-Цувралын гурав дахь тоглолтод Лейброн Жеймс шинэ амжилт тогтоож, баг нь 2:1-ээр тэргүүлж эхэллээ-

2014-2015 оны NBA-гийн аваргын төлөө “Кливлэнд Кавельерс” – “Голдэн Стэйт” багууд үлдээд байгаа билээ. Хоёр багийн цувралын гурав дахь тоглолт өнөөдөр өглөө болж, “Кливлэнд Кавалерс” 96-91-ээр хожлоо. Өмнөх хоёр тоглолтын нэмэлт цагт ялагч тодорч байсан бол энэхүү тоглолт үндсэн цагт өндөрлөсөн байна.

Охайо мужийн Кливлэнд хотын “Quicken Loans Arena”-д болсон тоглолтод Леброн Жеймс 40 оноо, 12 самбараас бөмбөг авч, 8 оновчтой дамжуулалтыг хийснээр багаа талбай дээр хожиход ихээхэн үүргийг гүйцэтгэжээ. Мөн түүний хувьд гурван тоглолтод 123 оноог авсан нэгэн шинэ амжилтыг тогтоогоод байна. Энэ нь NBA-гийн түүхэнд 48 жилийн дараа финалын тоглолтод авч буй хамгийн их оноо боллоо. Түүнээс өмнө домогч тоглогч Рик Бэрри 1967 онд эхний гурван тоглолтод 122 оноог авч энэхүү амжилт эзэмшиж байжээ.

Харин Стивэн Карри 27 оноо авахдаа сүүлийн 12 оноог бүгдийг холын зайнаас авсан байна.

Хоёр багийн цувралын дөрөв дэх тоглолт “Кливлэнд Кавельерс”-ийн талбай дээр баасан гаригийн өглөө Улаанбаатарын цагаар 10.00-с эхлэх билээ. Одоогоор сүүлийн хоёр тоглолтод дараалан хожоод байгаа “Кливлэнд Кавельерс” цувралыг 2:1-ээр тэргүүлж эхэллээ.

ЦУВРАЛ 3: (талбай “Кливлэнд Кавельерс”)

VI.09. “Голдэн Стэйт” – “Кливлэнд Кавельерс” – 91-96 (20–24, 17–20, 18–28, 36–24)

ЦУВРАЛ 2: (талбай “Голдэн Стэйт”)

VI.07.

“Кливлэнд Кавельерс” – “Голдэн Стэйт” 95-93 (20–20, 27–25, 15–14, 25–28, OT: 8–6)

ЦУВРАЛ 1: (талбай “Голдэн Стэйт”)

VI.04. “Кливлэнд Кавельерс” – “Голдэн Стэйт” 100-108 (29–19, 22–29, 22–25, 25–25, OT: 2–10)

Тоглолтуудын цагийн хуваарь /Улаанбаатарын цагаар/:

Цуврал 2:1 (“Кливлэнд Кавельерс”)

Тоглолт 1. 6-р сарын 5, "Голдэн Стэйт" (“Кливлэнд Кавельерс” – “Голдэн Стэйт” 100-108)
Тоглолт 2. 6-р сарын 8, Даваа гараг, 09.00 "Голдэн Стэйт" (“Кливлэнд Кавельерс” – “Голдэн Стэйт” 95-93 (20–20, 27–25, 15–14, 25–28, OT: 8–6))
Тоглолт 3. 6-р сарын 10, Лхагва гараг, 10.00 "Кливлэнд Кавельерс" (“Голдэн Стэйт” – “Кливлэнд Кавельерс” – 91-96 (20–24, 17–20, 18–28, 36–24))
 

Тоглолт 4. 6-р сарын 12, Баасан гараг, 10.00 "Кливлэнд Кавельерс"
Тоглолт 5. 6-р сарын 15, Даваа гараг, 09.00 "Голдэн Стэйт"
Тоглолт 6. 6-р сарын 17, Лхагва гараг, 10.00 "Кливлэнд Кавельерс"
Тоглолт 7. 6-р сарын 20, Бямба гараг, 10.00 "Голдэн Стэйт"

Ч.БОЛ