БОАЖЯ-ны 45 албан хаагчийг хууль бусаар томилжээ | News.MN

БОАЖЯ-ны 45 албан хаагчийг хууль бусаар томилжээ

БОАЖЯ-ны 45 албан хаагчийг хууль бусаар томилжээ

БОАЖЯ-ны 45 албан хаагчийг хууль бусаар томилжээ

Төрийн албаны шинэ хуульд заасан хяналт, шалгалт, хүний нөөцийн аудит хийх чиг үүргийн хүрээнд тус зөвлөлөөс тавдугаар сарын 20-ноос 24-ний өдрүүдэд Байгаль орчин, аялал жуулчлалын яамнаас эхлүүлжээ. Тус шалгалтын дүнг зургадугаар сарын 4-нд яамны удирдлагад танилцуулсан байна. Байгаль орчин, аялал жуулчлалын яам, түүний харьяа төрийн захиргааны байгууллагуудын хүний нөөцийн болон төрийн жинхэнэ албан хаагчийг сонгон шалгаруулж, томилох үйл ажиллагаанд хяналт, шалгалт хийх, илэрсэн зөрчлийг арилгуулах, зөвлөмж өгөх, Төрийн албаны хууль тогтоомжийн хэрэгжилтийг хангахад чиглэсэн эсэхийг шалгасан байна.

ТАЗ-ийн шалгалтын комисс

Тус яамны батлагдсан орон тооны хязгаар нь 121 албан хаагч бөгөөд энэ хэмжээ хязгаарыг Засгийн газрын 2016 оны гуравдугаар тогтоолоор баталсан байна. Харин одоо тус яаманд ажиллаж байгаа албан хаагчдын тоо 149 байгаа нь Засгийн газрын тус тогтоолыг зөрчиж, 28 албан хаагчийн зөрүүтэй ажиллаж байгааг илтгэж байна.

Мөн томилгооны зөрчилтэй буюу хууль бус томилгоотой 45 албан хаагч тус яам, харьяа төрийн захиргааны байгууллагуудад ажиллаж байгаа гэсэн зөрчил илэрчээ. Эдгээр албан тушаалтнуудыг төрийн албаны шалгалт өгөөгүй, нөөцөд бүртгэгдээгүй иргэнийг төрийн жинхэнэ албан тушаалд түр орлон гүйцэтгэгчээр томилсон, Төрийн албаны тухай хууль/2002 оны/-ийн 24.1.3-т заасан үндэслэлээр чөлөөлөгдсөн албан хаагчийг төрийн захиргааны албан тушаалд шилжүүлэн, шинээр шууд томилсон, Төрийн захиргааны албан тушаалын томилгоог хийхдээ Засгийн газрын 2007 оны 354 дүгээр тогтоолоор батлагдсан албан тушаалын ангилал, зэрэглэлд баримтлаагүй, жирэмсний болон амаржсаны, хүүхэд асрах чөлөөтэй байгаа албан хаагчийн албан тушаалд өөр иргэнийг жинхлэн томилж, тангараг өргүүлсэн, төрийн албаны шалгалт өгөөгүй иргэнийг Төрийн захиргааны албан тушаалд томилсон зэрэг зөрчил илэрчээ.

ЦАГ УУР, ОРЧНЫ ШИНЖИЛГЭЭНИЙ ГАЗРЫН ДАРГА 22 ИРГЭНИЙГ ТӨСВИЙН ШУУД ЗАХИРАГЧИЙН СОНГОН ШАЛГАРУУЛАЛТГҮЙГЭЭР ТОМИЛЖЭЭ

Мөн шалгалтаар БОАЖЯ-ны харьяа Цаг уур, орчны шинжилгээний газрын дарга нь 22 иргэнийг төрийн үйлчилгээний байгууллагын төсвийн шууд захирагчийн сонгон шалгаруулалтгүйгээр томилжээ. Эдгээр 22 ажилтнаас нэгээс бусад 21 иргэнийг төсвийн шууд захирагчийн албан тушаалд томилохдоо Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд заасан мэдүүлгийг аваагүй аж. Мөн байгууллагын нэршил өөрчлөгдсөн гэх үндэслэл шалтгаанаар  төсвийн шууд захирагчийг албан тушаалаас нь чөлөөлдөг, түр орлон гүйцэтгэгчээр томилдог, томилогдсоноос хойш тодорхой хугацааны дараа түр орлон гүйцэтгэгчийг төрийн албаны сонгон шалгаруулалтгүйгээр албан тушаалд жинхлэн томилдог нь тогтоогджээ.

Дүгнэлтэд, 

  • Батлагдсан бүтэц, орон тооны хязгаараас илүү орон тоонд ажиллуулж байгаа албан хаагчдыг чөлөөлөх, батлагдсан орон тоо хэтрүүлсэн эрх бүхий албан тушаалтанд холбогдох хууль тогтоомжийн дагуу хариуцлага хүлээлгэх санал хүргүүлэх.
  • Төрийн албаны тухай хуулийг зөрчиж төрийн албаны шалгалт өгөөгүй иргэнийг төрийн жинхэнэ албан тушаалд томилсон, төрийн захиргааны албан тушаалын сул орон тоонд хөдөлмөрийн гэрээт албан хаагчийг ажиллуулдаг.
  • Батлагдсан бүтэц, орон тоог баримталж ажиллаагүй, орон тоог хэтрүүлсэн, Засгийн газрын 2007 оны 354 дүгээр тогтоолоор баталсан төрийн захиргааны болон төрийн үйлчилгээний албан тушаалын ангилал зэрэглэлийг удирдлага болгоогүй, байхгүй албан тушаалыг бий болгож цалинжуулсан.
  • Байгаль орчин, аялал жуулчлалын яамны сайд Усны тухай хуулийн 10 дугаар зүйлийн 10.1.1-д Тусгай хамгаалалтай газар нутгийн тухай хуулийн 27 дугаар зүйлийн 10-т  тус тус заасны дагуу заасны дагуу сав газрын захиргааны болон дархан цаазат газар, байгалийн цогцолборт газарт хамгаалалтын захиргааны дарга /төсвийн шууд захирагч/-ыг томилж чөлөөлж байгаа нь Төрийн албаны тухай хуулийн зарим заалтыг зөрчсөн гэжээ.

Тиймээс Төрийн албаны зөвлөлөөс Байгаль орчин, аялал жуулчлалын сайдыг дээрх илэрсэн зөрчлийг долдугаар сарын 09-ний дотор арилгаж, Төрийн албаны зөвлөлд тайлагнаж мэдээлэхийг үүрэг болгожээ. Хэдийгээр хууль бусаар томилсон 45 албан хаагч бүгд Байгаль орчин, аялал жуулчлалын сайд Н.Цэрэнбатын тушаалаар томилогдоогүй ч түүний харъяалах яам, хэрэгжүүлэгч агентлагийн 45 албан хаагч Төрийн албаны хууль зөрчиж томилогдсон нь шалгалтаар нотлогджээ.

Ш.ЧИМЭГ

"Болор дуран"-аар шалгав.
Энэ мэдээнд өгөх таны сэтгэгдэл?
3
ТэнэглэлТэнэглэл
1
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-06-06 202.126.89.192

БОажя- ны үүдэнд тамхи татдагаа болимоор бна. Өвөл угаартаж үхэх гээд явж байхад яамны үүдэнд бөөнөөрөө тамхи татаад зогсож бгаа нь үнэхээр дургүй хүрмээр шүү.

Avatar

Иргэн 2019-06-06 203.217.139.225

Бүх Яамд адилхан байгаа. МАНАН ч Монгол улсыг маань баллаж байгаагийн нэгээхэн жишээ энэ..

Avatar

Зочин 2019-06-06 64.119.18.192

ЦУОШГ ДАРГА Энхтүвшингийн хувьд хууль бол хамаагүй шүү дээ. 20 жил хууль зөрчиж ажилласан. Харъяа байгууллагын даргыг сонгон шалгаруулж байсан түүх бараг байхгүй дээ. Хзрэлсүхийн дотны найз гээд та нар хууль хяналтаар яваад юу ч олж долоохгүй гэж ярьдаг хүн.

Avatar

Зочин 2019-06-06 202.126.89.202

Iimerhuu baigaa, iimd ehnii eeljind yamdaa chadvarjuulaa ali ch nam bus humuys helmegdej toriin ajil hohirch duuslaa

Avatar

Hn 2019-06-06 202.126.89.202

Sain shalgasangui bas ugsun zuvlumj uureg ni hangaltguil bna daa , bas tegeed yag hunii nuutsuin asudal hariutssan darga ni devshsen bna lee mongoliin merit zartsim neg

Avatar

Зочин 2019-06-06 202.179.27.51

Төрийн албаны шинэ хуульд заасан хяналт, шалгалт, хүний нөөцийн аудит хийх чиг үүргийн хүрээнд Сангийн яам түүний харьяа Татварын ерөнхий газар, Гаалийн ерөнхий газар, МХГ зэрэг газруудад яаралтай шалгалт хийгээч. Шүүх_ Прокуророос гадна МАНАН бүлэглэлийн хамгаалагч байцаач нар энд томилогдон ажиллаж байгаа шүү

Avatar

Асуулт байна 2019-06-06 202.9.45.38

Дутуул шалгасан байна даа. Ялангуяа яаман дээр яг мэргэжлийн хүн тухайн албан тушаал дээрээ байна уу гэдэг асуудал яагаад яригдсангүй вэ? Өнөөдөр ажлаа мэддэггүй цээжээ дэлдсэн гарууд нэг бол ажил дээрээ байдаггүй, эсвээс хөмсгөө зангидсан нэг л их мэддэг юм шиг ууртай нөхдүүдээр дүүрснийг яагаад олж харсангүй вэ??? Яг үнэндээ МЭРГЭЖЛИЙН хүмүүсээ ажлын МАЛ мэт боолчилдог, хэрэгт түлхдэг үзэл ноёлсон яам шүү дээ …….

Avatar

зочин 2019-06-06 66.181.177.131

Архины хордлого авсаар байгаад сэтгэцийн өвчтэй болчихсон хүн яаж Яамыг удирдаж ажиллаж чадах билээ дээ хөөрхий..Энд тэнд очиж элий балай зүйл яриад л.

Avatar

Нөгөө цай зөөгч,жолооч уу 2019-06-06 103.14.38.137

Бөгсөө хаялсан цай зөөгч охид, даргын жолооч хийж байгаад төрийн албаны ажилтан болдог жишиг жам ёсоороо л явж байна. Зарим залуус яаманд ажиллахын мөрөөдөл байдаг юм шиг, нэг халагдаад л нэг буцаж ороод л, яасан ч гаж донтой юмб дээ. Чадваргүй, боловсролгүй цүнх баригч, б**с долоогчдыг ажилаар хангадаг энэ байдлыг хэзээ таслан зогсоох вэ?

Avatar

Зочин 2019-06-06 64.119.25.157

Мэргнжлийн хүмүүс цөөн. Гадаад харилцаа, үсрээд л төрийн удирдлагын мэргэжилтэй, жинхэнэ биологи, амьтан, ургамал ярих хүн байхгүй. Байгаль орчин гэхээсээ бохирдол гэсэн популист маягийн хандлага давамгайлсан салбар юм билээ

Avatar

Төрийн албаны ахмад ажилтан Ш.Раднаа 2019-06-06 103.229.120.133

Хурдан саарал азарганы эзэн Цэнгэл энэ яамны ТНБД байгаа юу? ТНБД төсвийн шууд захирагч бөгөөд албан тушаалд томилох, чөлөөлөх бүрэн эрхийг хэрэгжүүлдэг хуультай..Бас Төрийн албаны салбар зөвлөлийн дарга нь ТНБД. ТАЗ-өөс Сайдад үүрэг өгч болох боловч яг оноогүй байна.ТӨРИЙН АЛБАНЫ САЛБАР ЗӨВЛӨЛҮҮД ЧИНЬ ТААРУУ АЖИЛЛАЖ БАЙНА ГЭСЭН ҮГ. Иймээс энэ дутагдал зөрчлийн тал хувийн хариуцлагыг яам, тал хувийн хариуцлагыг ТАЗ хүлээх ёстой болж байна гэсэн үг.Хаана хаанаа ажлаа сайжруулах хэрэгтэй болжээ.

NewsMN Гар утасны хувилбар Татах
NEWS.mn

Мэдээллийн эх сурвалж