УИХ-ын гишүүд Төрийн ордонд согтууруулах ундаа хэрэглэх, цүнх, гар тээшээ рентген машинд шалгуулахгүй нэвтрэх, хамгаалалтын албаны ажилтны шаардлагыг биелүүлэхгүй хэгжүүрхэх зэрэг зөрчил гаргах болсон тул УИХ-ын дарга Г.Занданшатар сахилга хариуцлагыг нь сайжруулах шаардлагатай талаарх албан бичгийг өнөөдөр /2019.06.06/ УИХ дахь МАН-ын бүлгийн дарга Д.Тогтохсүрэн, Ёс зүйн дэд хорооны дарга С.Бямбацогт нарт хүргүүлжээ.
Төрийн хамгаалалтын албанаас УИХ-ын гишүүдэд шаардлага тавихад биелүүлэхгүй байгаа тул арга буюу УИХ-ын даргад хандсан нь энэ бололтой.
“Танхай” үйлдэл нь засрахгүй байгаа учраас УИХ-ын гишүүдийн ёс зүй, хариуцлагыг өндөржүүлэх асуудал ч тавигдаж, хуулийг нь чангаруулахаас аргагүйд хүрч, санал ч авахаар болсон байна.
Г.ХОРОЛ
