АНУ Монгол Улсыг “найдвартай, чадварлаг түнш” хэмээн үнэлжээ

АНУ-ын Батлан хамгаалах яам өнгөрсөн долоо хоногийн бямба гаригт 55 хуудас бүхий “Indo-Pacific Strategy Report” тайлан танилцуулжээ. Тус тайланд Трампын засаг захиргаанаас Энэтхэг, Номхон Далайн бүс нутагт аюулгүй байдлын чиглэлээр явуулж буй бодлогын талаар тайлбарласан байна.

Энэхүү тайлангийн “Түншлэлийг бэхжүүлэх” хэсэгт “Энэтхэг, Номхон Далайн бүс нутгийн Сингапур, Тайвань, Шинэ Зеланд, Монгол гэсэн дөрвөн улстай түншлэлээ улам бэхжүүлэх талаар бичжээ.

Тайланд “Дээрх дөрвөн улс нь дэлхий дахинд АНУ-ын явуулж буй ажиллагаануудад оролцож, олон улсад нээлттэй, чөлөөт дэг журам тогтоож буй үйлсийг идэвхтэй дэмждэг, найдвартай, чадварлаг түншүүд” хэмээн үнэлсэн байна.