

Махны үнээ буулгаж чадахгүй яам 2019-06-08 139.5.219.140

Монголчуудаа хатуу хавраар махгүй байлгасан ХААЯам

Avatar

852456 2019-06-08 49.0.212.4

Монголчуудыг лавшаа бантангийн махгүй болгосон МАН хийгээд Хүрэлсүх

Avatar

Зочин 2019-06-08 202.126.89.53

Улаан сайд ч улайхгүй худал гөвдөг хүн шүү.

Avatar

Жижиг Дунд Үйлдвэрлэл Хөгжүүлэх Сан 2019-06-08 66.181.167.202

6.8 – 6.9 өдрүүдэд 09:00 – 17:00 цагийн хооронд төсөл хүлээн авна

Avatar

Мөнх-Эрдэнэ 2019-06-08 66.181.167.202

Худал мэдээлэл байна. \n\nАжлын цаг 09:00-17:00 хүртэл.\n\nhttp://smefund.gov.mn/news/9/single/225

Avatar

Зочин 2019-06-08 202.179.31.95

Үнэн соц сэтгэхүйтэй бнаа солиоррл

Avatar

uugoi 2019-06-08 202.126.89.225

Jujigiin yum be dee

Avatar

963852 2019-06-08 49.0.212.4

хатуу даалгавар, зөөлөн даалгавар ч гэх шиг

NewsMN Гар утасны хувилбар Татах
NEWS.mn

Мэдээллийн эх сурвалж