Songwriters Hall of Fame буюу Дуу Зохиогчдын Алдрын Танхимаас энэ жил попын ханхүү гэгддэг Justin Timberlake-ийн нэрийг танхимдаа мөнхлөхөөр шийджээ. Зургаан сарын 13-нд Нью-Йорк хотноо тус байгууллагын 50 жилийн ойн арга хэмжээн дээр Justin Timberlake-ийг “Contemporary Icon Award”-аар шагнахаар болсон байна.
Тус байгууллага нь өөрсдийн зохиосон дуугаараа дэлхийн дуу хөгжмийн түүхэнд үнэтэй хувь нэмэр оруулсан уран бүтээлчдийг нэрлэж, алдаршуулдаг байгууллага юм. Харин Contemporary Icon Award-ийг 2015 онд санаачилж, Lady Gaga тус шагналыг анх удаа хүртэж байжээ.
Б.ЦОЛМОН
