Монголын эрэгтэй баг дэлхийн шилдэг найман багийн нэг боллоо | News.MN

Монголын эрэгтэй баг дэлхийн шилдэг найман багийн нэг боллоо

Монголын эрэгтэй баг дэлхийн шилдэг найман багийн нэг боллоо

Монголын эрэгтэй баг дэлхийн шилдэг найман багийн нэг боллоо

Монгол Улсын нийслэл Улаанбаатарын төв талбайд энэ долоо хоногт “FIBA 3×3 U18 World Cup 2019” сагсан бөмбөгийн тэмцээн дөрөв хоногийн турш үргэлжилж, өчигдөр дүнгээ гаргалаа. Энэхүү ДАШТ-д 18 хүртэлх насны эрэгтэй, эмэгтэй тус бүр 20 баг өрсөлдөж, америкчууд түрүү цомоо алдсангүй.

Эрэгтэй 20 багаас АНУ-ын баг түрүүлж, Турк, Аргентин мөнгө, хүрэл медаль хүртлээ. Тэмцээний хагас шигшээд АНУ-ын залууст 18:17-оор хожигдсон бол ОХУ-ын баг хүрэл медалийн төлөөх тоглолтод Аргентинд 21-18-аар дийлдэж, дөрөвдүгээр байрт шалгарав.

Монгол Улсын эрэгтэй баг шөвгийн наймд үлдэж, дэлхийн шилдэг найман багийн нэг болов. Манай залуус С” хэсэгт Латви, Беларус, Гүржийн багуудыг хожиж, АНУ-д хожигдсоноор хэсгийн хоёрдугаар байраар шалгарч наймд үлдсэн юм. Хагас шигшээд тоглох эрхийн төлөөх тоглолтод мөнгөн медалийн эзэн, Туркийн шигшаа багт 21:18-аар хожигдон, тэмцээнээ өндөрлүүлэв.

Дасгалжуулагч С.Тулгын удирдсан багт А.Батхуяг, Л.Авирмэд, Ө.Пэрэнлэйжамц, Ш.Энхийн-Од нарын тоглогчид багтлаа. Тэд дөрвөн хоногийн турш монголчуудаа огшоосон тоглолтыг үзүүлж, анхны ДАШТ-д шилдэг найман багийн нэгээр шалгарсан амжилт үзүүлэв.

Эмэгтэй 20 баг өрсөлдсөнөөс АНУ-ын баг түрүүлж, Шинэ Зиланд, Франц мөнгө, хүрэл медалийг хүртсэн. Харин шилдэг дөрөвт үлдсэн БНХАУ-ын охид Шинэ Зиланд, Францад хожигдон дөрөвдүгээр байр эзэллээ.

Монголын эмэгтэй баг "С" хэсэгт Голландын шигшээ багийг хожиж, ДАШТ-ий анхны хожлоо авсан түүхэн ялалттайгаар тэмцээнээ өндөрлүүлэю.

Өнөөдөр насанд хүрэгчдийн "3×3 Ulaanbaatar Challenger (Дэлхийн гранпри)” тэмцээн эхэлнэ.

"Болор дуран"-аар шалгав.
Энэ мэдээнд өгөх таны сэтгэгдэл?
20
ЗөвЗөв
3
ТэнэглэлТэнэглэл
2
ГайхмаарГайхмаар
1
БурууБуруу
0
ХахаХаха
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-06-08 202.179.25.11

Оюу Толгйн асуудал нэлээд хурцдах үед элдэв шагналууд бэлэглэдэг. ОТ гэрээг зурахгүй нэлээд удахад Оллимпийн аврагууд төрүүлээ биз дээ. Одоо ОТ гэрээг сайжруулах, Дубайн гэрээг цуцлах яриа үүсэнгүүт манай нэр алдарт дуртай улс төрчдөд ийм бэлэг бариваа. Өндөр хэмжээний айлчлалууд ирнэ. Элдэв шагналулуд өгнө. Олон Улсын Олимпийн ийм байдлаар шагнал гаруулахын тул авилга авдаг нь тогтоогдоо бөөн л юм болж байсан шүү. Дубайн гэрээний асуудлыг хямдхан өгч байна уу?

Avatar

Зочин 2019-06-08 202.21.108.232

s****a biz? Delhii deer hen ch togodoggui turol deer U18 d hedhen hojchood

Avatar

Өвгөн 2019-06-08 64.119.18.157

Хүүхдүүдээ баярлалаа

Avatar

Amap 2019-06-08 213.162.72.229

сонирхолтой

Avatar

Эмгэн 2019-06-08 64.119.22.175

Сайхан мэдээ бна. Та бүхэнд амжилт хүсье.

Avatar

Зочин 2019-06-08 150.129.142.116

Litev hotvat ispani grek geed olon shildeg sagschid ireegui bolohoor delhiin hemjeenii temtseen bolsongui

NewsMN Гар утасны хувилбар Татах
NEWS.mn

Мэдээллийн эх сурвалж