Хятад улс худалдааны дайныг хүсэхгүй, худалдааны дайн хийхээс ч айхгүй | News.MN

Хятад улс худалдааны дайныг хүсэхгүй, худалдааны дайн хийхээс ч айхгүй

Хятад улс худалдааны дайныг хүсэхгүй, худалдааны дайн хийхээс ч айхгүй

БНХАУ-аас Монгол Улсад суугаа Онц бөгөөд бүрэн эрхт Элчин сайд Шин Хаймингийн нийтлэл

Хятад улс худалдааны дайныг хүсэхгүй, худалдааны дайн хийхээс ч айхгүй

Сүүлийн үед Хятад, Америкийн худалдааны маргаан нь дэлхий нийтийн анхаарлыг өргөн хүрээнд татаж байна. Саяхан БНХАУ-ын Төрийн зөвлөлийн Хэвлэл мэдээллийн албанаас “Хятад, Америкийн эдийн засаг, худалдааны зөвшилцлийн тухай Хятадын талын байр суурь” гэх цагаан ном нийтэллээ. Уг номоор Хятад, Америкийн эдийн засаг, худалдааны зөвшилцлийн нөхцөл байдал, Хятадын талын байр суурийг бүх талаар танилцуулсан. Үүгээр миний бие Монголын найз нөхдөд энэхүү цагаан номын агуулгаас танилцуулахыг зорилоо.

Хятад, Америк хоёр улс бол дэлхийн хоёр том эдийн засаг, үүгээрээ хоёр улсын худалдаа, эдийн засгийн харилцаа хоёр улсад чухал ач холбогдолтой төдийгүй дэлхийн эдийн засгийн хөгжилд ч мөн чухал үүрэг нөлөөтэй. Хятад, Америкийн хоёр талт худалдаа, эдийн засгийн харилцаа олон жилийн турш тасралтгүй хөгжиж, хамтын ажиллагааны цар хүрээ ч тасралтгүй өргөжин тэлж, хамтын ажиллагааны түвшин тасралтгүй ахисаар өндөр түвшинд харилцан нөхөлцдөг, ашиг сонирхол харилцан уялддаг харилцааг тогтоож хоёр улсын ард түмэнд үр өгөөжөө өгч, цаашлаад дэлхийн эдийн засагт ч томоохон хувь нэмрээ оруулсаар ирсэн. Гэвч харамсалтай нь Америкийн шинэ засгийн газар байгуулагдсанаас хойш татварын хувь хэмжээг нэмэгдүүлэх зэрэг аргаар заналхийлж, Хятад улс зэрэг худалдааны гол түншүүдийн хооронд ахин дахин худалдааны маргааныг дэгдээх болов. Америкийн талын өдөөн хатгалгад Хятадын тал хэзээд яриа хэлцэл, зөвшилцлөөр маргааныг зохицуулах үндсэн байр суурь баримталж, Америкийн талтай 11 удаагийн худалдаа, эдийн засгийн зөвшилцлийн хурал хийж Хятадын талын чин сэтгэлээсээ эв эеийг зорьсон хичээл зүтгэлийг бүрэн гүйцэд харуулж чадсан бөгөөд зөвшилцөл нь нааштай ахиц гарсан байдаг. Гэвч Хятадын талын хэлэлцүүлгийг шат ахиулах хичээл зүтгэлд Америкийн тал гар бариад бугуй барих гэж бас хэлснээ мэлзэж, дээрэнгүй үзэл гаргаж, өндөр татварын “том бороохой” -гоор эдийн засаг худалдааны түншээ сүрдүүлж, үндэсний аюулгүй байдлаар “байхгүйг байлгах” шалтаг нэрийдлээр Хуавэй зэрэг Хятадын олон компаниудад хориг тавьж Хятадын талын бүрэн эрхэд хохиролтой хэлэлцээр байгуулуулахаар дэмий санаархан талуудын харилцан итгэлцлийг ноцтой эвдэж худалдааны дайныг дахин дэгдээлээ.

Америк худалдааны дайныг өдөөж буй нь Америкт өөрт ч мөн бусдад ч сөрөг нөлөөтэй төдийгүй Хятад, Америк хоёр улсын эрх ашигт цаашлаад дэлхийн эдийн засагт хохирол учруулах аюултай. Татвараа нэмэгдүүлэх нь Америкийг “дахин агуу” болгож чадаагүй, харин ч ноцтой хохиролд учрууллаа. Судалгаагаар худалдааны маргаанаас улбаалан 2019 онд Америкийн ДНБ нь 64-91 тэрбум ам.доллараар буурч, дэлхийн эдийн засгийн өсөлт ахин буурч 2.9%-д хүрэх урьдчилсан тооцоолол бий. Түүнчлэн дэлхийн үйлдвэрлэлийн болон нийлүүлэлтийн гинж хэлхээнд хохирол учруулж, аж ахуйн нэгжийн өөрийн өртгийн зардлыг нэмэгдүүлж, бараа бүтээгдэхүүний үнэ өссөнөөр Хятадтай хамтран ажилладаг Америкийн болон бусад орнуудын улс дамнасан аж ахуйн нэгжүүд хохирол амсах төдийгүй дэлхийн худалдан авагчдын эрх ашигт хохирол учруулах болно.

Энэ худалдааны дайны хариуцлага бүхэлдээ Америкийн талд байна. Хятадын тал дайтахыг хүсэхгүй байна, дайн хийхийг ч хүсэхгүй байна. Гэвч дайн хийхээс айхгүй, шаардлага гарвал хийх болно. Хятад, Америкийн худалдаан, эдийн засгийн зөвшилцлийн үеэр Хятадын тал хэзээд эрх тэгш, харилцан ашигтай, харилцан итгэлцэх байр суурийг баримталсаар ирсэн. Бидний өнөөдрийг хүртэлх хэлэлцээрт гаргаж ирсэн идэвх зүтгэл хэзээ ч өөрчлөгдөөгүй. Өөрсдийн хууль ёсны эрх ашгаа хамгаалах тууштай хандлага бүр ч өөрчлөгдөхгүй. Бүрэн эрх, нэр төртэй холбоотой чухал зарчмын асуудалд Хятадын тал огт буулт хийхгүй. Хятадын сорилтыг давах алхам хэзээ ч зогсохгүй. Хятадын том үүд хэзээд хаагдахгүй, зөвхөн улам бүр томоор нээгдэх болно. Ши Жиньпин дарга “Нэг бүс нэг зам” олон улсын хамтын ажиллагааны хоёрдугаар дээд хэмжээний чуулга уулзалтын үеэр тавьсан илтгэлдээ илүү нээлттэй байх таван том арга хэмжээг хэрэгжүүлэхээ мэдэгдсэн. Энэ бол Хятадын ирээдүйн хөгжил дэлхий дахинд илүү их хөгжлийн боломжийг бий болгохоос биш, сорилт, тэмцэл, заналхийллийг авчрахгүйг илтгэж байна. Харин зарим нэг улс орнууд өөрсдийн давуу чадавхаа ашиглаж, татвараа нэмэх аргаар заналхийлж, “худалдааны дайн гал”-ыг зоргоороо өдөөн хатгаж байна. Тэд л дэлхийн эдийн засгийн хөгжилд хохирол учруулах “асуудал таригч” мөн. Хятадын тал худалдааны олон түншүүдтэйгээ бэрхшээлийг хамтдаа давж, эрсдэлийг боломж болгож, шинэ орон зайг нээж Хятад болон дэлхийд илүү хөгжин цэцэглэлтийг авч ирэхийн төлөө хамтдаа хичээхэд бэлэн байна.

Америкийн талын үндэслэлгүй үйлдэлд Хятадын тал бүх талын бэлтгэлээ бүрэн хангасан төдийгүй, хэрэгжүүлэх хариу арга хэмжээ хэдийнэ зарласан. Гэхдээ хамтын ажиллагаа бол Хятад, Америкийн хоёр талын цорын ганц зөв сонголт бөгөөд харилцан ашигтай байж л илүү сайхан хөгжилд хүрнэ гэдэгт Хятадын тал итгэсэн хэвээр байгаа. Хятад, Америкийн худалдаа, эдийн засгийн зөвшилцлийн ерөнхий чиглэлийг харвал, Хятадын тал хойш бус урагш харж байна. Талууд худалдаа, эдийн засгийн салбарын зөрчилдөөн, маргааныг яриа хэлцэл, зөвшилцлийн замаар л шийдвэрлэх хэрэгтэй. Талууд харилцан ашигтай хамтдаа хожих хэлэлцээрт хүрэх нь хоёр улсын эрх ашигт нийцэх төдийгүй дэлхийн бусад улс орнуудын хүлээлтэд нийцэж байна. Америкийг Хятадтай нэгэн зүгт урагшилж, харилцан хүндэтгэлтэй, эрх тэгш харилцан ашигтай үзлээр зөрчилдөөнийг шийдвэрлэж, хамтын ажиллагаагаа бэхжүүлж, хоёр улс болон бусад улс орнуудын ард түмэнд ашиг тусыг хүргэхээр хамтдаа хичээгээсэй хэмээн хүсэж байна.

Хятад, Монгол хоёр улс бол газар нутгаараа холбогдсон нөхөрсөг хөршүүд бөгөөд хоёулаа хөгжиж буй орнууд. Хятад улс бол Монгол Улсын худалдааны хамгийн чухал түнш мөн экспортын зах зээл юм. Хоёр улсын нийгэм, эдийн засгийн хөгжил нягт холбоотой, өндөр түвшинд харилцан нөхөлцдөг. Хятад, Монгол хоёр улсын худалдаа, эдийн засгийн харилцаа хоёр улсад ямагт бодит ашиг шимийг өгч ирсэн. Хоёр улсын ард түмэн бол чөлөөт худалдааны болон олон талт худалдааны ашиг хүлээн авагчид билээ. Хятадын тал худалдааны олон талт үзэл болон чөлөөт худалдааны системийг тууштай хамгаалахын зэрэгцээ Америкийн нэг талт үзэл болон худалдааны дээрэнгүй байдлыг эсэргүүцнэ. Энэ нь Монгол Улс зэрэг бусад олон олон хөгжиж буй орнуудын дуу хоолой, эрх ашгийн төлөөх шударга үйлдэлд нийцэж байгаа болно. Монголын найз нөхдийг энэхүү цагаан номтой хичээнгүйлэн танилцсанаар Хятад, Америкийн худалдааны маргааны бодит үнэн, уг чанарын талаар илүү бүрэн хэмжээний, бодит, тодорхой ойлголттой болно гэдэгт итгэлтэй байна. Монголын талыг илүү эрх тэгш, зүйд нийцсэн олон талт үзлийн чөлөөт худалдааг байгуулж түүнийгээ бэхжүүлэн, бидний хамтын эрх ашгийг илүү сайн хамгаалахын төлөө Хятадын талтай хамтдаа хичээл зүтгэл гаргаасай хэмээн хүсэж буйгаа үүгээр илэрхийлж байна.

"Болор дуран"-аар шалгав.
Энэ мэдээнд өгөх таны сэтгэгдэл?
1
ХөөрхөнХөөрхөн
1
ХарамсалтайХарамсалтай
1
ТэнэглэлТэнэглэл
0
ЗөвЗөв
0
ХахаХаха
0
ГайхмаарГайхмаар
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2019-06-05 103.9.89.103

Худалдааны дайнд Америк ялаасай билээ. Энэ муу х***а нар хугацаа нь дууссан, гологдол, зарагддаггүй, дефектэй, мапаантай бараагаа Эрээн лүү илгээдэгээ больчих хэрэгтэй. Тэгсэн цагтаа Худалдааны Дайнд үнэнч шудрагаар оролцож байна гэж шаагаарай Эрхэм элчин сайд гуай!!!!!

Avatar

Зочин 2019-06-05 66.181.177.198

Зөв. ХАА н бүтээгдэхүүнийг Америкаас биш биднээс ав

Avatar

Зочин 2019-06-05 66.181.161.94

Зөв. ХАА-н бүтээгдэхүүнийг хятад руу гаргахдаа бид өөрсдөө бэлтгэж, манай компаниуд тодорхой квоттой гаргах хэрэгтэй. Тэгэхгүй бол сая маханд очерлосон шиг дараа нь гуриланд очерлох болно.

Avatar

Paвcaл 2019-06-05 174.216.8.232

Энэ худалдааны маргаан монголд сөргөөр тусна гэдгийг ойлгодог болов уу манай комми бичигчид. Улсынхаа бодлогыг тайлбарлан таниулах ажил хийж байгаа л хүн дээ. Бид байтугай дэлхий тэр чигээрээ xyжаа бaндaaш өмсдөг шүү дээ. Хэрэв жинхэнэ дайн болвол 100 сая xyжаа дүрвэшч ав гэж НҮБ хэлэх байх даа. Одоо намайг баахан нөхөд xужaa гэж гүтгэнэ дээ.

Avatar

Зочин 2019-06-05 66.181.161.86

Энэ элчингийн хэлсэн … Хятадын талтай хамтдаа хичээл зүтгэл гаргаасай хэмээн хүсэж буйгаа үүгээр илэрхийлж байна … гэсэн үг нь зүгээр л улсынхаа бодлогыг тайлбарлаж байгаа шиг ойлгогдохгүй байна.

Avatar

Зочин 2019-06-05 66.181.161.16

муу дипломатч бн.манай улстөрчдөөс попрохыг суржээ.батзандан болд шиг олны өмнө мэдэгдэл хийхгүй бол нойр ни хүрэхээ байсан нөхөр бн уу.

Avatar

Зочин 2019-06-05 103.9.91.40

Монгол улс яагаад хөгжиж чадахгүй байгаа нь манай газар зүйн байршил юм. Үүнээс гарах ганц гарц бол дэлхийн том дайн юм. Америк хятадын энэ зөрчил бидэнд ашигтайгаар эргэж дайн болоосой гэж чин сэтгэлээсээ хүсэж бн.

Avatar

Зочин 2019-06-05 203.91.115.41

Монголчууд хамгийн залхуу. залхаг ард түмэн!!!!

Avatar

Зочин 2019-06-05 66.181.161.46

АНУ-н элчин сайд нь бас нэг мэдэгдэл гаргах байх даа.

Avatar

Зочин 2019-06-05 103.9.91.40

Үгүй шүү. Хятадууд та нар шудрагаар өрсөлдөх хэрэгтэй. АНУ та нарт их боломж олгож байсныг бид мэднэ. Та нар буулт хийхгүй бол хятад задрах болно.

Avatar

Зочин 2019-06-05 202.126.88.214

Бид Тянь-минь,түвд шинжань,далай ламын талаар дууграхгүй байхад бүр давраад та нар Америкатай муудалц гэж шахаж байна.

Avatar

Зочин 2019-06-05 122.201.24.167

ЭНЭ ЮУНД УРИАЛАН ДУУДААД БАЙНАА.ТЭР ХУДАЛДААНЫ ДАЙНЫГ ЧИНЬ ЧӨТГӨР АВАГ.МАНЬ МЭТЭД ПАДГҮЙ.МАХ ГУРИЛ ТӨМСТЭЙГӨӨ БАЙХАД МОНГОЛ ЦАТГАЛАН ЦАТАГЛАН МОНГОЛ ТЭНГЭР НУРЖ БАЙСАН Ч ТООХГҮЙ.ХАРИН МАХ ГУРИЛИЙГ НЬ БУЛААГААД ҮЗДЭЭ.ККК

Avatar

Зочин 2019-06-05 66.181.170.73

АНУ худалааны хориг саад худалдааны дайн төдийн зүйл биш юм. Энэ магадгүй жинхэнэ дайны эхлэл байж ч мэднэ. АНУ ын ази номхон далайн бүс нутагт тогтоосон нөлөө болон тэдний холбоотнуудад хамгийн том гай тарих нь хятад юм. Сүүлийн үед хятадын нөлөө азид их тэлж байгааг АНУ зүгээр хараад суухыг хүсээгүй хэрэг. Өмнөд хятадын тэнгист дайн эхэлж дэгдэх болно. Хятад дотороосоо бас самуурна. Тиймээс бид БХ хөрөнгө хаях хэрэгтэй.

Avatar

Зочин 2019-06-05 182.160.2.40

solior ter dainaa tsaaguuraa hii enuugeer tataad baih shaardlaggui

Avatar

Зочин 2019-06-05 66.181.170.73

Шин хаймин билүү энэ нөхөр дан хятадын үйл ажиллагаа бодолого зорилтыг нэг муждаа дуулгаж байгаа аятай манайд мэдэгдэл хийж байдаг сонин нөхөр шүү. өөр улсын элчингүүд ингэж байна уу. хкн тэдүгээр их хурал хуралдалаа тэглээ ингэлээ гээд дан донгосоно. танай улсын мэдээллийн чамтай чамгүй хүлээн аваад мэдчинэ. танай түүх соёлыг ч судалж байгаа. танайд талтайдаа биш дайснаа судлах гэсэн дээ.

Avatar

Зочин 2019-06-05 202.126.88.214

элчин сайд та нэртэйгээр нь наад манай засгийн газраар гаргуулах гээд байгаа мэдэгдлийнхээ эхийн бэлдээд манай гадаад явдалын ѳгчих

Avatar

Зочин 2019-06-05 202.9.44.191

хятад ахан дүүсийн мань үйлс бүтэмжтэй байг

Avatar

Зочин 2019-06-05 202.126.88.214

Энэ нэг балай юм манайд сууж байгаа элчин сайд гэдгээ мэддэггүй байхаа.Үе үе л Чэнь И,Сью Шью Жан шиг л урт урт сургааль айлдах болж манай ГАДААД яам яагаад эсэргүүцэл гарга\n\nхгүй байна.Энэ үйлдэл санаандгүй зүйл биш шүү !!!.Бид тусгаар улс байж дотоод хэрэгт хэт оролцсон албан ёсны мэдэгдэлийг хараад сууж болох юмуу.Биднийг юунд дасгах зорилготой байгаа нь энэ хүний заавар илт түрэмгий болж байгаагаас харагдаж байна.

Avatar

Тб 2019-06-05 203.91.115.41

Амнаас чинь цул хятад сармис ханхалж байна!!!!

Avatar

Зочин 2019-06-05 103.57.95.63

Haanahiin tug be

NewsMN Гар утасны хувилбар Татах
NEWS.mn

Мэдээллийн эх сурвалж